Universiteti teknik i Sofjes përgatit specialistët e ardhshëm

botuar më 11-11-30 12.30.MD

Foto: wikipedia.org

Shkolla e parë teknike në Bullgari është krijuar në vitin 1881 në qytetin Ruse. Aty janë përgatitur makinistë dhe foksit kaldajist të Flotës luftarake të Danubit. Që prej 130 vitesh arsimimi teknik mëson specialistë të faktuar në konkurrencë në vend dhe jashtë tij. Shkolla më e lartë teknike në Bullgari është Universiteti Teknik në Sofje i cili mbushi 66 vite. Sipas dekanit të katedrës “Automatika “ doc. Valeri Mlladenov, industria bullgare vazhdon të mbështetet te specialistët, që kanë mbaruar degë të ndryshme në këtë universitet.

“Ne përgatisim shumë kuadro. Shumë prej tyre janë në nivel të tillë që pothuajse menjëherë pas mbarimit këtu gjejnë punë jashtë pa problem. Të tjerë shpejt gjejnë punë në Bullgari dhe Evropë. Ndonjëherë studentët nuk janë gati të fillojnë punë me teknikë të dhënë, duhet të ketë një periudhë adaptimi prej disa muajsh. Atyre u është e nevojshme shumë pak kohë për adaptim. Ne i mësojmë të mendojnë në një nivel të ndryshëm me qëllim të jenë kompetentë në fusha të ndryshme teknologjike gjithnjë e të rinovueshme.”
Përveç mësimit teorik, studentët marrin dhe përgatitje praktike. Sipas doc. Mlladenov pothuajse çdo firmë e madhe bullgare ka hyre prej kohësh në kontakt me 14 fakultetet e këtij universiteti. Pothuajse çdo fakultet ka bile dy laboratorë shkencor me pajisje moderne. Në tre nga fakultetet mësohet në gjuhë të huaj dhe pas mbarimit studentët marrin dy diploma, një bullgare dhe një diplomë nga shteti përkatës. Docent Mlladenov tregon se fakulteti me mësimdhënie në gjermanisht është tanimë me histori 20 vjeçare. Ata që kanë mbaruar këtë fakultet janë specialistë të diplomuar nga Universiteti Teknik vendas dhe nga universiteti në qytetin gjerman Karlsrue. Të shumta janë edhe mësimet jashtë vendit nëpërmjet programit evropian “Erasmus”. Filialet e Universitetit Teknik gjenden në qytetet Pllovdiv dhe Sliven. Katër kolegje dhe dy shkolla të mesme në vend gjithashtu janë asociuar dhe janë nën udhëheqjen e universitetit. Dhe krejtësisht natyrshëm pjesa më e madhe e nxënësve hyjnë në auditorët e studentëve. Është e pamundur të numërohen emrat e studentëve të shkëlqyeshëm të cilët kanë marrë vendet e para në olimpiadat ndërkombëtare. Shumë janë edhe inxhinierët e rinj të padiplomuar të cilët kanë shkruar emrat e tyre në librat e shpikjeve dhe inovacioneve teknologjike.

Përgatiti në shqip: Ndriçim Uka

По публикацията работи: Lina Ivanova

Последвайте ни и в Google News Showcase, за да научите най-важното от деня!

Ndaje

Universiteti teknik i Sofjes përgatit specialistët e ardhshëm

Më shumë nga rubrika

Për përulësinë ndaj iluministëve dhe dimensionin bashkëkohor të iluminizmit

Persona me vështirësi mendore prezantojnë në fotot "Histori arkitektonike nga Sofja e Vjetër"

Një peticion insiston për shpalljen e rezervatit të parë detar në Bullgari

Pse Sofja është kryeqyteti i përshtatshëm për Tubimin Panortodoks