“Shqiponjat janë të bukura” – fëmijë pikturojnë në mbrojtje të shpendëve

botuar më 11-12-13 1.09.MD

Desisllava Ivanova, 17 vjeçare – “Në fokus”
Në vigjilje të Festave të Krishtlindjeve Shoqata bullgare për mbrojtje të shpendëve i gëzoi adhuruesit e natyrës, duke organizuar një ekspozitë me mbi 500 piktura me shqiponja dhe shpendë të tjerë grabitqarë. Pikturat janë vepër e fëmijëve dhe janë vizatuar posaçërisht për konkursin “Shqiponjat janë të bukura”, i cili u shpall më 15 shtator nga Shoqata për mbrojtje të shpendëve. Ekspozita mund të shihet në hollin e Muzeut shkencor-natyror kombëtar në Sofje deri në fund të vitit 2011. Në vazhdim të disa muajsh fëmijë nga 64 vendbanime në Bullgari i dërgonin veprat e tyre, në të cilat ata kanë shprehur dashurinë e tyre të madhe ndaj shpendëve dhe natyrës.

“Ne filluam organizimin e konkursit me shumë shpresa dhe emocione, tha në hapjen e ekspozitës Emilia Jankova nga Shoqata për mbrojtje të shpendëve. – Të gjitha shpresat tona u justifikuan. Qëllimi ynë kryesor kishte për qëllim përqendrimin e vëmendjes së fëmijëve në qiell, ku mund të shohin madhështinë e shpendëve grabitqarë. Ne duam t’u them se një pjesë e këtyre zogjve janë kërcënuar nga zhdukja, kurse disa të tjerë janë duke u zhdukur. Ndërkaq, ata janë shumë të rëndësishëm për ekuilibrin në natyrë. Në procesin e seleksionimit të veprave lindi ideja për t’u bërë një kalendar, i cili të mbajë shpirtin e mbrojtjes së natyrës dhe të bukurisë.”

Gjashtë piktura të dekoruara tashmë janë përfshirë në një kalendar të bukur për vitin 2012. Një prej këtyre veprave është e Desisllava Ivanovës, 17 vjeçare, nga qyteti i Plovdivit. Ajo pikturon që nga fëmijëria dhe përkrah fushatën për ruajtjen e shpendëve. “Piktura e saj bardhë e zi mban emrin “Në fokus”.
“Për herë të parë pikturoj shpendë, tha ajo para Radio Bullgarisë. – Duhej të bëja disa prova me lloje të ndryshme shpendësh, por më shumë më pëlqeu shqiponja mbretërore. Për mua ajo është një shpend madhështor dhe i bukur. Vendosa ta pikturoj bardhë e zi, sepse kjo më rikujton për fotografitë bardhë e zi. Për mua kjo është njëfarë simbolike – edhe shqiponja është një lloj, që po zhduket, si fotografia bardhë e zi. Kështu qe që të mos i shohim shpendët e kërcënuar vetëm në fotografi, duhet të kujdesemi për ta.”

Konkursi për piktura fëmijësh “Shqiponjat janë të bukura” është pjesë e projektit “Ruajtja e shqiponjës mbretërore dhe e sokolit grabitqar në Bullgari.” Ky është projekti i parë bullgar në kuadrin e programit LIFE + të BE-së. Ai zbatohet nga Shoqata për mbrojtje të shpendëve në kuadrin e pesë viteve (2009 – 2013). Qëllimi i projektit është parandalimi i zhdukjes së sokolit grabitqar në Bullgari dhe rritja e popullimit të shqiponjës mbretërore. Ekspozita përmban gjithsej 538 piktura fëmijësh. Ajo, bashkë me kalendarin e bukur për vitin 2012, shton emocionet rreth pritjes së Krishtlindjeve dhe Vitit të Ri.”

Përgatiti në shqip: Vesella Mançeva
Fotografitë janë ofruar nga Shoqata bullgare për mbrojtje të shpendëve

По публикацията работи: Lina Ivanova

Последвайте ни и в Google News Showcase, за да научите най-важното от деня!

Ndaje

“Shqiponjat janë të bukura” – fëmijë pikturojnë në mbrojtje të shpendëve

Më shumë nga rubrika

"Toka e trëndafilave" - një film për shpresën se ne mund të jemi më të mirë dhe më të hapur ndaj njerëzve me aftësi të kufizuara

SOS për Kënetën Bojana - a do t'i mbijetojë ekosistemi unik pranë Sofjes bastisjeve të biznesit?

Përkthyesja Svilena Georgieva: Mësimi i gjuhëve të huaja na mëson të duam dhe të vlerësojmë bullgarishten tonë

SOS për Kënetën Bojana - a do t'i mbijetojë ekosistemi unik pranë Sofjes bastisjeve të biznesit?

"Toka e trëndafilave" - një film për shpresën se ne mund të jemi më të mirë dhe më të hapur ndaj njerëzve me aftësi të kufizuara