Reforma dhe modernizim janë prioritetet në sektorin e transportit në Bullgari

botuar më 11-11-23 11.58.PD

Afrimi i fundit të vitit tradicionalisht është kohë për bilanc për ministritë e veçanta sa i përket punës së kryer prej tyre dhe koha për të shënuar drejtimet e ardhshme për zhvillim. Në një intervistë për botimin e pavarur “New Europe”, ministri i transportit Ivajllo Moskovski shënoi si prioritete gjatë disa vjetëve të ardhshme arritjen e bilancit midis llojeve të transportit, si dhe integrimin e tyre optimal në sistemin tonë kombëtar të transportit.

Strategjia për këtë sistem deri në vitin 2020 përfshin zhvillimin e infrastrukturës hekurudhore dhe të rrugëve, arritjen e një shpejtësie optimale të mjeteve të transportit, përmirësimin e efikasitetit energjetik të transportit dhe pakësimin e emisioneve të gazrave të serës. Do të realizohet një reformë ambicioze në hekurudha, krahas me ndërtimin e përshpejtuar të infrastrukturës rrugore dhe përmirësimin e shërbimeve të transportit. Sektori privat do të ketë një rol kyç në modernizimin e objekteve të infrastrukturës, ve në dukje në intervistë ministri Moskovski, duke shtuar se, politika kombëtare në sektor parashikon që portet bazë bullgare dhe aeroportet të zhvillohen nëpërmjet skemave për një partneritet publik-privat. Aktualisht forma më e shpërndarë e një partneriteti të tillë në sektorin e transportit bullgar është koncesioni. Ministri Moskovski theksoi se, në qoftë se menjëherë pas pranimit të Bullgarisë për anëtare të Bashkimit Evropian kanë qenë në dukje probleme si mungesa e studimeve të gatshme, një përgatitje të ngadaltë të projekteve, një kapacitet të pamjaftueshëm administrativ, sot ato janë të mënjanuar. Në sajë të përvojës së grumbulluar, ashtu dhe të kapacitetit të përmirësuar administrativ në Ministri.

Përpara botimit ministri i transportit komentoi se, për shkak të përvetësimit të përshpejtuar të fondeve evropiane zhvillohen disa projekte të konsiderueshme të infrastrukturës: Ura e Danibit 2, magjistralet automobilistike “Trakia” dhe “Marica”, elektrifikimi i vijës hekurudhore Plovdiv-Svilengrad-kufiri turk, si dhe modernizimi i pjesëve nga vija hekurudhore Sofja-Plovdiv dhe Plovdiv-Burgas. Një moment tjetër kyç është zhvillimi i sistemit për një stimulim shtetëror të furnizimit dhe të përdorimit të automobilave elektrike dhe hibride në Bullgari, ve në dukje akoma Ivajllo Moskovski. Për këtë qëllim u krijua një grup pune me pjesëmarrjen e ekspertëve nga ministritë e ndryshme, prodhues dhe distributorë të pajisjes së transportit për elektromobil dhe hibride. Sipas ekspertëve pas rreth 5 vjetëve çmimet e elektromobileve të janë të krahasueshme me këto të makinave me motor me djegie të brendshme, e cila t’i bëjë më të pranueshme për blerësit në Bullgari. Nga dega industriale “Elektromobili” po përgatisin plan për zhvillim të përshpejtuar të sektorit deri në vitin 2014. Sipas përfaqësuesve të Asociacionit bullgar për mjete elektrike të transportit integrimi i suksesshëm i elektromobilëve në Bullgari kërkon stimuj suplementar për blerësit.

Përgatiti në shqip: Nataniela Vasileva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Reforma dhe modernizim janë prioritetet në sektorin e transportit në Bullgari

Më shumë nga rubrika

Qeveria e përkohshme do të zbatojë ligjin dhe paga minimale bëhet 1077 leva (545 euro)

Pas përditësimit të të dhënave, PBB-ja e Bullgarisë për vitin 2023 po rritet

Bullgaria është e 52-ta në mesin e 165 vendeve për sa i përket lirisë ekonomike