Iniciativa “Uromë një libër!” e inkurajon leximin

botuar më 12-01-30 11.36.PD

Ditën e fundit të vitit të kaluar lindi iniciativa e bukur “Uromë një libër!” Ajo u është drejtuar të gjithë adhuruesve të librave. Çdonjëri duhet të shënojë të paktën pesë shkaqe për të cilat e rekomandon librin e tij të dashur. Qëllimi është që të inkurajohen sa më shumë njerëz gjatë muajit, të cilët ta lexojnë këtë libër. Ai, i cili arrin ta bëjë këtë më mirë, do të fitojë çmim – një libër të bukur. Iniciativa tashmë gëzon një interes të madh dhe vetëm brenda dy javëve të para u bënë afro 30 oferta të ndryshme.

“Fajtorët” si të thuash për iniciativën “Uromë një libër” janë dy entuziastë të rinj – Fani, studente në kursin e katërt në degën “Sisteme dhe teknologji kompjuterike” në Universitetin teknik në Sofje dhe Vasko, specialist në fushën e ueb dizajnit. Kjo është vetëm një prej ideve të tyre, të cilat janë publikuar në sajtin www.cheti.me Të dy e krijuan para rreth një viti, me idenë të këmbejnë informacion me miqtë e tyre për librat e ndryshme. “Duam të merremi me gjëra të dobishme, të cilat na sjellin kënaqësi”, na tregon gjithashtu Fani për motivet e tyre për ta krijuar këtë bibliotekë virtuale. Për ta sajti cheti.me është “shprehje e lirisë së fjalës, e dashurisë ndaj librit dhe letërsisë”. Në sajt mund të lexohen lajme interesante nga bota e letërsisë dhe kulturës. Atje ka një sektor special “Vepra”, ku çdo një personalitet krijues mund të publikojë lirisht vepra të veta – poezi, prozë... Ka dhe një forum, ku diskutohen tema interesante dhe zhvillohen shumë debate letrare. Më shumë hollësi për mënyrën, në të cilën zhvillohet këmbimi i librave, na solli Fani:

“Titujt e librave, të cilat do që t’i ndash me njerëz të tjerë, pavarësisht nëse ata janë miqtë tuaj, apo jo, publikohen në sajt. Ka një buton “Dua ta lexojë këtë libër”. Në qoftë se libri është botuar në letër, atëherë merreni vesh me njeriun, i cili do që ta lexojë librin, nëse t’ia dërgoni me anë të postës. Kjo do të kushtonte rreth 1 euro. Mendoj se ky është një çmim shumë i ulët. Në qoftë se libri është elektronik, atëherë ia dërgoni me anë të postës elektronike. Merreni vesh nëse ta ktheni prapë librin, nëse të vazhdoni t’ia dërgoni lexuesve të tjerë. E di se tashmë ka pasur shumë këmbime të tilla.”

Për një vit sajti cheti.me ka tërhequr afro 8000 fansa në faqen e tij në Facebook. Sipas Fani më aktive janë femrat dhe njerëzit e moshës nga 20 deri në 45 vjeç. “Ka njerëz, të cilët lexojnë shumë dhe mendojnë se nëpërmjet librave mund të mësojnë shumë gjëra të reja dhe të zhvillohen” – është e bindur Fani.

Çfarë kërkohet më shumë në bibliotekën virtuale?

“Ka një artikull “Si të fitojmë miq dhe të ndikojmë mbi të tjerët?” të Dejl Karnegi. Ky artikull lexohet më shumë dhe shkakton interes më të madh ndër vizituesit e sajtit – thotë Fani. – Më bën përshtypje gjithashtu se kohët e fundit lexohen shumë libra për zhvillimin e personalitetit, për biznesin, për marketingun. Këta janë librat, të cilat shkaktojnë një interes më të madh, si dhe romanët klasikë. Lajmet dhe informacioni për ta në sajt gjithashtu janë shumë të vizituara.”

Përgatiti në shqip: Vesella Mançeva

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Iniciativa “Uromë një libër!” e inkurajon leximin

Më shumë nga rubrika

Vizatimet e fëmijëve të frymëzuara nga natyra dhe "Pema e dëshirave" do të befasojnë banorët e Plovdivit në ditët në vijim

Milena Selimi fitoi çmimin për përkthimin më të mirë në Panairin e 27-të të Librit në Tiranë për romanin bullgar "Kohëstrehim"

Lilija Zaharinova tregon histori përrallore në mjedisin urban