Në Sofje fillojnë Javët e leximit

botuar më 12-05-11 12.01.MD

Foto: BTA

Leximi mund të jetë zbavitës – kjo është motoja e Javëve të para të leximit në Bullgari. Ato do të zhvillohen nga 11 deri më 24 maj – përkatësisht festa kishtare e vëllezërve të shenjtë Kirill dhe Metodij, mbrojtësit e Evropës, dhe Dita e shkrimit sllav dhe kulturës dhe iluminizmit bullgar. Ngjarja është pjesë e platformës për arte bashkëkohore “Sofja: Poetika” dhe është akoma një iniciativë ambicioze për tërheqjen e gjithnjë e më shumë bullgarëve të rinj për kauzën e leximit. Festivali ndërkombëtar “Sofja: Poetika” gërsheton poezi, prozë, muzikë, arte vizuale dhe skenike dhe tashmë ka pesë edicione. Ai është pjesë e kalendarit të ngjarjeve kulturore të Bashkisë së Kryeqytetit dhe përkrah kandidaturën e Sofjes për Kryeqytetin evropian të kulturës 2019.

Themelues dhe drejtor i festivalit, si dhe organizator i Javëve është gazetari dhe shkrimtari Jasen Atanasov. Sipas tij nisma e re përbën një aksion prej 14 ditësh, gjatë të cilave do të ndodhin mbi 20 ngjarje të mëdha letrare në të hapur në vende simbolike të qytetit, si dhe në vende jostandarde për lexim, si bare për shembull, me mbi 100 pjesëmarrës, dhe e gjithë kjo ka vetëm një qëllim – të tërhiqet një publik më i gjerë dhe më i ri. Vendet janë para Teatrit Popullor “Ivan Vazov” para Galerisë së arteve të Sofjes, në sheshin “Sllavejkov”, në skenën verore në Kopshtin e Borisit etj.

© Foto: BGNES
Sa i përket ngjarjeve, unë i ndaj në tri grupe. Njëri përfshin ngjarje, të cilat janë zhvilluar në vite të kaluara, por për një ose tjetër shkak, kryesisht për shkaqe financiare, ato tashmë nuk organizohen, domethënë ne ringjallim projekte interesante nga e kaluara – thotë Jasen Atanasov. - Të tilla janë aksionet “Lexime qytetare” të Kamelia Sposovës dhe Maria Kalinovës. Në to njerëz të ndryshëm takohen në vende të caktuara paraprakisht në qytet – në kopsht, para ndonjë monumenti etj. dhe lexojnë me zë për rreth pesë minuta një tekst të zgjedhur nga ata. Pastaj e lënë atë që e kanë lexuar në një vend special dhe largohen. Kjo ngjarje do të zhvillohet më 11 maj dhe kështu praktikisht do të hapen Javët e leximit. Në këtë grup janë përfshirë dhe dyluftimet poetike të trubadurëve, si dhe projekti i përbashkët midis Javëve dhe Festivalit të përformansit vizual “Sofja Underground”, krijuar në vitin 1997. Më 19 maj unë, Kristin Dimitrova dhe Toma Markov do të paraqitim aksionin tonë nga viti 2008 “Vip Poetry – Fuqia e fjalës”. Bëhet fjalë për një reality poetike, në të cilën ne luftojmë me fjalë. E zhvillojmë këtë aksion për herë të dytë, sepse krijuesi i festivalit “Sofja Underground” – kritiku Ruen Ruenov vdiq papritmas në fund të vit të kaluar, dhe ky aktivitet i është kushtuar personalitetit të tij. Në grupin e dytë janë përfshirë ngjarje, të bashkuara rreth idesë së Javëve të leximit – bëhet fjalë për edicione të jashtëzakonshme të projekteve, të cilat do të zhvillohen edhe tani – na tregon Jasen Atanasov. - E tillë është Liga e treguesve, një projekt i gazetares Katja Atanasova, projekt ky i cili ekziston tashmë shtatë vjet – një garë shumë e këndshme për rrëfimin e historive para publikut sipas një teme të dhënë paraprakisht. Më 17 maj do të zhvillohet një edicion i posaçëm i Ligës së treguesve me temë: “Libri, i cili...” Një ngjarje tjetër, që do të organizojmë në Universitetin e Sofjes, është projekti i Miglena Nikollçinës, Kamelia Spasovës dhe Qendrës kulturore të Universitetit, ngjarje kjo e cila krahason tekste artistike me tekste shkencore dhe me muzikë moderne. Grupi tjetër përfshin ngjarje, të krijuara posaçërisht për Javët e leximit, si për shembull leximi më i gjatë letrar me zë, që do të organizojmë në territorin e Bullgarisë më 14 maj. Në të do të përfshihen shumë personalitete të njohura, si dhe të gjithë, të cilët dëshirojnë. Për këtë qëllim duhet të regjistroheni në faqen tonë në Facebook “Është lehtë të lexosh një libër, madje me zë”. Dhe në fund, më 24 maj para Teatrit Popullor “Ivan Vazov” regjisori Veselin Dimov do të realizojë një lexim të vet origjinal teatral, me ndihmën e vizionit, muzikës dhe aktorëve të tre romanëve më të mirë bullgarë nga disa muajit e fundit – “Lartësi” të Milen Ruskovit, “Nobelisti” të Elena Aleksievës dhe “Fizika e trishtimit” të Georgi Gospodinovit.”

Që të zërë letërsia bullgare vendin e duhur, ajo duhet të jetë më agresive para shoqërisë, është kategorik Jasen Atanasovi. Kështu ai argumentoi programin e pasur të Javëve të leximit.

Përgatiti në shqip: Vesella Mançeva

По публикацията работи: Vesella Krësteva

Последвайте ни и в Google News Showcase, за да научите най-важното от деня!

Ndaje

Në Sofje fillojnë Javët e leximit

Më shumë nga rubrika

Bullgaria është pjesë e bienales botërore për krijimtarinë dhe zejtarinë "Homo Faber" në Venecia

Mbi 90 tablo të piktorit të madh bullgar Deçko Uzunov janë ekspozuar në një galeri të Sofjes

Fryma e Sofjes së Vjetër pushton qendrën e kryeqytetit

Sonja Jonçeva: Kultura nuk është vetëm e ardhmja jonë, por është çelës për një shoqëri më të mirë