Festivali kinematografik në qytetin Ballçik

botuar më 10-06-09 12.07.MD

Drejtori i festivalit Canko Vasillev dhe Margarita Radeva, e cila përgjigjet për veprimtaritë arsimore që shoqërojnë festivalin

Foto: Veneta Pavllova

Nga data 19 deri më 26 qershor në qytetin bregdetar bullgar Ballçik do të zhvillohet festivali i 8-të ndërkombëtar i filmave me metrazh të shkurtër. Për pjesëmarrje në të u prezantuan një numër rekord filmash – më se 5 mijë nga 80 vende të mbarë botës. Prej tyre për programin e konkursin u zgjodhën 242 tituj nga 44 shtete. Filmat do të prezantohen për herë të parë në vendin tonë, ndërsa për shumicën prej tyre shfaqja në Bllaçik do të jetë premiera botërore. Deri tashti pjesëmarrja e tyre në festival u afirmuan pjesa dërmuese prej autorëve. Krahas filmave evropianë spektatorët do të shikojnë vepra nga Afrika, Amerika Jugore, Australia, Singapori, Malajzia, Tajlanda etj. Festivali fitoi një popullaritet me programet e veta atraktive arsimore për kinematografët e rinj. Për shembull në kuadrin e festivalit të sivjetshëm të rinjtë do të kenë mundësi të mësojnë si të formojnë ekipe dhe kontakte të dobishme. Një program tjetër ka të bëjë me aftësitë të krijohen projekte me cilësi, të cilët të prezantohen me sukses para producentëve dhe përfaqësuesve të fondeve. Ka një program tjetër orientuar te eksperimentimi dhe kërkimi i mjeteve të reja shprehëse në artin e shtatë. Si zakonisht organizohen edhe klasa të mjeshtërisë nën udhëheqjen e krijuesve dhe pedagogëve të njohur dhe të afirmuar. Ndër ta janë operatorët me famë botërore: Sergej Astahov nga Rusia dhe Sandi Sisell nga SHBA-ja. Për veprimtaritë arsimore që shoqërojnë festivalin përgjigjet Margarita Radeva, e cila sjell më shumë hollësi për këtë aktivitet kulturor:

“Festivali startoi para 8 vitesh si një nismë të studentëve nga universitetet kinematografike në Bullgari. Ata kishin dëshirë dhe nevojë të shfaqin filmat e tyre të xhiruara. Kështu lindi ideja për këtë forum, i cili që atëherë e deri më sot ruan frymën e vet rinore. Me siguri në të prezantohen një numër të madh krijuesish të rinj, që bëjnë hapat e parë në kinema. Mirëpo, kjo nuk është qëllimi i vetëm i festivalit. Në të tashmë prej vitesh shfaqen filma në nivel të lartë profesional, biografia e krijuesve të të cilëve është shumë e pasur dhe zbulon përvojë serioze kinematografike. Edhe kur bëhet fjalë për studentë të cilët akoma nuk kanë mbaruar arsimin, zakonisht ata janë krijues me disa filma të prezantuara në festivale ndërkombëtare edhe të dalluara në to. Mirëpo, nuk janë vetëm studentët ata, që xhirojnë filma me metrazh të shkurtër. Në festival veprat e tyre prezantojnë edhe profesorë në akademi filmash ose krijues me përvojë të afirmuar profesionale. Shumë nga filmat janë të krijuar nga njerëz që merren me teatër, me fotografi, ose me arte figurative.”

Kinemaja sociale përbën pjesë të konsiderueshme të filmave të prezantuara në festival. Ajo përfshin filma për problemet në vendet afrikane, për marrëdhëniet midis Izraelit dhe Palestinës, për llojshmëria e madhe e mënyrës së jetesës.

Gjashtë janë programet e konkursit në kuadrin e festivalit – për filma artistikë dhe vizatimorë, për filma dokumentarë dhe televizivë, për klipe të reklamës dhe të muzikës. Më shumë hollësi për programin e festivalit sjell prapë Margarita Radeva:

“Spektatorët do të kenë mundësi të shikojnë një seleksionim të filmave të vjetër bullgarë të krijuesve të njohur dhe të dashur. Menduam dhe një program me filma nga vitet 30-të dhe 40-të të shekullit të kaluar. Ata janë ndër filmat më të vjetër të ruajtur bullgarë. Në një program tjetër do të prezantojmë filma dokumentarë, të cilët do të provokojnë interesin e publikut bullgarë me rëndësinë e temave të trajtuara. Për më tepër se tek ne nuk ka festival ndërkombëtar për filma dokumentarë.”

Përgatiti në shqip: Svetllana Dimitrova

По публикацията работи: Veneta Pavllova

Последвайте ни и в Google News Showcase, за да научите най-важното от деня!

Ndaje

Festivali kinematografik në qytetin Ballçik

Më shumë nga rubrika

Ditët e Kulturës Bullgare u zhvilluan në Tiranë

“Abetarja e Peshkut” 200-vjeçare kujton për veten me një botim të ri

Milena Selimi përkthen romanin ”Kohëstrehim” të autorit bullgar Georgi Gospodinov