Bullgaria në “Evrovizion 2010”

botuar më 10-02-16 8.46.PD

Me shumë dëshirë këngëtari Miro interpretoi pesë këngët, të cilat arritën deri në gjysmëfinalet.

Foto: BTA

Kënga bullgare e Evrovizionit 2010

Update Required To play the media you will need to either update your browser to a recent version or update your Flash plugin.

Më 28 shkurt pritet që Bullgaria të zgjedhë këngën, me të cilën vendi do të paraqitet në konkursin prestigjioz “Evrovizion 2010”. Sivjet ai do të zhvillohet në kryeqytetin e Norvegjisë, Oslo. Më 7 shkurt me anë të Televizionit Kombëtar Bullgar u transmetua koncerti, në të cilin u paraqitën pesë këngët, për të cilat do të votojnë shikuesit. Këngët janë zgjedhur nga një komision i posaçëm. Këtë vit mënyra e zgjedhjes së këngës bullgare për Evrovizion ishte ndryshuar dhe për këngëtar të vetëm ishte caktuar Miroslav Kostadinov - Miro. Ai u bëri përshtypje shikuesve me teknikën muzikore dhe artistike gjatë interpretimit të pesë këngëve. Këngët janë krijuar nga kompozitorë, autorë të tekstit e aranzhues të ndryshëm dhe spikateshin me tingëllim të shumëllojshëm.

Kënga e parë “Eagle” (“Shqiponja”) është krijuar nga ekipi i njohur Jasen Kozev dhe Krum Georgiev, të cilët jo për herë të parë krijojnë hite. Kënga është në një ritëm muzikor, i cili është karakteristik për folklorin bullgar. Teksti është në anglisht. Autorët përcaktuan këngën si “një hit evropian në bazë bullgare”. Qëllimi i tyre është që bullgarët të paraqiten në Evrovizion si traditë dhe e tanishme.

Propozimi i dytë për këngë bullgare në Evrovizion është i grupit të njohur rok D2. Kënga titullohet “Shikimi im drejt teje” dhe është baladë rok. Miro e interpretoi bashkë me kitaristët Mitko Kërnev dhe Aleksandër Obretenov nga grupi D2. Muzikantët thanë se kënga nuk është krijuar për konkursin, por shpresojnë se ajo do të pushtojë zemrat e publikut.

Kënga e tretë “Twist & Tango” është shkruar nga Tomas Tornholm, Dane Atlerud dhe Mikael Klaus nga Suedia. Producenti i tyre është bullgari Petër Panov, i cili banon në Suedi. Ai përcaktoi autorët si “veteranë në Evrovizion”. Çdo vit ata krijojnë këngë për Evrovizionin dhe shpresojnë se publiku bullgar do të çmojë propozimin e tyre të sivjetshëm.

Autori i muzikës së këngës tjetër të radhës “Mos ik” është prof. Najden Andreev, ndërsa autorët e tekstit janë Ivan Tenev dhe Aleksandër Petrov. Ato u bashkuan rreth krijimit të këngës bullgare në Evrovizion. Së pari lindi muzika e këngës, pastaj - teksti. Në të dëgjohet tingëllimi i instrumentit tradicional muzikor bullgar kavalli.

Organizatori i konkursit “Kënga bullgare e Evrovizionit 2010” - Televizioni Kombëtar Bullgar, deri në momentin e fundit mbante në sekret autorët e këngëve. Publiku u gëzua shumë, kur u bë e qartë se kompozitori i këngës së fundit është vetë këngëtari Miroslav Kostadinov - Miro. Kënga e tij titullohet “Engjëj je ti”. Teksti i përket Mihail Mihajlovit, ndërsa aranzhimi – Georgi Andreevit. Në ekip merr pjesë dhe Gordan Davis, i cili është mbajtës i çmimit Grami. “Për ne, Miro është frymëzimi dhe zgjon të mirën tek ne”, thanë kolegët e tij.

Me shumë dëshirë këngëtari interpretoi pesë këngët, të cilat arritën deri në gjysmëfinalet. Publiku bullgar ka tri javë, gjatë të cilave do t’i dëgjojë. Vlerësimet do të jepen në final, i cili do të zhvillohet më 28 shkurt. Atëherë Televizioni Kombëtar Bullgar do të transmetojë drejtpërdrejtë finalin, në të cilin shikuesit do të zgjedhin këngën-fituese, e cila do ta prezantojë Bullgarinë në Evrovizion 2010.

Në bazë të shortit Miro do të këndojë më 27 maj – natën e dytë të koncerteve të gjysmëfinaleve. Ai do të konkurrohet me interpretues nga Rumania, Turqia, Zvicra, Danimarka etj. Në “Evrovizion 2010” marrin pjesë 39 shtete. Pesë prej tyre – Britania e Madhe, Gjermania, Franca, Spanja dhe vendi mikpritës, Norvegjia, automatikisht kalojnë në finale.

Përgatiti në shqip: Anna Kapitanova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Bullgaria në “Evrovizion 2010”

Më shumë nga rubrika

"Dua"

"I pathyer"

"Ferri"

"Dua"

"I pathyer"