Leximi është domosdoshmëri, kënaqësi, një ritual, me të cilin shkojmë të flemë, një gllënjkë harmoni dhe qetësi ndër problemet e së përditshmes. Imagjinoni se lexoni një libër dhe keni harruar faqen deri në të cilën e keni lexuar. Sigurisht që nuk është problem, por do të humbisni disa minuta, që ta gjeni përsëri. Që ta kursejnë shfletimin, disa lexues kthejnë cepin e faqes, por kjo është mungesë respekti ndaj librit dhe lexuesve të ardhshëm. Kohët e fundit gjithnjë e më shumë adhurues të librave shkëmbejnë njëri me tjetrin titujt e blerë, që të kursejnë para në kohën e krizës. Madje ka sajte, nëpërmjet të cilave ky shkëmbim bëhet gjithnjë e më i gjallëruar. Kështu qe në vend që ta prishni librin, duke e kthyer cepin e faqes, mund të përdorni fletëndarëse të posaçme për libra. Disa prej shtëpive botuese te ne madje tashmë i përhapin librat në treg me fletëndarëse të tilla. Këto janë shirita prej kartoni, të cilat janë në përputhje me dizajnin e kapakut të fortë të librit. Kuptohet mund të shënojmë deri ku e kemi lexuar librin me një kartolinë, me një biletë të vjetër kinemaje, me faturën për rrymën elektrike, ose telefonin etj.
Mirëpo fletëndarëset artistike për librat krijojnë një atmosferë të posaçme të ritualit të leximit. Tashmë gjashtë vjet me radhë krijues bullgarë, të cilët punojnë në fusha të ndryshme, organizojnë një ekspozitë me vepra të tilla. Në edicionin e sivjetshëm të ekspozitës në librarinë “Helikon-Vitosha” marrin pjesë nëntë autorë: skulptorë, grafikë, një fotografe etj.
“Çdo vit punohet me një fantazi gjithnjë e më të madhe, me materiale gjithnjë e më origjinale dhe përkatësisht veprat tona bëhen gjithnjë e më unikale – thotë piktorja Mihalella Pëdeva, kujdestare e ekspozitës. – Sivjet paraqesim madje fletëndarëse prej gurësh të hollë, të lustruar, ose të prerë. Në gurët e zinj kemi tekste dhe piktura të bardha, kurse në ata të bardhë kemi përkatësisht dekorime të zeza. Duke folur për ide origjinale, Elena Panajotova për shembull ka bërë një herbarium special. Këto janë tufa prej lulesh të kompozuara në mënyrë të ndryshme nga vetë ajo. Ato janë vendosur në libra të vjetër gjermanë, të botuar me shkronja gotike. Kështu tregojmë lidhjen midis librave të ruajtur dhe bimëve të ruajtura.”
Në ekspozitë ka dhe një vitrinë speciale për prindër të rinj. Në të janë paraqitur libra, të cilët i mësojnë se si t’i rritin foshnjat e tyre. Fletëndarëset për këta libra janë lodra fëmijësh, ose lista, ku janë përshkruar gjërat më të domosdoshme, të cilat duhet të blihen për foshnjën: biberonë, kozmetikë, pelena etj. A mund të lexojë bashkë me ju macja e dashur? Sigurisht që po! Një fotografe e re ka bërë fotografi me mace të bukura, të cilat me ndihmën e bishtave të tyre shënojnë deri ku e keni lexuar librin.
Qyteti i Kazanllëkut, i vendosur në Luginën Bullgare të Trëndafilave, është zgjedhur për të pritur në vitin 2025 Konkursin Ndërkombëtar të Lutierëve të Violinës, Violës, Violonçelit dhe Kitarës. Forumi do të mbahet gjatë Festivalit të njohur të..
Që nga viti 2019, në Varna funksionon një shkollë, qëllimi i së cilës është të kapërcejë stereotipat dhe idenë e grafitit si diçka e shëmtuar, e ndyrë dhe e pakuptueshme. I ngjashëm, natyrisht, është edhe qëndrimi ndaj piktorëve të grafitit, të cilët..
Interpretuesit e vallëzimeve klasike indiane do të zhytin Burgasin në ritmin e kulturës indiane më 14 gusht në orën 20:30 në skenën e hapur "Kërmilli" në Kopshtin e Detit, njoftoi Bashkia e Burgasit. Programi Rasa-Nishpatti përmban..
Ditën e premte në ambientet e Ambasadës së Shqipërisë në Sofje u zhvillua një takim i ngrohtë dhe i përzemërt mes Ambasadores Znj. Inid Milo me studentët..
Vranësira të ndryshueshme mundësi për reshje shiu
Diell, re, shi, bubullime
Vranësira të dendura
Pjesërisht me re
Vranësira të dendura me shi