Fushatë për popullarizimin e politikës bujqësore të BE-së mes të rinjve bullgarë

botuar më 11-11-02 1.02.MD

Të rinjtë bullgarë e njohin shumë pak bujqësinë si veprimtari tregtare, dhe akoma më pak kanë ide se çfarë është politika e përgjithshme bujqësore e BE-së. Këto janë konkluzionet e fazës së parë të fushatës së agjencisë “Strategma” për informimin e të rinjve në vitet e fundit të shkollës për perspektivat e këtë fushë. Kjo iniciativë kryesisht mbahet mes gjimnazistëve në qytetet e mëdha bullgare.

“Të rinjtë bullgarë e perceptojnë bujqësinë si diçka e cila nuk ka lidhje me to, si “demode”, thotë drejtoresha e agjencisë Stanka Dançeva. – Takimet e para me publikun e ri kaluan disi intenzivisht. Kjo që provokoi interes tek ata ishte mundësia për të mësuar gjëra kurioze si p.sh. Cili shtet i BE-së prodhon më së shumti tapa, kush është prodhuesi më i madh i frutave e perimeve etj. Gjëra të që mund të pasurojnë më pak kulturën e përgjithshme, duke iu dhënë njohurinë, që BE është prodhuesi i dytë i produkteve bujqësore pas SHBA-së dhe është një nga eksportuesit më të mëdhenj në botë. Dhe në fakt roli kryesor i agjencive të tilla është t’u tregojnë të rinjve që bujqësia ka lidhje me çdo njërin nga ne, të cilët jetojmë në qytete të mëdha, sepse roli kryesor i bujqësisë është të sigurojë ushqim me cilësi të mirë, cilësi të mjaftueshme dhe me çmime të arsyeshme. Përveç kësaj, në 20 vitet e fundit kjo politikë është e orientuar ndaj rruajtjes së mjedisit, rruajtjes dhe zhvillimit të traditave bujqësore të rajoneve rurale. Ajo jep mundësi për punë dhe përmirësimin e standartit të jetesës në këto rajone, duke i mbrojtur nga shpopullimi.”

Shpesh media dhe elita politike botërore tregojnë shqetësim për të ushqyerit e popullsisë e cila rritet me ritme të shpejta. Bujqësia del nga planet e pasme të ekonomisë dhe i kushtohet vëmendje zhvillimit të saj. Por kjo ndjeshmëri akoma nuk ka prekur brezin e ri në veçanti te ne. Të rinjtë në Bullgari konsiderojnë se profesioni i fermerit është shumë i rëndë, pa prestigj dhe që paguhet dobët, siç është në shumë rajone rurale në Bullgari. Me bujqësi në këto rajone merren kryesisht pleqtë, duke përdorur teknikën e vjetër. Në Bullgari numri i fermave moderne është shumë i ulët. Për këtë shkak edhe mes nxënësve të shkollave bujqësore, janë pak ata të cilët planifikojnë të merren me bujqësi pas diplomimit. Stimuli për ta është kjo që në këto shkolla ata marrin patentë shoferi, shpjegon zonja Dellçeva.

Në kuadër të kësaj fushate tre konkurse do të provokojnë aktivizimin e të rinjve. “Njëri është konkurs i fotografisë me një temë provokuese “Qyteti kundër fshatit”, tregon Stanka Dellçeva. – Shpresojmë që të marrim fotografi interesante, të cilat mund të tregojnë të mirën, gjërat e bukura si për fshatin ashtu edhe për qytetin. Tjetri është pak më serioz – ese me temë “Politika e përgjithshme bujqësore – pamje në të ardhmen”. Kemi edhe një konkurs tjetër për recetat tradicionale me titull “Një recetë, një tregim”, për të cilin shpresojmë të zgjojë interes tek të rinjtë për traditat e kuzhinës në krahinën e tyre. I presin çmime shumë interesante. Faqja e internetit është e lidhur me Twitter dhe Facebook. Përpiqemi të jemi të hapur në maksimum për gjithë kanalet që përdoren nga të rinjtë.’’

Faza e dytë e fushatës, e cila sapo ka filluar dhe do të mbarojë në prill të 2012, parashikon takime informative me gjimnazistët në Sofje, Pleven, Ruse, Varna, Burgas dhe Stara Zagora. Iniciativa do mbarojë në Sofje me organizimin e konferencës kombëtare me temë “Politika e përgjithshme bujqësore dhe të rinjtë – vështrim drejt 2020”.

Përgatiti në shqip: Ndriçim Uka

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Fushatë për popullarizimin e politikës bujqësore të BE-së mes të rinjve bullgarë

Më shumë nga rubrika

Shpallën renditjen e institucioneve të arsimit të lartë dhe diplomat më fitimprurëse për vitin 2024

Një ekspozitë në "Urën e të dashuruarve" në Sofje ndjek arritjet bullgare të olimpiadave shkencore

BNT feston me një program të veçantë 65 vjetorin e themelimit

Nënpresidentja Ilijana Jotova hapi një ekspozitë për Trakinë e lashtë në Muzeun Getty

Si do të ndikojë në BE rezultati i zgjedhjeve presidenciale në SHBA

Bullgarët e vetëshpallur në Maqedoninë e Veriut janë shumë më tepër se ata të regjistruar