Petja Ivanova – bletarja numër një në Bullgari

botuar më 10-11-22 1.20.MD

Foto: Darina Grigorova

Ajo është nëna e dy fëmijëve, është e re dhe duket mirë. Ajo është Petja Ivanova nga fshati Ostrov, nga rajoni i qytetit Vraca. Çfarë është ajo që e bën të ndryshme? Ajo është mbajtësja e titullit “Bletar numër një” në Bullgari për vitin 2010 të gazetës “Bleta dhe koshere”. Ajo është gruaja e parë, e cila i prish paragjykimet se burrat janë liderë në këtë zanat. Për këtë se Petja është bletarja më e mirë në Bullgari janë të njëzëshëm edhe në Klubin e bletarëve. Ajo merret me bletari tashmë 15 vjet. Para dhjetë vjetëve ajo dhe burri i saj blinin një rimorkio për transportimin e koshereve në vende të përshtatshme për kullotje. Kështu ata përdorin maksimalisht mundësitë për kullotje në rajonin e tyre dhe prodhojnë 10-12 tonë mjaltë për vit.

“Ndodhemi afër lumit Danub, ku ka kushte të përshtatshme për prodhimin e shumë llojeve mjalti – mjaltë akacie, luledielli, polifloral, etj. Rajoni është shumë i pasur dhe për këtë arsye merremi me bletari mobile tashmë 10 vjet. Filluam me katër familje bletësh dhe tani ato janë më se 700. Kushtet në rajonin tonë janë shumë të mira për rritjen e bletëve dhe kjo na stimulon të merremi me bletari. Tashmë kemi në dispozicion dhe një ndërtesë – kështu u lehtësua shumë puna për nxjerrjen e centrifugimin e mjaltit.

Në punë ndihmojnë të gjithë anëtarët e familjes – bashkëshorti i Petjas – Lëçezar, djali – Milen dhe vajza 11 vjeçare – Iva. “Tashmë 3 vjet prodhojmë edhe pjalm mjalti - ky është një produkt specifik, për tharjen e të cilit ka nevojë për kushte të posaçme dhe teknologji specifike, kështu që të ruhen cilësitë e tij të vlefshme. Tashmë kam përvojë të madhe, në sajë të së cilës po i përballoj vështirësitë e shumta në rritjen e një numri të madh të bletëve. Në stinën aktive na ndihmojnë disa punëtorë. Përveç me prodhimin e mjaltit merremi edhe me tharjen dhe paketimin e pjalmit. Për ne stina fillon gjatë prillit, kur çelin bimët e para për kullotje.”

Që nga viti 2006 Petja Ivanova merr pjesë në shumë ekspozita të bletarisë në tërë vendin, prej të cilave ka shumë çmime dhe njohje. Në sajë të këtyre ekspozitave ajo ka tërhequr shumë klientë nga tërë Bullgaria. Në vitin 2010 ajo mori pjesë edhe në ekspozitën e bletarisë në Monpelie, Francë. “Bletaria është një shkencë e madhe. Kur merresh me bletari duhet të kesh shumë dituri për shembull për përpunimin e drurit ose për kontabilitet. Bletët vuajnë nga shumë sëmundje dhe nëse nuk kesh përvojë edhe me to, bletët nuk do të mbijetojnë gjatë.”

Me shijen e jashtëzakonshme të mjaltit dhe me cilësinë e lart të tij Petja Ivanova vazhdon t’u përgjigj kritereve të larta të klientëve. Ajo pohon se për të dhe për familjen e saj kriza ekonomike nuk ekziston.

Përgatiti në shqip: Jordanka Ivanova

По публикацията работи: Darina Grigorova

Последвайте ни и в Google News Showcase, за да научите най-важното от деня!

Ndaje

Petja Ivanova – bletarja numër një në Bullgari

Më shumë nga rubrika

Vizatimi i një vajze bullgare u vlerësua në një konkurs botëror për shëndet dhe art

Dy pemë shekullore, 200-vjeçare, u shpallën të mbrojtura

Kontrolle falas në fushën e mjekësisë riprodhuese në Korçë

Inteligjenca artificiale mundëson qasje të personalizuar në shkollat bullgare

Nga dialekti palken në gjuhën letrare – në Timishoara nisi funksionimi i lektoratit të gjuhës bullgare

Ura e fjalëve dhe kujtesës – Dimi Komanduçi për projektin e saj “Karizma e bullgarit”