Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Parashikimi i motit për 27 qershorin 2026

Vazhdojnë temperaturat e larta në vend

Foto: BTA

Gjatë natës moti në të gjithë vendin do të jetë i kthjellët. Në rajonet lindore do të fryjë erë e lehtë nga lindje-juglindja.

Të premten vendi do të mbetet nën ndikimin e një mase të nxehtë ajri. Temperaturat maksimale do të lëvizin ndërmjet 35 dhe 40 gradë Celsius, pak më të ulëta në verilindje dhe përgjatë bregdetit të Detit të Zi. Moti do të jetë me diell, por në orët e pasdites dhe mbrëmjes, kryesisht në pjesën perëndimore të vendit, do të nisë ndikimi i një fronti të ftohtë atmosferik. Kjo do të sjellë paqëndrueshmëri në atmosferë, zhvillim të vranësirave, reshje të shkurtra shiu me bubullima, erëra të forta dhe mundësi për breshër. Gjatë natës kjo situatë do të përfshijë edhe verilindjen e vendit. Në Bullgarinë Lindore do të fryjë erë e lehtë deri mesatare nga juglindja, e cila pasdite do të kthehet nga veriperëndimi dhe do të forcohet. Me afrimin e mbrëmjes pritet hyrja e një mase ajri më të freskët.

Në bregdetin e Detit të Zi do të jetë me diell, me erë të lehtë deri mesatare nga lindja, ndërsa pasdite nga jug-juglindja. Temperaturat do të jenë ndërmjet 29 dhe 31 gradë, ndërsa temperatura e ujit të detit do të jetë 22–25 gradë. Dallgëzimi i detit do të jetë 1-2 ballë.

Në zonat malore, paraditja do të jetë me diell dhe mot i ngrohtë, ndërsa pasdite do të ketë zhvillim të vranësirave dhe reshje të shkurtra me bubullima, si dhe rrezik për breshër. Do të fryjë erë e lehtë deri mesatare nga veriu-veriperëndimi, që do të forcohet në mbrëmje. Temperaturat do të jenë rreth 29° në lartësi 1200 m dhe 21° në 2000 m.

Redaktoi: Darina Grigorova

Përgatiti në shqip dhe publikoi: Svetllana Dimitrova

Foto: BTA



Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për fundjavën

Të shtunën temperaturat minimale do të jenë nga 0 deri në 5°, në Sofje – rreth 0°. Gjatë 24 orëve të ardhshme nuk pritet ndryshim në situatën sinoptike. Gjatë ditës do të jetë kryesisht me diell. Në Rrafshinën e Danubit do të ketë mjegull, ndërsa..

botuar më 25-11-14 7.35.MD

Bullgaria i kërkon SHBA-së të shtyjë pagesën sipas kontratës për F-16

Ministria e Mbrojtjes po kërkon shtyrjen e njërës prej pagesave të mëdha sipas kontratës për avionin e dytë F-16 deri në vitin 2028. Ministri i Mbrojtjes, Atanas Zaprjanov, tha se kjo është e nevojshme sepse vendi ynë do të hasë vështirësi në zbatimin..

botuar më 25-11-14 6.32.MD
Bojko Borisov

Qeveria nuk do t'i japë me qira pronë të "Lukoil"-it në Bullgari

Shpresojmë që sot Bullgaria të marrë një përjashtim nga sanksionet e SHBA-së kundër kompanisë ruse "Lukoil", siç ka në Gjermani - për 6 muaj. Këtë e deklaroi në margjinat e parlamentit Bojko Borisov, kreu i partisë në pushtet GERB. Në..

botuar më 25-11-14 3.19.MD