Bullgaria në nismën evropiane për dialog mes brezave

botuar më 10-11-19 1.05.MD

Më se 100 përfaqësues të biznesit, të mjediseve akademike, të institucioneve publike, studentë dhe nxënës morën pjesë në tryezën e rrumbullakët me temë “Biznesi – makina për para ose ura mes brezave”

Foto: Junior Achievement

Me një tryezë të rrumbullakët me temë “Biznesi – makina për para ose ura mes brezave” në Sofje filloi nisma e parë për nga lloji i vet për inkurajimin e dialogut mes brezave “What If”. Themeluesi i saj është zoti Mateo Bonifaço, anëtar i Zyrës së këshilltarëve politikë pranë Komisionit Evropian. Bullgaria është e para nga 12 shtetet evropiane, në të cilat do të zhvillohen diskusione për përpunimin e politikave të reja dhe projekte të lidhura me zhvillimin e dialogut mes brezave të ndryshme. Organizata joqeveritare “Junior Achievement”, e cila është partnere dhe bashkorganizatore e ngjarjes vendosi ta bashkojë temën me sipërmarrjen. Në shtetet e tjera do të diskutohen probleme si e ardhmja e shtetit social, arsimi, mjedisi, sistemi shëndetësor, në kontekstin e sigurimit të drejtësisë për të gjithë brezat. Qëllimi është që të formulohen këshilla konkrete, të cilat do të paraqiten para Komisionit Evropian, me qëllim që të aplikohen në nivel vendas. Më se 100 përfaqësues të biznesit, të mjediseve akademike, të institucioneve publike, studentë dhe nxënës morën pjesë në tryezën e rrumbullakët, e cila u zhvillua në Universitetin e Ekonomisë Kombëtare dhe Botërore. Pjesëmarrësit ishin ndarë në tri grupe. Ishin diskutuar tema si mbështetja e të rinjve në arritjen e mjedisit të mirë pune ose në fillimin e biznesit të vet, krijimi i kushteve të përshtatshme për dialog midis të rinjve dhe të rriturve. Çdo një grup kishte propozime të veta, të cilat do të mblidhen shkurtimisht dhe do të paraqiten para Komisionit Evropian bashkë me propozimet e pjesëmarrësve nga shtetet e tjera evropiane. Kështu për shembull ishte bërë propozimi për inkurajimin e partneritetit mes biznesit dhe arsimit.

“Propozimi ynë konkret ishte që të ketë lidhje midis subvencionimit shtetëror për institucionet arsimore dhe tërheqjen e subvencionimeve private – shpjegoi Cvetelina Taneva, moderatore e grupit të parë. Ofrojmë që shkollat dhe universitetet, të cilat tërheqin subvencione nga ana e biznesit real dhe e administratës publike të marrin më shumë para edhe nga ana e shtetit. Është e rëndësishme gjithashtu që kompanitë të inkurajohen të dërgojnë specialistët e vet në institucionet arsimore. Mendojmë se një inkurajim i mirë për këtë mund të jetë lehtësimi tatimor.”

Pjesëmarrësit në grupin e dytë të diskutimeve ofrojnë organizimin e një konkursi kombëtar “Ura mes brezave”, në të cilin do të marrin pjesë kompani të ndryshme. Do të zgjidhjen kompanitë, të cilat stimulojnë më shumë dialogu mes brezave ndër punonjësit e tyre dhe do të botohet një doracak me këshilla dhe praktika të mira në këtë fushë. Prapambetja e punonjësve më të rritur në sferën e teknologjive të larta, gjuhët e huaja dhe përparimi në sisteme të ndryshme ekonomike janë ndër shkaqet kryesore për prishjen e dialogut midis brezave – këto janë konkluzionet e grupit të tertë të diskutimit.
“Ne ofrojmë projekte, të cilat janë lidhura me rizbulimin e vlerave dhe aftësive të njerëzve të rritur – tha Cvetelina Stojanova – moderatorja e grupit të tretë. – Bëhet fjalë për projekte, të cilat stimulojnë shkëmbimin e përvojës midis më të rinjve dhe më të rriturve. Ka një tendencë të rilindjes së interesit të të rinjve për gjërat, të cilat i dinë më të rriturit. Për shembull ne do t’i mësojmë të punojnë në kompjuter, ata do të në mësojnë si bëhet byrek. Ofrojmë projekte për përsosjen e të rriturve – për përsosjen e aftësive të tyre të komunikimit, trajnime të lidhura me IT teknologjitë, kurse për përvetësimin e gjuhëve të huaja. Do t’i ndihmojmë të përvetësojnë gjuhë pa hequr dorë.”

Kryebashkiakja e Sofjes zonja Jordanka Fandëkova shpalli përkrahjen e vet personale dhe profesionale duke vërë firmën e parë mbi certifikatën ndërkombëtare “What If” për inkurajimin e dialogut midis brezave. Certifikata do të firmoset edhe nga kryebashkiakë dhe ministra në të gjithë shtetet e tjera mikpritëse të nismës.

Përgatiti në shqip: Jordanka Ivanova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Bullgaria në nismën evropiane për dialog mes brezave

Më shumë nga rubrika

Studentët nga Universiteti i Sofjes ishin mysafirë të Radio Bullgarisë

Patriku bullgar Daniill ndodhet në Tiranë për ceremoninë mortore të Kryepeshkopit të Shqipërisë Anastasi

Kur dhe pse Radio Bullgaria arriti në Afrikë?

Në botën magjike të "fëmijëve të Ivan Vazovit" dhe të gjuhës bullgare në Paris