Projekti “Ballkan heART” është shkëmbimi i parë rinor, organizuar nga U.S.B. Më shumë hollësi për projektet dhe qëllimet e kësaj organizate joqeveritare tregon presidenti i saj Aristodimos Parashu: “Qëllimi kryesor i organizatës sonë është të informojë njerëzit për kulturat e ndryshme të Ballkanit. Deri më sot kemi organizuar dy trajnime ndërkombëtare në kuadrin e programit “Rinia në Veprim” – “Balkan Vision” dhe “Xenophobia-Xenofilia”, si edhe një konferencë për folklorin, traditat dhe kulturat e Kapadokias dhe një festival rinor në Selanik. Në zyrën e organizatës shpesh herë zhvillojmë mbrëmje të kulturave të ndryshme, të cilat i paraqesim nëpërmjet muzikës dhe filmave nga vendet përkatëse. Synojmë të stimulojmë dialogun ndërkulturor, të motivojmë të rinjtë të punojnë për çështje sociale, t’i lirojmë nga mënyra pasive e jetës, nga e ashtuquajtura “frappé kultura” e Selanikut, duke treguar një mënyrë më aktive dhe më të shëndetshme të jetës. Puna mbi projekte rinore është shumë e rëndësishme, sepse ajo i jepet kuptim jetës.”
Ndër anëtarët e organizatës joqeveritare janë edhe dy vullnetarë në kuadrin e programit të Bashkimit Evropian – EVS (European Voluntary Service d.m.th Shërbimi Vullnetar Evropian), që punojnë për projekte të ndryshme, të lidhura me dialogun ndërkulturor të Ballkanit. Njëri prej tyre është Aleksandru Ailiesiei nga Rumania, që ka eksperiencë të konsiderueshme në punën mbi projekte rinore: “Tani jam vullnetar në kuadrin e programit EVS, që është një program i Bashkimit Evropian për njerëz të rinj, të cilët marrin shansin të shkojnë në një vend sipas zgjedhjes të tyre dhe të punojnë vullnetarisht për organizata të ndryshme joqeveritare. Në tërësi puna mbi projekte rinore është shumë specifike dhe kërkon shumë dituri, kohë dhe energji, sepse bëhet fjalë për përdorimin e mjeteve evropiane, për punë me pjesëmarrës nga vende të ndryshme, për të cilët duhet të krijohet një projekt i dobishëm, që ata të mund të kthehen në vendet e tyre me dituri të reja, me diçka të çmuar. Programi “Rinia në Veprim” ofron shumë mundësi për zbatimin e projekteve të ndryshme. Puna mbi të ndihmon njerëzit e rinj në Evropë të zhvillojnë cilësitë e tyre personale dhe profesionale. Nuk mund të harrojmë edhe Youthpass, që është një dokument zyrtar i BE-së dhe shërben si një lloj CV evropiane, që paraqes dituritë dhe aftësitë e reja, të fituar pas një shkëmbimi rinor.”
Në rreshtat e mëposhtëm, Radio Bullgaria do t'ju tregojë shkurtimisht kushtet të cilat shtetasit e huaj duhet të plotësojnë, që të përdorin ndihmën mjekësore në Bullgari nëse është e nevojshme. Cilët të huaj kanë të drejtë të përfitojnë nga..
Burgas po pret javën e pesëmbëdhjetë evropiane të qenve, njoftoi BTA. Fillon më 6 korrik në zonën e Bazës së Kuajve në Kopshtin Detar dhe organizohet nga Unioni Republikan Bullgar i Kinologjisë, së bashku me Bashkinë. Forumi ndërkombëtar përfshin..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”. Dashamirët e kësaj marke po mblidhen më 6 korrik (e shtunë) në zonën "Kostina", ku do të parakalojnë..
Në Bullgari, sipas të dhënave jozyrtare janë 120 mijë persona me probleme në të dëgjuarin. Shumë prej tyre nuk duan të mësojnë gjuhën e shenjave, edhe..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”...
Burgas po pret javën e pesëmbëdhjetë evropiane të qenve, njoftoi BTA. Fillon më 6 korrik në zonën e Bazës së Kuajve në Kopshtin Detar dhe organizohet nga..