Mundësi për uljen e papunësisë tek të rinjtë

botuar më 11-10-26 10.58.PD

Programi evropian “Zhvillimi i resurseve njerëzore” jep mundësinë të rinjve të papunë për të filluar biznesin e vet.

Foto: EPA/BGNES

Problem serioz për Bullgarinë, dhe jo vetëm, është papunësia mes të rinjve. Sipas të dhënave të Institutit Kombëtar të Statistikave për tremujorin e dytë të vitit 2011 punësimi tek të rinjtë e moshës 15-24 vjeç është 25,3%. Këto vlera janë pothuajse dyfish më të ulëta nga ato mesataret në Evropë. Atje përqindja e të punësuarve tek të rinjtë (sipas të dhënave për 2009) është 35%. Arsyet janë të ndryshme – mospërputhje midis arsimit dhe kushteve të tregut të punës, për të cilën flitet vite me radhë, por vështirë bëhen ndryshime. Përveç kësaj, sapo të diplomuarit startojnë vështirë në profesion – punëdhënësit janë shpesh skeptikë në raport me aftësitë e tyre si specialistë.

Programi evropian “Zhvillimi i resurseve njerëzore” jep mundësinë të rinjve të papunë me arsim të mesëm dhe të lartë, dhe jo vetëm atyre, për të filluar biznesin e vet. Për Radio Bullgarinë Ivan Krëstev, shefi i Drejtorisë kryesore “Fonde dhe programe evropiane” në Agjencinë e punësimit, sqaron veçoritë e projektit “Mbështetje për sipërmarrësit bullgarë” i cili është i financuar nga ky program: “Në radhë të parë çdo i papunë, i cili ka dëshirë të realizojë ide të tillë, do duhej të kalojë një trajnim profesional ose konsultime për fillimin e biznesit të vet. Ky është kusht i detyrueshëm, që të mund të kandidojë në një etapë të mëtejshme edhe për financim grant për realizimin e kësaj ideje. Por momentalisht ajo çfarë ne jemi duke kryer si projekt, janë pikërisht aktivitete që janë të drejtuara në arsimimin e njerëzve dhe në sigurimin e shërbimeve konsultative të përshtatshme për ata.”

Projekti nuk është vetëm për të rinjtë, shton Krëstev. Në fakt, çdo i regjistruar i papunë i cili ka dëshirë, mund të përfshihet në të. Kuptohet, mirë do të jetë, nëse pjesa më e madhe e të rinjve të cilët sapo janë diplomuar dhe momentalisht janë pa punë, vendosin që të përfitojnë nga kjo mundësi. Dhe në të vërtet hap para tyre perspektiva të reja dhe interesante.

“Realisht 20 milionë leva (rreth 10 milionë euro) janë mjetet, të cilat kemi ndarë, kurse arsimimi është në dy profesione: bashkëpunëtor në biznesin e vogël dhe të mesëm dhe shërbime biznesi, shpjegon Krëstev. – Nëpërmjet arsimimit përfitohet kualifikimi profesional, i cili do të kryhet nëpërmjet një vauçeri. Kjo do të thotë që secili që do të kalojë në kurs të tillë arsimor, mund të aplikojë në zyrat e punësimit, aty ku është i regjistruar si i papunë. Atje do i jepet vauçeri për arsimim dhe ai mund të zgjedhë organizatën arsimore, ku do të vazhdojë kursin.”

Një studim sociologjik tregon, se interesi i njerëzve për projektin në gjithë vendin është i madh. “Idetë janë të ndryshme, pjesa më e madhe e tyre unë i pata përcaktuar si vërtetë të suksesshme dhe të realizueshme. Ata variojnë shumë – nga tregti shumë të vogla, si për shembull dyqanet e lagjeve, sallonet e bukurisë, lavazheve, deri tek ide shumë inovative si ndërmarrje të vogla në sferën IT dhe shërbimeve të komunikacionit. Kjo gjithashtu është një sferë për realizimin e profesionalistëve të rinj” – thotë Ivan Krëstev.

Ideja e projektit në përgjithësi është të mbështeten ndërmarrjet e reja, të cilat të mund të zgjerojnë biznesin e tyre, të punësojnë njerëz të rinj, të hapin vende të reja pune. Ky është qëllimi i madh edhe i programit evropian i cili e financon atë.

Përgatiti në shqip: Ndriçim Uka

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Mundësi për uljen e papunësisë tek të rinjtë

Më shumë nga rubrika

Kanë kaluar tashmë 200 vjet që bullgarët e Besarabisë dhe të Tavrisë mallëngjehen për atdheun e tyre të lashtë

Nxënësit bullgarë fituan katër medalje në Olimpiadën Ndërkombëtare të Astronomisë dhe Astrofizikës në Rumani

Para gjumit dimëror, arinjtë e rinj nga Ukraina gjetën strehë në Bullgari

Krishtlindjet janë të mundura që në nëntor – Sofja në drita, pazare dhe atmosferë festive

Muzeu i parë i arit investues hap dyert në Plovdiv

Ivo Ivanov nga Radio Bullgaria përfundoi me sukses masterclass-in e XI-të të BNR-së