Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ushtria bullgare – në të kaluarën dhe sot

Foto: BGNES

Më 6 maj në Bullgari festohet Dita e trimërisë dhe Festa e Ushtrisë bullgare. Ajo shënohet që nga krijimi i Ushtrisë bullgare – në vitin 1880, vetëm dy vjet pas Çlirimit nga zgjedha pesëshekullore osmane.

Ushtria është një prej simboleve të pavarësisë së një shteti. Që nga krijimi i Bullgarisë në vitin 681 deri tani ushtria bullgare është garant për ekzistencën tonë si popull dhe shtet. Ajo ka zhvilluar shumë beteja gjatë shekujve dhe gjithmonë ka gëzuar dashurinë dhe besimin e bullgarëve. Duhet të shënohet shprehimisht se nuk ka një ushtri tjetër në botë, përveç ushtrisë bullgare, e cila nuk ka lejuar që asnjë flamur i saj të grabitet dhe të paraqitet në ndonjë muze tjetër në botë. Heroizmi dhe aftësitë luftarake të bullgarëve janë njohur nga kapacitetet më të respektuara ushtarake, disa prej operacioneve të ushtrisë sonë gjatë luftës së parë botërore dhe asaj ballkanike kanë hyrë në librat mësimore dhe mësohen në akademitë ushtarake në botë.

© Foto: arkiv

Sot, në kushtet e një bote, që ndryshohet vazhdimisht, e pastruar nga kundërshtimet ideologjike, kur ushtria jonë është anëtare e familjes së NATO-s, u ndryshuan dhe prioritetet e saj. Detyrat kryesore të forcave të reformuara ushtarake, të shkruara në Librin e bardh për mbrojtjen dhe në planin për zhvillim të ushtrisë bullgare janë tri – mbrojtja e vendit, përkrahja e paqes ndërkombëtare dhe e sigurimit, si dhe përkrahja e popullsisë në raste fatkeqësie dhe avarish. Vendi ynë aktualisht nuk është kërcënuar drejtpërsëdrejti, jemi rrethuar nga shtete mike. Rreziqet sot shumë shpesh vijnë nga regjione, të cilat janë larg kufijve bullgarë. Prandaj dhe ushtarakët bullgarë marrin pjesë në operacione ndërkombëtare në kuadrin e NATO-s dhe në kuadrin e politikës së përgjithshme të sigurimit dhe mbrojtjes të BE-së.

© Foto: arkiv

Kontingjenti bullgar në Afganistan

Ushtarakët bullgarë përtej kufirit sot janë 4 për qind e forcave tona tokësore. Me profesionalizmin e demonstruar këta 750 ushtarakë krijojnë jo vetëm një mjedis të favorshëm për realizimin e interesave kombëtare bullgare, por dhe kushte të mira për realizimin e qëllimeve të politikës së jashtme dhe rritjen e autoritetit të Bullgarisë në BE dhe NATO. Është parashikuar që në misionet e reja ndërkombëtare të marrin pjesë dhe helikopterë ushtarakë bullgarë, si dhe anije ushtarake. Shembulli i fundit është fregata “Drëzki”, e cila patrullon afër brigjeve të Libisë dhe ndihmon për respektimin e embargos së vendosur mbi armët mbi Tripoli.

Aktualisht forcat ushtarake të Bullgarisë janë duke zbatuar detyrat e tyre patriotike dhe të aleatit në kushtet e krizës së rëndë ekonomike dhe financiare, në kohëra mungese financash. Pikërisht kriza është shkaku që vendi ynë të livrojë më pak para në buxhetin e ushtrisë së tij nga të gjitha vendet në Evropën Qendrore dhe Lindore në vitin 2010. Për vitin e shënuar vendi ynë ka shkurtuar shpenzimet e veta ushtarake me 28 për qind. Megjithë vështirësitë e përkohshme gjeneralët dhe admiralët, oficerët, rreshterët dhe ushtarakët janë trashëgimtarë të denjë të paraardhësve të tyre. Ata zbatojnë me përgjegjësi të madhe angazhimet e tyre kushtetuese të sigurimit të vendit dhe marrin pjesë në garantimin e sigurimit dhe paqes kolektive në botë.

Përgatiti në shqip: Vesella Mançeva

По публикацията работи: Dimitër Ushev


Последвайте ни и в Google News Showcase, за да научите най-важното от деня!

Më shumë nga rubrika

Një spektakël diellor mund të shihet në Observatorin Astronomik të qytetit Kërxhali

Observatori Astronomik me Planetar "Sllavej Zllatev" në qytetin Karxhali hapi "hyrjen e lirë" me rastin e festës së qytetit - 21 tetorit. Nëse moti e lejon, vizitorët mund të vëzhgojnë Diellin dhe njollat ​​e diellit - shpjegon drejtori i..

botuar më 24-10-20 6.15.PD
Në foto (nga e majta në të djathtë): Drejtoresha e Agjencisë Ekzekutive për Bullgarët Jashtë Vendit Rajna Manxhukova, Zdravka Vlladova-Momçeva, Joana Znepollska, Radosllava Nedjallkova, gazetarja Cvetana Paskaleva dhe Nevenka Kostadinova

Radosllava Nedjallkova nga Milano është "Bullgarja e Vitit 2023", auditori nderoi Nevenka Kostadinova nga Serbia

Radosllava Nedjallkova nga Milano u zgjodh "Bullgarja e Vitit 2023" në mesin e 24 bashkatdhetarëve të nominuar nga 19 vende. Dallimi me emrin e Shenjtores Zllata Mëglenska u dorëzua sot në një ceremoni solemne në Universitetin e Ekonomisë Kombëtare..

botuar më 24-10-18 4.14.MD

Në Sofje, tregojnë gjeneratën e fundit të makinave dhe të ardhmen e teknologjive auto

Sofja është mikpritëse e ekspozitës më të madhe të automobilave në Evropë këtë vit, tha për BTA Aleksandër Kostadinov, kryetar i Bordit Drejtues të Shoqatës së Prodhuesve të Automobilave. Nga 18 deri në 27 tetorit në Inter Expo Center, "Salloni..

botuar më 24-10-18 11.06.PD