Partneriteti midis autoriteteve vendore dhe sindikatave për zgjidhjen e problemeve sociale

botuar më 10-05-26 11.17.PD

Organizata Kombëtare e Bashkive në Bullgari dhe Konfederata e Sindikatave të Pavarura në Bullgari nënshkruan një memorandum bashkëpunimi. Partneriteti midis dy organizatave gjatë viteve të fundit dha mundësi që të zgjidhen një varg problemesh sociale në nivel vendor dhe është shumë i rëndësishëm në kohën e krizës. Përpjekjet e përbashkëta garantojnë ruajtjen e paqes sociale në vend, e cila nuk është stabile gjatë krizës. Shembujt për tension social janë shumë afër, në vendet fqinja të Bullgarisë. Bashkëpunimi midis dy organizatave është mbi çështje kyçe që kanë të bëjnë me vendet e punës, kualifikimin profesional, arsimin, shëndetësinë. Ai realizohet si në këshillat e bashkëpunimit trepalësh (autoritetet bashkiake, punëdhënësit dhe sindikatat), ashtu edhe në këshillat pranë zyrave vendore të punës, në komisionet bashkiake për kushtet e punës dhe në të gjitha organet e tjera në nivel vendor, të cilat kanë rëndësi për zhvillimin e regjioneve.

Aktualizimi i ardhshëm i buxhetit të shtetit shkaktoi shqetësime edhe te sindikatat, edhe te autoritetet vendore. Sipas bashkive, shkurtimet në administratat bashkiake do të jenë një goditje mbi mundësitë e tyre të drejtojnë pronën bashkiake dhe të përvetësojnë mjetet e fondeve evropiane. Sipas zotit Plamen Dimitrov, nënpresident i Konfederatës së Sindikatave të Pavarura në Bullgari, në diskutimin e buxhetit të vitit të ardhshëm Organizata Kombëtare e Bashkive dhe sindikatat do të shprehin një pozitë të përbashkët. Të përbashkëta do të jenë dhe veprimet e tyre në mbështetje të tregut të punës dhe për pakësim të papunësisë në nivel regjional. Plamen Dimitrov dha disa shembuj për bashkëpunim konkret:

“Me iniciativë të Konfederatës së Sindikatave të Pavarura në Bullgari filloi një projekt në nivel vendor me Bashkinë e Dobriçit dhe vendpushimin detar Albena. Bëhet fjalë për stazh të 300 të rinjve, të cilët mbarojnë shkollën. Ky do të jetë një stazh tremujor gjatë stinës turistike. Shpenzimet e tyre do të paguhen në kuadër të Planit kombëtar të punësimit, kurse vendpushimi Albena do të sigurojë kushtet e tjera.”

Një projekt tjetër realizohet me Bashkinë e Plovdivit dhe Organizatën e zanatçinjve. Sipas tij 70 të rinj të papunë përvetësojnë zanate të ndryshme. Në saje të bashkëpunimit midis autoriteteve vendore, Kryeinspektoratit të Punës dhe sindikatave u zgjidh konflikti për ndërtimin e autostradës “Ljulin” pranë kryeqytetit. Atje kompania turke “Mapa Çingiz” kishte shkelur të drejtat sociale të punonjësve bullgarë.

Autoritetet vendore dhe sindikatat janë në bazën e ruajtjes së paqes sociale në shumë bashki nëpërmjet nënshkrimit të 210 kontratave kolektive të punës me punëdhënësit. Bashkëpunimi i tyre shprehet dhe në 50 marrëveshje regjionale me investitorët në nivel vendor, të cilët u angazhuan të aplikojnë në veprimtaritë e tyre praktikat e mira të përgjegjësisë sociale korporatave. Konfederata e Sindikatave të Pavarura në Bullgari dhe Organizata Kombëtare e Bashkive do të jenë partnere dhe në përpjekjet për përsosje të Ligjit për tatimet dhe taksat vendore dhe të dokumenteve të tjera, të cilat të rrisin të ardhurat e bashkive. Në qytetin Smoljan të Bullgarisë së Jugut do të kërkohet mënyrë të rriten mjetet e shkollave bashkiake, si edhe të përmirësohet standardi i jetesës në institucionet sociale. Synimi është që nëpërmjet partneritetit të ruhen disa shërbime sociale dhe shëndetësore.

Përgatiti në shqip: Ekaterina Tarpomanova

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Partneriteti midis autoriteteve vendore dhe sindikatave për zgjidhjen e problemeve sociale

Më shumë nga rubrika

Nënpresidentja Ilijana Jotova hapi një ekspozitë për Trakinë e lashtë në Muzeun Getty

Shpallën renditjen e institucioneve të arsimit të lartë dhe diplomat më fitimprurëse për vitin 2024

Një ekspozitë në "Urën e të dashuruarve" në Sofje ndjek arritjet bullgare të olimpiadave shkencore

Pse disa nga rrugët e Pragës mbajnë emrat e iluministëve bullgarë?

WWF Bullgaria i kushton vëmendje mbrojtjes së arinjve