Vendosja e trupave shtesë të NATO-s në Bullgari dhe Rumani do të çonte në një rritje të padëshirueshme të tensioneve në rajon, komentoi Ministri i Mbrojtjes Stefan Janev në Facebook. “Një debat i tillë, respektivisht – një qëndrim i tillë, ka potencial të çojë në një rritje të padëshirueshme të tensioneve në rajon. Madje, në këtë fazë nuk ka asnjë bazë që proceset e vëzhguara të konsiderohen si një kërcënim i drejtpërdrejtë për Aleancën.”

Këtë Ministri bullgar i Mbrojtjes e shkroi në lidhje me propozimin e Gjeneralit Tod Uoltërs, Komandant i Përgjithshëm i Forcave Aleate të NATO-s në Evropë, për zgjerimin e pranisë së aleancës në Bullgari dhe Rumani.

Janev vëren se rritja e potencialit ushtarak të Rusisë dhe aktiviteteve në krahun lindor të NATO-s janë rrethana që duhen monitoruar dhe se “shteti bullgar është i gatshëm të rrisë kapacitetin e forcave të veta kombëtare në territorin e vet në kontekstin e aftësive aleate”.