Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Nga koleksioni i Radio Bullgarisë...

Shenjtorët e rinj bullgarë

| rinovuar më 20-05-15 8.41.MD
Masakra e Batakut - Anthony Piotrowski
Më 3 prill të vitit 2011 Kisha Ortodokse Bullgare kanonizoi viktimat në Batak dhe Novo Sello, të vrara gjatë shuarjes së Kryengritjes së Prillit në vitin 1876, e cila konsiderohet si kulmi i luftërave çlirimtare të bullgarëve në Perandorinë Osmane. Shuarja e ashpër e kryengritjes dhe represionet kundër popullsisë bullgare u bënë të njohura në botë, kauza bullgare u mbrojt nga personalitete si Uiljam Gladston, Viktor Jugo, Dostojevski, Garibaldi. Një vit më vonë u shpallë Lufta ruso-turke nga viti 1877-1878 si rezultat i së cilës shteti bullgar u ringjall përsëri pas zgjedhës pesëshekullore turke.

135 vjet pas Kryengritjes së Prillit në tempullin “Shën Aleksandër Nevski” patriku bullgar Maksim kanonizoi shtatë murgesha, një rishtare, dy priftërinj dhe disa mërgimtarë nga Novo Sello, si dhe shumë viktima në Batak. Ndër ta janë dhe dy priftërinj dhe disa prej njerëzve të parë të qytetit. Pas shuarjes së kryengritjes, bullgarë patriotë i grumbulluam eshtrat e viktimave dhe i vunë sipas traditës ortodokse në dhomat speciale në tempuj. Të ruajtura edhe sot e kësaj dite ato janë një relikt i vërtetë. Kalendari ortodoks bullgar ka shpallur 9 majin dhe 17 majin data speciale, në të cilat të gjithë, që dëshirojnë, mund të vijnë dhe t’u bëjnë nderime këtyre viktimave – përkatësisht më 9 maj – viktimave të Novo Sellos, kurse më 17 maj – viktimave të Batakut. Ja se çfarë tha drejtori i Muzeut kishtar historiko-arkeologjik Nikolla Haxhiev:

“Vendimi për kanonizimin e viktimave të Novo Sellos dhe Batakut është një vepër e madhe. Këta njerëz kanë vdekur në një vend të shenjt – në manastirin e Novo Sellos dhe në kishën e Batakut, duke ruajtur përkatësinë e vet fetare. Prandaj Kisha Ortodokse Bullgare i shpalli shenjtorë.”

Ky është kanonizimi i parë i shenjtorëve bullgarë pas një ndërprerjeje prej disa dekadash, pas kanonizimit të rilindësve të shquar bullgarë Pajisij Hilendarski – në vitin 1962, dhe Sofronij Vraçanski – në vitin 1964, të cilët kanë luajtur një rol jashtëzakonisht të madh për ruajtjen e identitetit bullgar. Heroizmi i mërgimtarëve të Novo Sellos dhe Batakut është më i ndryshëm. Për shembull dihet se priftin Nejço nga Bataku, para se të vdesë, e kanë detyruar të zgjedhë midis fesë dhe jetës së çdo një prej shtatë vajzave të tij, të cilat i kanë vrarë para syve të tij.

“Familje të tërësishme janë vrarë për shkak të fesë së tyre të krishterë dhe atdheut – vazhdon Nikolla Haxhiev. – Kisha Ortodokse Bullgare ka marrë pjesë në të gjitha momentet e rëndësishme të historisë së popullit tonë. Kanonizimi i këtyre mërgimtarëve është një bekim i madh i tërë popullit bullgar dhe i trojeve tona. Besimi i popullit bullgar është e vetmja gjë që nuk është ndryshuar gjatë shekujve. Gjithçka tjetër ka pësuar ndryshime – ideologjitë, sistemet, doktrinat mësimore, por besimi ynë është i përjetshëm.”

Përgatiti në shqip: Vesella Mançeva
Foto: orthodox-church.org; BGNES
По публикацията работи: Darina Grigorova


Последвайте ни и в Google News Showcase, за да научите най-важното от деня!

Më shumë nga rubrika

80 vjet nga Hiroshima: një gur dëshmitar i bombardimeve përcjell nga Sofja një thirrje për paqe

Në vitin 2025 shënohen 80 vjet nga bombardimi atomik mbi qytetin japonez Hiroshima. Sipas traditës, në shenjë solidariteti me viktimat e sulmit, çdo vit më 6 gusht shoqëria bullgare ka mundësi të shohë një relikte unike – “Guri nga Hiroshima”. Ai..

botuar më 25-08-06 7.20.PD

Thelbi i Shpërfytyrimit të Zotit përqendrohet në shndërrimin shpirtëror

Më 6 gusht, Kisha Ortodokse Bullgare kremton një nga Dymbëdhjetë Festat e Mëdha të Zotit – Shpërfytyrimin e Zotit tonë Jezu Krisht. Kjo festë lidhet me një nga ngjarjet më të rëndësishme ungjillore – shfaqjen e Jezu Krishtit në lavdinë e Tij qiellore..

botuar më 25-08-06 4.55.PD

Po festojmë 122 vjet nga Kryengritja e Ilindenit

Në zonën Predella, më 2 gusht, do të shënohet 122-vjetori i shpërthimit të Kryengritjes së Ilindenit me një ceremoni vendosjeje kurorash dhe lulesh para monumentit “Ilindeni”. Bashkia e Razllogut njofton se ceremonia do të mbahet me pjesëmarrjen e një..

botuar më 25-08-02 5.05.PD