Biznesi dhe qendrat universitare të karrierës me përpjeke të përbashkëta për trajnimin e specialistëve të kualifikuar

botuar më 11-01-11 9.24.PD

Problemet, me të cilat shpeshherë ndeshen investitorët në vend, nuk janë kaq burokratike, sesa janë të lidhura me mungesën e kuadrove të kualifikuara. Këtë e tregojnë rezultatet e një studimi, të bërë para pesë vjetësh nga Fondacioni i biznesit për arsimin sipas projektit, të financuar nga Agjencia amerikane për zhvillim ndërkombëtar. “Ky fakt na nxiti të startojmë nismën për ndërtimin e qendrave universitare të karrierës, në saje të të cilave të mbështetim biznesin për të gjetur më lehtësisht kuadro të kualifikuara dhe për të komunikuar me shkollat e larta”, shpjegon Gergana Rakovska nga Fondacioni i biznesit për arsimin. Deri më sot janë ndërtuar mbi 30 qendra të tilla të karrierës, të cilat në nivel vendas kanë krijuar kontakte dhe partneritet me investitorët. Fondacioni ka të drejtën të certifikojë konsultues nëpërmjet programit Global Career Developer Facilitator. Vetë konsultuesit kanë trajnuar mbi 1000 këshilltarë pedagogjikë që të ofrojnë një konsultim për karrierë në shkolla. Afro 40 për qind prej studentëve bullgarë dinë për qendrat e karrierës, ndërsa 20 për qind kanë përdorur shërbimet e tyre, sipas të dhënave të studimit të Fondacionit të biznesit për arsimin.

“Qendrat e karrierës ofrojnë shumë forma trajnimesh – shpjegon Gergana Rakovska. – Zakonisht ato janë falas, sepse ofrohen nga punëdhënësit. Ka kompani të mëdha, të cilat u ofrojnë studentëve të interesuar trajnime për formimin e aftësive të liderit, po ashtu edhe si të bëjnë prezantime dhe të punojnë në ekip. Qendra e karrierës, përveç se është një vend, ku mësohet si bëhen letra të motivimit ose paraqitje personale, gjithashtu është vend, ku mund të marrësh trajnim suplementar dhe mundësi për stazh dhe punë. Një pjesë e madhe prej qendrave kanë sajte të organizuara mirë, ku publikohen njoftimet për punë.”

Në Universitetin e Ekonomisë Kombëtare dhe Botërore në Sofje gjendet e vetmja Qendër ndëruniversitare për zhvillim të karrierës te ne, e cila punon me studentë nga të gjitha universitetet. Ai ka nënshkruar marrëveshje për partneritet me të gjitha kompanitë prijëse bullgare dhe ndërkombëtare. Më hollësisht për interesin e të rinjve për veprimtarinë e qendrës dhe për shërbimet e ofruara nga ajo, tregon konsultuesi Atanas Dimitrov:

“Interesi është shumë i madh. Të rinjtë aktivë interesohen, kërkojnë mundësi, që ne u ofrojmë. Ne jemi ndërmjetësi dhe e krijomë kontaktin midis punëdhënësve, qoftë ata qeveritarë, organizata joqeveritare, biznes në përgjithësi, dhe vetë studentëve. Së bashku më Forumin bullgar të liderëve të biznesit për 10 ditë organizojmë trajnime për biznes në tema të ndryshme: financa, veprimtari bankare, turizëm. Këto janë klasa të veçanta, në të cilat specialistë prijës dhe ekspertë nga fushat e ndryshme u shpjegojnë studentëve gjëra praktike. Kjo është një nismë jonë shumë e mirë dhe shumëvjeçare. Gjithashtu ofrojmë dhe programe me bursa për stazh në kompani të ndryshme. Organizojmë aktivitetin Ditët e dyerve të hapura. Qendra e karrierës ka katër veprimtari kryesore – informative, konsultuese, kontakte dhe bashkëpunim, dhe zyra rajonale EURODESK, ku japim informacion për programe të ndryshme rinore evropiane.”

Përgatiti në shqip: Anna Kapitanova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Biznesi dhe qendrat universitare të karrierës me përpjeke të përbashkëta për trajnimin e specialistëve të kualifikuar

Më shumë nga rubrika

Nxënësit bullgarë fituan katër medalje në Olimpiadën Ndërkombëtare të Astronomisë dhe Astrofizikës në Rumani

Para gjumit dimëror, arinjtë e rinj nga Ukraina gjetën strehë në Bullgari

Të diplomuar në Bullgari, mjekët e Prespës së Vogël kthehen për të ndihmuar bashkatdhetarët

Muzeu i parë i arit investues hap dyert në Plovdiv

Krishtlindjet janë të mundura që në nëntor – Sofja në drita, pazare dhe atmosferë festive