Beteja e mjekëve dhe pacientëve për shëndetin tonë të mirë

botuar më 11-04-07 11.28.PD

Foto: BGNES

Ekziston një pasuri, e cila na kujtohet vetëm atëherë kur e humbim – shëndeti. Sot kemi një shkak tjetër për ta sjellë ndër mend dhe kjo është Dita Botërore e Shëndetit – 7 prill. Nisma për kremtimin e saj është e Organizatës Botërore të Shëndetësisë dhe tashmë ka një histori 50 vjeçare. Sivjet në këtë ditë fillon fushata “Rezistenca kundër mikrobeve: mosveprimi sot nuk është ilaç për të nesërmen”.

“Nisma është për pakësimin e përdorimit të antibiotikëve në spitalet dhe në shoqëri, tha doktori Andrej Kuzmanov, mikrobiolog nga Qendra Kombëtare e Sëmundjeve Parazite dhe Ngjitëse. – Përveç kësaj duhet ditur se përdorimi i drejtë i antibiotikëve është lidhur detyrimisht me përpunimin e antibiogramës dhe me saktësimin e mjekimit me antibiotike nga ndonjë mjek-specialist. Përdorimi i tepërt i antibiotikëve është i rrezikshëm jo vetëm sepse e dëmton shëndetin, por edhe sepse shkakton shfaqjen e llojeve të reja bakteresh, të cilat janë rezistente ndaj antibiotikëve. Tashmë disa vjet në Qendër, ku punoj mbikëqyrim përdorimin e antibiotikëve dhe përpunimin e antibiogramëve – një program, i repartit të mikrobiologjisë, pranë Qendrës dhe për fat të keq vazhdon tendenca e rritjes së përdorimit të antibiotikëve. Beteja për përdorimin e tyre të kontrolluar është diçka që është aktuale jo vetëm tek ne, por dehe në tërë Evropën.”

“Beteja” – ndoshta kjo është fjala, e cila mund të përshkruajë më saktë gjendjen e shëndetësisë bullgare sot. Mjekët çdo ditë luftojnë për jetën e pacientëve dhe për përballimin e vështirësive në profesionin e tyre, të shkaktuara nga reforma jo të përfunduar në shëndetësinë tonë. Nga ana e tyre pacientët luftojnë duke qëndruar në radhë para kabineteve, në të cilat doktorët plotësojnë dokumente në vend që të kryhen detyrat e tyre të ekzaminojnë të sëmurët – dhe kjo është për shkak të vonimit të shëndetësisë elektronike në Bullgari.

Ndërkohë bullgarët vazhdojnë të jenë të parët për nga numri i të sëmurëve me zemër. Në Bullgari ekziston edhe një rritje e shqetësuese të sëmundjeve onkologjike dhe të diabetit. Gjithnjë e më shumë janë njerëzit mbipeshë. Ndryshimi i mënyrës së jetesës dhe të ushqimit dhe prevenca e sëmundjeve janë masat për përmirësimin e tendencave.

A ndihemi të qetë për shëndetin tonë? Përgjigja e kësaj pyetje është e studentit Radosllav Nakov nga Universiteti Mjekësor i Sofjes.

“Po, me siguri ndihem i qetë si pacient. E vetmja që më shqetëson është tensioni i cili ekziston për shkak të problemeve të shumta midis Arkës shëndetësore dhe mjekëve. Ky tension ndihet kur vizitojmë spitale të ndryshme për ushtrimet tona praktike. Kjo është diçka që i lodh suplementarisht mjekët. Ata duhet të jenë të qetë dhe të merren vetëm me punën e tyre – të mjekojnë të sëmurët. Shpresoj se kur filloj të punoj gjërat do të përmirësohen dhe shpresoj gjithashtu se pagat e mjekëve do të bëhen më adekuate.”

Përgatiti në shqip: Jordanka Ivanova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Beteja e mjekëve dhe pacientëve për shëndetin tonë të mirë

Më shumë nga rubrika

Java e parë e prillit në Bullgari i është kushtuar pyjeve

Në Bullgari mund të vëzhgojmë 70% të të gjitha llojeve të shpendëve në Evropë

Shoqëria civile bën thirrje për polici efektive dhe për t'i dhënë fund abuzimit me kafshët

Reagimet në Bullgari pas vdekjes së Papës Françesku

Gjatë Javës së Ndritshme lavdërojmë Apostujt e Shenjtë dhe Virgjëreshën Mari