Bullgaria ka mbështetjen unanime të udhëheqësve evropianë për eurozonën. Sot, 26 qershor, do të miratohen përfundime pozitive në lidhje me dy raportet e konvergjencës dhe do t'i bëhet një rekomandim Këshillit për të miratuar ndryshimet e nevojshme legjislative. Kjo u deklarua ditën e sotme nga Kryeministri bullgar Rosen Zheljazkov në përgjigje të një pyetjeje gazetareske.

Para fillimit të takimit të Këshillit Evropian sot, ai u takua me Presidentin e Këshillit Antonio Costa. Të dy diskutuan gjithashtu temën e anëtarësimit të Republikës së Maqedonisë së Veriut në BE. 

Zheljazkov mori sigurinë e Costas se Këshilli do t'i përmbahet në mënyrë strikte kompromisit të vitit 2022. "Zbatimi i kompromisit të konsensusit të vitit 2022, që nënkupton ndryshime në Kushtetutën e Republikës së Maqedonisë së Veriut me hyrjen e komunitetit bullgar, është kushti i nevojshëm për të filluar procesin e negociatave", ishte kategorik Kryeministri.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA, government.bg