Tregu i pasurive të paluajtshme rezidenciale në Sofje në tremujorin e dytë të 2024 mbetet i qëndrueshëm dhe aktiv. Pavarësisht parashikimeve për një qetësi të mundshme, tendencat tregojnë rritje të çmimeve dhe rritje të ndjeshme të kërkesës. Këtë e tregon një analizë e një prej agjencive më të mëdha të pasurve të patundshme në vendin tonë, cituar nga Bloomberg TV. Sipas të dhënave të Institutit Kombëtar të Statistikave, në tremujorin e parë të 2024-ës, në vend u vu re një rritje rekord prej 16% të çmimeve të banesave. Krahasuar me tremujorin e katërt 2023, rritja është rreth 7%. Arsyet e rritjes së çmimit lidhen me rritjen e kërkesës. Pas një tërheqjeje të blerësve nga tregu në pritje të uljes së çmimeve, ata tani janë sërish në kërkim të pronave, të shqetësuar për rritjen e mundshme të çmimeve pas futjes së euros në Bullgari.  Përveç kësaj, rritja e pagave dhe normat e ulëta të hipotekave po kontribuojnë gjithashtu në rritjen e kërkesës. Apartamentet me dy dhe tre dhoma janë më të kërkuarat. Çmimet mesatare lëvizin nga 1800 deri në 2000 euro për një metër katror, ​​duke arritur deri në 3000 euro për një metër katror në qendrën ideale të kryeqytetit.

• Habitat Bullgaria: Problemi i madh i banesave të rrezikshme nuk është ndër prioritetet e shtetit

• Banesa e bullgarit – shpesh e mbipopulluar dhe tepër e shtrenjtë

• Urbanisti: Godinat e ndërtuara pas vitit 2000 kanë rezistencën më të mirë ndaj tërmeteve

• A kanë të ardhme blloqet e panelit në Bullgari?

• Në Bullgari banesat janë më shumë sesa janë familjet