Bordi Zgjedhor pranë Këshillit të Ministrave filloi së funksionuari

botuar më 13-04-04 11.06.PD

Në vend të parë duhet të perceptohet parimi i partneritetit aktiv, deklaroi kryeministri Marin Rajkov gjatë mbledhjes së parë të Bordit Zgjedhor.

Foto: BGNES

Bordi Zgjedhor pranë Këshillit të Ministrave filloi së funksionuari pasi miratoi rregullat e punës. Në mbledhjen e parë morën pjesë 22 veta. Ata janë përfaqësues të organizatave joqeveritare dhe janë të regjistruar si vëzhgues të zgjedhjeve presidenciale në Bullgari më 2011 dhe të zgjedhjeve të vijueshme parlamentare. Ndër pjesëmarrësit e Bordit ka ekspertë të dalluar në organizimin dhe zhvillimin të zgjedhjeve dhe të legjislacionit zgjedhor si prof. Mihaill Konstantinov dhe prof. Emilia Drumeva. Në takim morën pjesë dhe shefat e Komisionit Qendror të Zgjedhjeve dhe Zyrës së Regjistrimit Shoqëror dhe të Shërbimeve Administrative. Mirëpo, sipas ligjit ata nuk mund të anëtarësohen në Bord.

Bordi Zgjedhor u krijua nga kryeministri teknik Marin Rajkov si formacion civil. Ai ka për qëllim t’i ndihmojë qeverisë në organizimin e zgjedhjeve demokratike dhe transparente më 12 maj. Ja se çfarë tha vetë kryeministri Rajkov: “Në vend të parë Bordi Zgjedhor është një organ i pavarur ekspertësh i cili thërritet për të ndihmuar Këshillin e Ministrave në përgatitjen e zgjedhjeve. Në Bord u ftuan organizata dhe persona me kompetencë. Kriteri i kompetencës është me shumë rëndësi. Organizatat të cilat regjistrohen si vëzhguese gjithashtu mund të përfshihen në diskutime.”

Do të garantohet puna e pavarur e Bordit Zgjedhor, ishte bindës z. Marin Rajkov. Nga njëra anë, organizatat joqeveritare vullnetarisht marrin pjesë në Bord, nuk emërohen nga kryeministri, as nga Ministri i Këshillave ose nga ndonjë organ tjetër shtetëror. Nga ana tjetër, këto organizata nuk marrin pjesë në procesin zgjedhor, d.m.th. nuk mund të kandidojnë ose të mbrojnë agjenci sociologjike etj. Përveç kësaj, në krye të Bordit do të qëndrojnë përfaqësues të cilët do të ndërrohen. Kryeministri Rajkov theksoi se Bordi Zgjedhor është një organ konsultativ. Ai do të japë dhe do të diskutojë mendime, sugjerime, propozime për t’u zgjidhur problemet lidhur me zhvillimin e zgjedhjeve demokratike dhe transparente. “D.m.th. qëllimi i Bordit është më tepër dialog, kategorik ishte kryeministri. – Në vend të parë është e rëndësishme që të perceptohet parimi i partneritetit aktiv.”

Çfarë nuk duhet të jetë Bordi Zgjedhor?

“Duket, se Bordi Zgjedhor nuk mund të zëvendësojë organet shtetërore – është i mendimit kryeministri Rajkov. – Nuk e ka detyrë që të zëvendësojë pjesëmarrjen e partive politike. Nuk është organ i cili mund të anulojë punën e organeve shtetërore. Ka linjë ligjore, kompetenca dhe procedura përkatëse dhe këto duhet të respektohen. Bordi Zgjedhor nuk mund t’i ngarkojë me detyra organeve shtetërore. Kjo vijon sipas ligjeve.”

Sipas rregullave të miratuara në mbledhjen e parë, Bordi do të mblidhet çdo të mërkurë pas seancave të rregullta të Këshillit të Ministrave. Do të ketë 5 seanca deri sa të zhvillohen zgjedhjet. Në krye të seancës së vijueshme do të jetë prof. Emilia Drumeva, e cila është eksperte e drejtësisë kushtetuese. U propozua që të përpilohet një mesazh për tolerancë, si dhe të diskutohen mundësitë e bashkëpunimit të qytetarëve me grupin për luftë kundër shkeljeve lidhur me të drejtat zgjedhore.

Përgatiti në shqip: Anna Kapitanova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Bordi Zgjedhor pranë Këshillit të Ministrave filloi së funksionuari

Më shumë nga rubrika

KE: Maqedonia e Veriut ende nuk i ka përfshirë bullgarët në kushtetutë

Votimi jashtë vendit nuk solli ndonjë surprizë të madhe

Situata pas votimit: pritshmëria për një qeveri, pavarësisht fragmentimit edhe më të madh të parlamentit

Ngjarjet me adresë ballkanike