"Gjithmonë kam besuar se vendimet mund të gjenden në tryezën e bisedimeve. Brezat e tanishëm dhe të ardhshëm nuk do të falin as Bullgarinë, as Republikën e Maqedonisë së Veriut se nuk kemi gjetur kompromis, i cili të na japë perspektivë." Këtë e deklaroi Kryeministri Bojko Borisov sot në takimin me të dërguarin e posaçëm të qeverisë së Maqedonisë së Veriut për Bullgarinë Vllado Buçkovski.

Nëpërmjet profilit të vet në Facebook Borisov vuri në duke se ka theksuar se për marrëdhëniet e besimit të ndërsjellë është me rëndësi të madhe zbatimi i të gjitha angazhimeve të ndërmarra sipas Traktatit të Miqësisë, Fqinjësisë së Mirë dhe Bashkëpunimit, të nënshkruar mes dy vendeve tona në vitin 2017.