Raundi i dytë i zgjedhjeve presidenciale dhe lokale – analiza dhe tendenca

botuar më 11-11-01 1.50.MD

Zgjedhjet presidenciale dhe lokale të zhvilluara më 23 dhe 30 tetor përfunduan. Raundi i dytë konfirmoi raportin e forcave politike nga raundi i parë dhe rezultati nuk doli i papritur. Zgjedhjet formuan një pamje të re politike në vend.

Rezultatet e zgjedhjeve hodhën poshtë mendimin se dy vjet në pushtet partia GERB (Qytetarë për Zhvillim Evropian të Bullgarisë) është duke humbur ndikim. Mirëpo, ajo arriti të vendosë në postin presidencial kandidatin e saj, fitoi vendet e kryebashkiakëve në shumicën e qarqeve dhe ndjeshëm rriti numrin e këshilltarëve bashkiakë. Kështu partia GERB ia siguroi vetës pozitën e forcës së parë politike në vend. Faktikisht, pas zgjedhjeve tërë pushteti në Bullgari është në duart e një partie.

Si forca e dytë politike doli Paria Socialiste Bullgare (PSB). Duke mbështetur në rezultatet, mund të thuhet se ajo është duke marrë veten pasi humbi ndikim gjatë qeverisjes së pasuksesshme në Koalicionin e tertë me partinë Lëvizje për të Drejta dhe Liri dhe atë të mbretit Simeon II – NDSV (Lëvizja Kombëtare Stabilitet dhe Prosperitet).

Forcat e tjera parlamentare mbetën larg mbrapa. Edhe ta kishin marrë përkrahjen në këto zgjedhje, nuk do të kishin kaluar barrierën minimale prej 4 përqindësh, të nevojshme për të hyrë në Kuvendit Popullor. Paraqitja jo bindëse sigurisht do të çojë në diskutime brenda partisë në të ardhmen, mbase edhe në tronditje partiake. Sidomos shqetësuar mund të dalë ky proces për partinë nacionaliste “Ataka”. Në zgjedhjet e mëparshme presidenciale ajo dhe Koalicioni i djathtë shkuan në balotazh.

Fakti që aktualisht në krye të shtetit qëndrojnë dy parti të mëdha, do të thotë se Bullgaria është duke kthyer në modelin e dikurshëm dypolar, ku pushteti ndahej midis një parie të djathë dhe një të majtë. Ndryshe nga e kaluara, sot në hapësirën e djathtë dominon GERB, dhe jo Bashkimi i Forcave të Djathta. Në hapësirën e majtë pozitën e fortë e ende e mban PSB. Përkrahja e saj elektorale i afrohet asaj të qeveritarëve. Nga ana e vet kjo mund të çonte në kundërvënie të ashpër në zgjedhjet parlamentare pas dy vjetëve.

Pas zgjedhjeve Bullgaria për herë të parë ka president, i cili nuk është anëtar i ndonjë partie. Duhet marrë parasysh, që Rosen Plevnelievi është kreu i parë i shtetit të Bullgarisë, i cili u zgjodh pa përkrahjen vendimtare të Lëvizjes për të Drejta dhe Liri. Kjo parti konsiderohet forca politike e turqve etnikë në Bullgari. Mirëpo, një pjesë prej tyre votuan për Rosen Plevneliev, megjithë rekomandimin e liderit të Lëvizjes për të Drejta dhe Liri, Ahmed Dogan, të përkrahin kandidatin socialist Ivajlo Kalfin. Kjo çon në përfundime që elektorati i bashkuar turk rreth udhëheqjes së partisë nuk është i njëzëshëm.
Në kushtet e krizës ekonomike përqendrimi i pushtetit në duart e një partie jep shumë avancime, por fsheh edhe rreziqe serioze. A do të jetë GERB në pozitën një kundër të gjithëve, do të shikojmë muajt në vijim.

Përgatiti në shqip: Anna Kapitanova

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Raundi i dytë i zgjedhjeve presidenciale dhe lokale – analiza dhe tendenca

Më shumë nga rubrika

Kryeministri i Maqedonisë së Veriut po tallet me bullgarin maqedonas të sulmuar Vllado Perev

Gjuha e urrejtjes në Shkup çoi në sulm ndaj gazetarit Vllado Perev

Shkupi duhet t’i përfshijë bullgarët në kushtetutë