Thesaret e odriseve në Muzeun historik kombëtar

botuar më 10-08-05 12.00.MD

Stoli prej ari nga fshati Topollçane, Qarku i Sllivenit (Bullgari Lindore), fillimi i shek. IV para Krishtit

Foto: Veneta Pavllova

Në Muzeun historik kombëtar është hapur ekspozita “Thesaret e ushtarakëve odris”. Cilët janë odriset? Ata janë një nga fiset më të fuqishme trake - nga mbi 80 të njohura në histori. Për herë të parë përmenden nga historiani i lashtë grek Herodot. Shkak është marshimi i mbretit persian Darij i I kundër skiteve. Atëherë Darij i ka kaluar nga jugu në veri tokat e sotme bullgare, duke kaluar përmes territoreve, në të cilat kanë jetuar odriset. Ata janë dhe të parët të cilët mundin të formojnë shtetin e fort trak dhe merita për këtë i dedikohet sundimtarit të tyre Teres. Sipas një historiani tjetër - Tukidid, Teres i pari ka krijuar mbretërinë e tyre të gjerë, që ka zënë një pjesë më të madhe nga Trakia e Lashtë pas largimit të persëve. Në fakt, në veri mbretëria e tyre ka arritur deri në grykën e lumit Danub.

Helmetë me nënshkrim “E Sevtit” dhe enë argjendi e lyer me ar nga fundi i shek. IV para Krishtit

Ja se çfarë tregon në një intervistë për Radio Bullgarinë, Gavrill Llazov, rregullues i ekspozitës: “Sundimtarët e parë odris nga fundi i shekullit të VI dhe fillimit të shekullit të V përpara epokës së re, fillojnë të vendosin tërësinë e vet territoriale, kur pas përleshjeve të shkurtra me skitet në verilindje mundin t’i largojnë, të stabilizojnë kufirin. Dhe me një akt politik, tek i cili ka një dasmë dinastie midis një sunduesi trak dhe një princeshe me prejardhje skite, lidhet paqe. Në këtë mënyrë kufiri në verilindje është i përcaktuar dhe trakët bëhen më të qetë për shpinën e vet. Atëherë ata fillojnë të bashkojnë fiset, të cilat janë në perëndim dhe në jug prej tyre. Pasi të vendosin territorin e vet, odriset fillojnë të ndërtojnë dhe qendra të veta më të mëdha. Dihet se, një nga sundimtarët më të fuqishëm odris, Kotis i I (383-359 përpara Krishtit), ka vizituar vendin e vet dhe aty, ku ka parë vende me hije me ujëra të bollshme, ka ndërtuar salla për festa, në të cilat ka zhvilluar biseda me përkrahësit e tij dhe ka realizuar flijime. Mbase një rezidencë të ngjashme po studiojmë aktualisht nën drejtimin e doktorit Ivan Hristov, zëvendësdrejtor i Muzeut historik kombëtar, në majën Kozi Gramadi në malin Sredna gora.”

Enë prej qeramike, shek. IV para Krishtit – fshati Topollçane, Qarku i Sllivenit

Kjo rezidencë është shfrytëzuar nga mbretërit e odrisëve Amatok i II dhe Teres i II, të cilët kanë drejtuar pas Kotisit. Është shtrirë mbi një sipërfaqe prej 4 hektarëve. Është ndërtuar në rreth 1200 metra mbi nivelin e detit prej blloqeve të mëdhenj të gdhendur prej guri. Është kureshtare se si ato janë transportuar deri tek vendi i ndërtimit. Sa për shtetin e odiseve, ajo ka ekzistuar rreth 5 shekujve.

Riton argjendi i lyer me ar nga shek. IV para Krishtit

Në ekspozitë për këtë periudhë tregojnë rreth afro 300 eksponatet, të cilat janë pronë e Muzeut historik kombëtar, Muzeut arkeologjik kombëtar dhe muzetë në Plovdiv, Stara Zagora, Jamboll, Slliven, Kazanllëk dhe Nova Zagora. Vizituesit mund të shikojnë sende, të cilët kanë qenë pronë të aristokratëve trak dhe të familjeve të tyre, prijës ushtarak dhe garda personale e sundimtarëve. Mes tyre janë dhe krijimet e shkëlqyera të artit trak: enët me ornamente të pasura prej argjendi dhe enë të arta, zbukurime të arta. Dhe akoma: shtiza, mburojë, shpata, një qeramikë të bukur të pikturuar. Disa nga sendet janë zbuluar relativisht vonë - si kurora e artë, ritonet e përsosura të argjendta dhe enë nga një varrim të një trakasi të pasur, të gjetura përpara disa vjetëve midis fshatrave Mallomirovo dhe Zllatinica në Bullgarinë Jugore.

Përgatiti në shqip: Nataniela Vasileva

По публикацията работи: Veneta Pavllova

Последвайте ни и в Google News Showcase, за да научите най-важното от деня!

Ndaje

Thesaret e odriseve në Muzeun historik kombëtar

Më shumë nga rubrika

Ikona më e vjetër në Bullgari është me imazhet e Shën Gjergjit dhe Shën Dhimitrit

Pavell Bobekov dhe gramatika e Kryengritjes së Prillit

Dollnosllav - qytetërimi i harruar, më i vjetër se Troja dhe bashkëkohës i Shumerit

Ikona më e vjetër në Bullgari është me imazhet e Shën Gjergjit dhe Shën Dhimitrit