36 shtetas bullgarë dhe familjarët e tyre u evakuuan me sukses nga Rripi i Gazës dhe tani janë të sigurt në Egjipt. Bullgari i 37-të deshi të qëndrojë, njoftoi zëvendëskryeministrja dhe ministre e jashtme Maria Gabriel. “Në një situatë komplekse dhe jashtëzakonisht dinamike, falë përpjekjeve të koordinuara të ministrisë dhe veprimeve të përfaqësive tanë në Kajro, Ramallah dhe Tel Aviv, tërheqja e bashkatdhetarëve tanë përmes pikës së kalimit Rafah u krye me sukses, në grupin e parë të mundshëm që u lejua të largohet nga Gaza. Dëshiroj të falënderoj të gjithë të përfshirë në arritjen dhe realizimin e kalimit", tha Gabriel. Gjendja e të gjithë të evakuuarve është e mirë. Ka komunikim të vazhdueshëm me misionet në Kajro, Ramallah dhe Tel Aviv, për të ofruar kujdesin më të mirë për bashkatdhetarët tanë, informojnë nga ministria.