Për udhëheqësin e ekspeditës, doajen i programit tonë antarktik dhe kryetar i Institutit antarktik bullgar, profesor, doktor Hristo Pimpirev, jubileu u bë rast për t’u rikujtuar se si filloi gjithçka: “Gjatë vitit 1984 përgatitej përvjetori i 100-të i Universitetit të Sofjes dhe unë desha për ta shënuar në një mënyrë më të ndryshme – na thotë ai. – E bëra pyetjen: Ku nuk kemi shkuar? Atëherë për herë të parë bullgarët u ngjitën në Everest dhe unë vendosa se Antarktida është një qëllim i mirë. Ky ishte një fillim aventuresk, por doli se puna është serioze. Entuziazmi, i cili ndezi para disa vitesh zjarrin e aventurës “Antarktidë” nuk është shuar edhe sot. Qoftë me mjete të veta, qoftë në saje të sponsorëve dhe kryesisht në bashkëpunim me përfaqësues të bazave të ndryshme të huaja, për shembull ato në Kili dhe në Spanjë, ne bullgarët, do të vazhdojmë përpara dhe do të kthehemi përsëri, sepse Antarktida është një botë tjetër, më e mira nga bota jonë – thotë prof. Pimpirev. – Marrëdhëniet atje janë shembull i një shoqërie të ardhshme, i mënyrës së drejtë, në të cilën duhet të jetojnë njerëzit – të jenë të bashkuar, të ndihmojnë njëri tjetrin, siç kjo ndodh në Antarktidë. Para pak kohe përfundoi ekspedita e 20-të me radhë për mua deri në kontinentin e akullt, për disa prej pjesëmarrësve kjo ishte ekspedita e parë. Unë jam shumë i lumtur se të gjithë u kthyem shëndosh e mirë në atdhe. Punuam nga një nëntori deri në fund të shkurtit, 13 mijë km larg Bullgarisë, në ishullin Livingstën, ku tashmë ka një vendbanim bullgar me shtëpi dhe kishë bullgare. Punuam mbi shtatë projekte shkencore. Mbi katër prej tyre bashkëpunuam me shkencëtarë nga Britania e Madhe, Franca, Spanja, Portugalia, Brazili, Argjentina dhe Japonia. Shumë interesante ishte puna e japonezëve, të cilët me avionë pa pilot realizuan fluturime rekorde – mbi 400 kilometra në itinerare deri në ishullin fqinj të Livingstën – Dispeshën dhe xhiruan kuadro unikale. Ata zhvilluan gjithashtu studime gjeologjike.”
Edhe këtë vit theks i studimeve shkencore janë ndryshimet klimatike. Sivjet biologët bullgarë punuan mbi një projekt, me të cilin do të studiohet se si ngrohja globale ndikon mbi fokë. Një prej pjesëmarrësve në ekspeditën e 20-të antarktike është Milena Marinçeva – fotografe, regjisore dhe skenariste. Ajo ishte për herë të parë në kontinentin e akullt.
“Patëm mundësinë të xhirojmë shumë material, të cilin do ta ndajmë në tre filma – na tregon ajo. – Njëri do të jetë: “Dritaret e ekspeditës së 20-të jubilare antarktike bullgare”. Në të do të tregojmë për projektet e fundit të shkencëtarëve bullgarë. Marrëdhëniet midis njerëzve – ky është theksi në filmin tonë të dytë: “Psikologjia e shoqërive të vogla”. Antarktida është një vend i larguar nga qytetërimi, me klimë të egër. Në bazë jemi shumë pak njerëz dhe jetojmë në një mënyrë mjaftë primitive. Në një situatë të tillë shihet se sa të rëndësishme janë marrëdhëniet midis njerëzve. Bashkëjetesa atje, në fund të botës, është një test për tolerancën dhe na mëson për të qenë më të mirë, gjë që na mungon në qytetet e mëdha. Filmi i tretë është me ide të operatorit Emilian Dinov dhe titullohet “Tingujt e Antarktidës”. Shikuesit do të befasohen, sepse tingujt atje janë shumë të ndryshme nga zhurma në qytetin e madh.
Përgatiti në shqip: Vesella Mançeva
Në mes të janarit të këtij viti tetë shoqata kulturore dhe arsimore bullgare nga Bosilegradi, Caribrodi, Zvonci, Vranja, Pirot dhe Niš i dërguan një letër të hapur Presidentit të Serbisë Aleksandër Vuçiq, Avokatit të Popullit Zoran Pašalić, Delegacionit të..
Në ekspozitën-konferencë High Security Printing EMEA-2025 në Bazel të Zvicrës, karta bullgare e identitetit fitoi vendin e parë për kartën më të mirë të identitetit në Evropë për vitin 2024, njoftoi Ministria e Brendshme. Përveç dizajnit të saj modern dhe..
Një ekip prej 12 nxënësish bullgarë të klasës së 11-të, i udhëhequr nga Elica Pavllova, fitoi vendin e parë midis pjesëmarrësve nga e gjithë bota në konkursin prestigjioz të projektimit të kolonive hapësinore të organizuar nga Shoqëria Kombëtare e Hapësirës..
“Vendi në Francë ku së bashku vizatojmë të ardhmen bullgare të fëmijëve tanë” – kështu e përshkroi Janeta Dimitrova vendin e saj të punës – Shkollën..
“Trakët, vera dhe kultura” është tema e seminarit në kompleksin arkeologjik “Lugina e mbretërve trakë” pranë Kazanllëkut, i cili do të mbledhë së..
Vranësira të dendura
Pjesërisht me re