Libri i vëllezërve Milladinovi “Këngë popullore bullgare”

botuar më 11-02-26 11.01.PD

AUDIO

Update Required To play the media you will need to either update your browser to a recent version or update your Flash plugin.

Vëllezërit Dimitër dhe Konstantin Milladinovi janë iluministë, rilindës dhe folkloristë të njohur bullgarë. Ata lindën në qytetin Struga. Vite me radhë Dimitër Milladinovi ishte mësues në qytete të ndryshme të Maqedonisë. Krahas kësaj zhvillonte një veprimtari të gjerë shoqërore dhe arsimore. Edhe vëllai i tij Konstantin pasi mbaroi shkollën nisi të punonte si mësues. Megjithë diferencën në moshë, Dhimitri ishte me 20 vjet më i madhi se sa Konstantini, rrugët jetike të të dy vëllezërve ishin të pandara. Ata të dy synuan te një qëllimi i përbashkët. Të dy vëllezërit ishin bashkë edhe në vdekjen. Veprimtaria iluministe e të dy vëllezërve u kurorëzua me librin epokal “Këngë popullore bullgare” që doli nga shtypi në vitin 1861. Botimi i këtij libri ishte një vepër e shënuar jo vetëm për folkloristikën bullgare, por për mbarë zhvillimin kulturor. Me ndërgjegjen për rëndësinë e folklorit për zgjimin e popullit në kohën e Rilindjes Bullgare, dy vëllezërit pa u lodhur punuan për mbledhjen e veprave poetike të krijuara nga gjeniu popullor bullgar gjatë shekujve. Dhimitri i pari filloi të kërkojë dhe të grumbullojë një nga një materiale të ndryshme folklorike. Në vitin 1860 Konstantini i drejtoi lutje peshkopit kroat Josif Shtrosmajer, të ndihmojë për botimin e përmbledhjes së veprave folklorike bullgare. Në sajë të bujarisë së këtij kleriku në vitin 1961 doli nga shtypi libri “Këngë popullore bullgare” me kushtim të peshkopit Shtrosmajer.

Libri i vëllezërve Milladinovi ka gjashtë botime. Secila prej tyre përbën një rrallësi të veçantë bibliografike. 25 copa nga botimi i parë i vitit 1861 u dërguan në Paris, ku në atë kohë jetonte dhe punonte rilindësi i njohur bullgar Petër Beron. Botimi i dytë i vitit 1891 doli nga shtypi në Bullgarinë e çliruar nga robëria pesëshekullore turke. Në vitin 1942 u realizua botimi i tretë, ndërsa botimi i katërt doli në vitin 1961. Në parathënien e tij folkloristi i njohur bullgar Petër Dinekov shkroi: “Libri i vëllezërve Milladinovi zbulon pasurinë e madhe poetike të popullit. Kështu ai e radhit popullin bullgar në familjen e atyre popujve, të cilët në shekullin XIX habitën botën me krijimtarinë e vet popullore poetike.”

Nëse dëshironi të dëgjoni këngë popullore bullgare nga libri i vëllezërve Milladinovi klikoni AUDIO. Ju urojmë dëgjim të këndshëm!

Përgatiti në shqip: Svetllana Dimitrova

По публикацията работи: Valja Bozhillova

Последвайте ни и в Google News Showcase, за да научите най-важното от деня!

Ndaje

Libri i vëllezërve Milladinovi “Këngë popullore bullgare”

Më shumë nga rubrika

Opera e Varnës fton të nënshtruarit e Kupidit t’i dhurojnë vetes një mbrëmje muzikore

"Nëse është e nevojshme"

Mery Boys Band shënon 30 vjetorin në skenë me një koncert feste

“Mos këndo, o bilbil, kam kohë, nuk nxitoj...”

"Më thuaj, o pyll"

"Punëtori i zellshëm" – kënga më e re e Papi Hans