Investimet në prodhimin e energjisë diellore

botuar më 09-10-22 1.12.MD

Foto: arkiv

Bullgaria duhet të zhvillojë prodhimin e energjisë nga burime ripërtëritëse energjetike, pjesë prej të cilëve janë dielli dhe era. Angazhime për prodhimin e energjisë së pastër, e cila nuk ndot ambientin rrethues, vendi ynë mori përsipër me hyrjen në BE-në. Tani për tani kapacitetet për prodhimin e energjisë elektrike nga dielli, domethënë sistemet fotovoltaike përbëjnë vetëm 3 megavate. Kohët e fundit 17 kompani bullgare nga sfera e energjisë diellore dhe institucione financiare krijuan Asociacionin Kombëtar Fotovoltaik. Qëllimi i tij është që kjo degë e energjetikës bullgare të fillojë të zhvillohet me ritme më të shpejta.

Në Bullgari sistemet fotovoltaike janë pak. Deri në vitin 2020 parashikohet që 16 për qind nga energjia elektrike që prodhohet në vend të sigurohet nga burime ripërtëritëse energjetike, kryesisht era dhe dielli. Në se kjo nuk do të realizohet, atëherë Komisioni Evropian do të dënojë Bullgarinë me gjoba. Si rezultat i prodhimit të energjisë nga burime ripërtëritëse do të garantohet pastërtia e natyrës dhe do të hapen vende të reja të punës. Mirëpo, Bullgaria nuk disponon strategji për zhvillimin e energjisë nga burime ripërtëritëse energjetike.

Sipërmarrësi Rumen Hristov, i cili investon në kapacitete fotovoltaike komenton: “Në Asociacionin Kombëtar Fotovoltaik ka ekspertë, të cilët do të studiojnë të gjitha mundësitë për instalimin e sistemeve fotovoltaike. Për plotësimin e detyrimit të vendit, që deri në vitin 2020, 16 për qind nga energjia e prodhuar të sigurohet nga burime ripërtëritëse, çdo vit duhet të instalohen nga150 megavate sisteme fotovoltaike. Krahas kësaj edhe kapaciteti i turbinave të erës gjithashtu duhet të arrijë 150 megavate. Duke marrë parasysh se aktualisht vendi disponon vetëm 3 megavate sisteme fotovoltaike, duhet të avancojmë shumë brenda viteve të ardhshme. Asociacioni do të analizojë shkaqet për këtë situatë, njëra prej të cilëve fshihet në legjislacion.”

Që nga viti 2007 Bullgaria ka ligj për burimet ripërtëritëse dhe alternative energjetike dhe lëndët djegëse biologjike. Ai garanton blerjen e energjisë fotovoltaike për një periudhë 25 vjeçar, aq sa është afati i punës së sistemeve fotovoltaike. Mirë po, kjo energji nuk ka një çmim të saktë. Ai caktohet çdo vit dhe prandaj bankat refuzojnë kredi për ndërtimin e sistemeve të reja fotovoltaike. Sipas asociacionit, investitorët nuk janë në gjendje të prezantojnë para bankave llogari të sakta, sepse nuk dinë çmimin blerës të kësaj energjie. Rumen Hristovi shpjegon:

“Do të jetë mirë, në se çmimi blerës i energjisë fotovoltaike do të caktohet në euro, sepse kreditë që merren janë në valutë evropiane. Në se çmimi blerës do të caktohet, atëherë Bullgaria më lehtë do të fillojë të plotësojë angazhimet e marra përsipër në marrëveshjen e aderimit me BE-në.”

Për arritjen e qëllimit, që deri në vitin 2020, 16 për qind nga energjia të sigurohet nga burime ripërtëritëse energjetike, asociacioni ka ndërmend të realizojë programin “10 mijë çati me instilacione diellore”. Kështu secili që ka shtëpi do të jetë në gjendje të rregullojë kapacitete fotovoltaike me procedurë të thjeshtësuar. Asociacioni bëri propozim për disa korrigjime në ligj me qëllim mënyra e instalimit të sistemeve diellore mbi shtëpitë private të bëhet më e lehtë. Sot ligjësimi dhe vënia në shfrytëzim vetëm i një moduli fotovoltaik mbi çatinë fsheh shumë vështirësi.

Përgatiti në shqip: Svetllana Dimitrova

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Investimet në prodhimin e energjisë diellore

Më shumë nga rubrika

Të ardhurat e familjeve bullgare në vitin 2024 kanë tejkaluar shpenzimet

Biznesi bullgar pret një rënie prej 5 deri në 30% për shkak të tarifave të reja amerikane

Çmimet e banesave në Bullgari u rritën 2-3 herë në 10 vjet