Mbrojtja e interesave të policisë kalon përmes besimit të shoqërisë

botuar më 09-10-28 11.57.PD

Policia është një institucion i komplikuar dhe mbrojtja e interesave të nëpunësve të saj nuk është vetëm çështja sindikale ose profesionale. Në vendet demokratike sektori i sigurisë është i fuqishëm, vetëm kur nëpunësit e tij janë të respektuar dhe kanë autoritet në shoqëri. Ky është qëndrimi i sociologut Antonij Gëllabov. Në një forum me temë “Mbrojtja e interesave të nëpunësve të policisë”, organizuar nga Ministria e Punëve të Brendshme dhe Fondacioni “Konrad Adenauer”, ai prezantoi dinamikën e orientimeve shoqërore nga pikëpamja e besimit dhe përkrahjes së veprimeve të policisë gjatë viteve të tranzicionit.

Sipas të dhënave, në vitin 1992 policia kishte përkrahjen e 44 për qind të të anketuarve, përderisa në vitin 2000 – kjo përqindje uli në 37. Gjatë periudhës së viteve 2001-2004 shihej një tendencë e rritjes së përkrahjes dhe besimit te policia. Mirë po, në periudhën tjetër midis viteve 2005-2008 u regjistruan përqindjet më të ulëta të përkrahjes dhe besimit. Sipas anketimeve 9 nga 10 bullgarë mendojnë, se ligji nuk respektohet. Ja përse pjesa dërmuese e qytetarëve nuk kërkojnë ndihmën e organeve kompetente. Për shkak të mungesës së besimit dhe të frikës nga hakmarrja, gatishmëria shoqërore për të dhënë dëshmi në gjyq është tepër e ulët. Sipas sociologëve ato rezultate vet vetiu janë tepër shqetësuese. Kur pjesa dërmuese e popullsisë mendon, se ligji nuk respektohet, se njerëzit nuk janë të barabartë para ligjit, se ligji aplikohet në varësi të njeriut, kjo do të thotë se ka problem në vet thelbin e shtetit, në demokracinë dhe në respektimin e të drejtave të njeriut. Sociologu Antonij Gëllëbov vazhdon:

“Brenda 17 viteve të fundit shihet një amplitudë e madhe në besimin dhe mosbesimin ndaj organeve policore. Dhe një pjesë nga problemi lidhur me pamjen publike të policisë përqendrohet edhe në stabilizimin e institucioneve demokratike. Çdo policë e ka të qartë, se kur ka nevojë më të madhe, mund të mbetet i pambrojtur nga politikanët. Prandaj ai nuk e ka sedrën dhe autoritetin të mbrojë normat dhe ligjet.”

A është e prirë shoqëria bullgare të përkrahë idenë për mbrojtjen më të madhe të policëve bullgarë?

Kësaj pyetjeje iu përgjigjet sociologu Antonij Gëllëbov: “Është tepër e vështirë t’i përgjigjet kësaj pyetjeje, sepse vetë njerëzit në Bullgari e ndjejnë veten të pasigurt dhe të kërcënuar. Nuk ekziston edhe solidariteti të pranohet, që policët në të vërtetë rrezikojnë jetën e tyre. Prandaj mungon përkrahja e kërkesës së policëve të jenë më mirë mbrojtur. Por një gjë është e sigurt, se ato probleme mund të kapërcehen nëpërmjet diskutimeve dhe sinqeritetit, shfaqur nga të dyja palët.”

Përgatiti në shqip: Svetllana Dimitrova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Mbrojtja e interesave të policisë kalon përmes besimit të shoqërisë

Më shumë nga rubrika

Ndërmjet artit dhe realitetit – të rinjtë dhe idetë e tyre për jetën pas shkollës

Të jesh fermer nga kokëfortësia – si mbijeton Dimitër nga Turia me 120 dhi pavarësisht burokracisë

“Festivali i Artit me Letër Sofja 2025” bashkon krijues nga 21 vende

Ndërmjet artit dhe realitetit – të rinjtë dhe idetë e tyre për jetën pas shkollës