Hiroshima – fatkeqësi dhe paralajmërim

botuar më 11-08-05 12.42.MD

Më 6 gusht, 1945 qyteti japonez Hiroshima u shkatërrua nga bomba atomike e hedhur nga bombarduesi amerikan B-29.

Foto: EPA/BGNES

U mbushën 66 vjet nga ajo ditë e gushtit, e cila për një çast prishi imazhin e botës se si luftohet, imazhin e moralit dhe vlerave njerëzore. 6 gushti i vitit 1945 shënon fillimin e erës atomike dhe vuajtjen e paharrueshme të popullit japonez në periudhën e Luftës së Ftohtë. Në këtë datë emri i një qyteti japonez – Hiroshimë, u përhap në gjithë botën. Për herë të parë u përdor arma më shkatërruese për jetën e njerëzve.

Në historinë botërore bombardimi i Hiroshimës dhe ky të Nagasakit mbeten të vetmin përdorim luftarak të armës bërthamore. Mbase politikanët dhe ushtarët amerikanë, duke e menduar operacionin, nuk i kanë dhënë llogari vetes sesa shumë do të jenë pasojat e dy sulmeve. Në përgjithësi ata nuk e kanë çuar Japoninë në daljen nga Lufta e Dytë Botërore. Gjithsesi Japonia ishte ulur në gjunjë dhe më 15 gusht kapitulloi. Botës dhe kryesisht Bashkimit Sovjetik atëherë ua drejtua mesazhin e qartë se kush është zotëruesi.

Ndikimi i bombës atomike mbi Nagasaki.

Kjo e lartpërmendur është në sferën e gjeopolitikës. Fatkeqësia që patën banorët e Hiroshimës dhe Nagasakit, si dhe tërë populli japonez, nuk mund të matet me shifra. Deri tani Japonia ka njoftuar se numri i përgjithshëm i viktimave, të vdekur nga shpërthimi dhe radiacioni, është 253 mijë në Hiroshimë dhe 143 në Nagasaki. Por vuajtja shpirtërore e japonezëve kurrë nuk do të gjejnë shërim. Prandaj ata janë pjesëmarrësit më aktivë në protestat kundër armës bërthamore. Ende ka dëshmitarë të gjallë të fatkeqësisë. Historia për vajzën japoneze Sadako Sasaki tregon se si ajo u bë viktimë e radiacionit shumë vite pasi u hodhën bombat atomike. Vajza e sëmurë nga leukemia ka besuar se po të kishte bërë 1000 gjirafa të vogla prej letre do të shërohej. Megjithë se në vitet pas luftës letra kushtonte shumë dhe nuk gjendej lehtësisht, ajo u ka kërkuar pacientëve të tjerë në spital letër dhe çdo ditë ka bërë gjirafa. Por nuk u shpëtua, siç nuk janë shëruar shumë japonezë të tjerë.

Nagasaki pas bombardimeve atomike.

Deri më sot SHBA-ja nuk ia ka kërkuar Japonisë faljen për hedhjen e dy bombave atomike, radiacioni i të cilave ende merr viktima. Vjet në ceremoninë përkujtimore në Hiroshimë me rastin e përvjetorit të 65-të nga bombardimi, mori pjesë ambasadori i SHBA-së në Japoni John Roos. Në të njëjtën kohë të dhënat e një studimi sociologjik tregojnë se sipas shumicës së amerikanëve sulmet bërthamore kundër Tokës së Lindjes së Diellit kanë pasur efekt pozitiv, sepse i kanë dhënë fund luftës dhe kështu kanë shpëtuar shumë ushtarë amerikanë. Një studim, i cili bën shumë pyetje.

Në Bullgari çdo vit përkujtohen viktimat e bombardimeve të Hiroshimës dhe Nagasakit. Që nga viti 1997 më 6 gusht në Muzeun “Toka dhe njerëzit” në Sofje eksponohet “Guri i Hiroshimës”. Ky gur graniti peshon rreth 50 kilogramë dhe përbën pjesë të asfaltimit të tramvajit, ku është shpërthyer bomba.

“Guri i Hiroshimës” në Muzeun “Toka dhe njerëzit” në Sofje.

Pasi e kanë bërë këtë armë SHBA-ja dhe Bashkimi Sovjetik, sot Britania e Madhe, Franca, Kina, India, Izraeli, Afrika e Jugut dhe Pakistani gjithashtu e punojnë. Ka të dhëna se shkencëtarët e Iranit dhe Koresë së Veriut punojnë për këtë mision, duke marrë parasysh se gjatë vitit 2006 ajo e fundit ka kryer me sukses një provë bërthamore. Mbase forca e këtij lloji të armës e tërheq vëmendjen e politikanëve dhe ushtarëve, por zotësia nëpërmjet saj i përket iluzionit. Plagët e pashërueshme të Hiroshimës dhe Nagasakit janë paralajmërim ndaj secilit që do të tërheqë këmbëzën e armës bërthamore.

Përgatiti në shqip: Anna Kapitanova

По публикацията работи: Dhimitër Ushev

Последвайте ни и в Google News Showcase, за да научите най-важното от деня!

Ndaje

Hiroshima – fatkeqësi dhe paralajmërim

Më shumë nga rubrika

Ura e fjalëve dhe kujtesës – Dimi Komanduçi për projektin e saj “Karizma e bullgarit”

Nga dialekti palken në gjuhën letrare – në Timishoara nisi funksionimi i lektoratit të gjuhës bullgare

Inteligjenca artificiale mundëson qasje të personalizuar në shkollat bullgare