BOKS
Bullgaria do të dekorohet të paktën me një medalje të bronztë nga Olimpiada e Londrës. Boksieri Tervel Pulev (91 kg) mundi Jamil Peralta Hara nga Argjentina me rezultat 13:10 pikë. Kështu bullgari u klasifikua në gjysmëfinalet e boksit duke ia siguron vetes të paketën medaljen e bronztë. Të premten Tervel Pulev do të ndeshet me kampionin e botës Oleksandër Usik nga Ukraina.
Vetëm një pikë nuk i mjaftua boksierit Detelin Dalakliev (56 kg) për t’u kualifikuar në gjysmëfinalet e turneut olimpik në Londër. Siç u bë në Pekin para 4 vjetëve, kundërshtari i pamposhtshëm përsëri u tregua britaniku Lyk Kembël, i cili fitoi me rezultat 16:15 pikë.
Dy boksierë të tjerë bullgarë gjithashtu kanë shanse për medalje. Aleksandër Aleksandrov (49 kg) u klasifikua në çerekfinale, pasi mposhti nënkampionin e botës Xhonghun Shin nga Koreja. Në çerekfinale bullgari do të ndeshet me Kaeo Pongprajoon nga Tajlanda.
E vetmja femër që përfaqëson Bullgarinë në bosk është Stojka Petrova (51 kg), e cila startoi me fitore, duke mundur garuesen Siona Fernandes nga Zelanda e Re me rezultat 23:11 pikë. Në gjysmëfinale Stojka Petrova do ndeshet me përfaqësuesen e mikpritësve Nikol Adams, kampionen e botës.
VOLEJBOLL
Kombëtarja Bullgare e Volejbollit te meshkujt u klasifikua në çerekfinalet e turneut olimpik, pavarësisht nga zhvillimi i ndeshjes së fundit, ku tonët pësuan humbjen e tyre të parë kundër Argjentinës me rezultat 1:3 sete. Në sajë të tri fitoreve të radhës kundër Britanisë së Madhe, Polonisë dhe Australisë, volejbollistët bullgarë kaluan në fazën vijuese. Në ndeshjen e fundit të fazës të grupit Bullgaria do të dalë kundër Italisë. Në klasifikimin paraprak në grup Bullgaria dhe Polonia ndajnë të njëjta pikë të mbledhura.
PESHNGRITJE
Paraqitja më e mirë e sportistëve bullgarë që kanë përfunduar pjesëmarrjen e tyre në Lojërat Olimpike në Londër u takon peshëngritësve Ivan Markov dhe Milka Maneva. Dy bullgarët zunë vendet e pesta tek meshkujt dhe përkatësisht tek femrat. Ivan Markov (85 kg), i vetmi garues bullgar i peshëngritjes në Londër mbylli garën e tij me 375 kg të ngritur. Medaljen e artë e mori Eduard Zelinski nga Polonia, pasi ngriti 385 kg.
Tre kilogramë nuk i mjaftuan peshëngritëses Milka Maneva (63 kg) që të dekorohet me një medalje nga Lojërat Olimpike në Londër. Bullgarja mbylli garën e saj me 233 kg të ngritur. Kampionia olimpike u bë Maja Maneza nga Kazakistani, pasi ngriti 246 kg.
QITJE
Bullgaret Maria Grozdeva dhe Antoaneta Boneva mbetën jashtë finales së qitjes në distancë 25 metra me pistoletë sportive. Maria Grozdeva, e cila është kampione e dyfishtë olimpike në këtë disiplinë, zuri vendin e nëntë në klasifikimin përfundimtar. Qitëses tjetër bullgare, Antoaneta Boneva nuk i mjaftua vetëm një pikë për t’u kualifikuar në finale. Fatkeqësisht një pikë ndau Boneva edhe nga finalja e qitjes në distancë 10 metra me pistoletë pneumatike.
VRAPIM
Nënkampionia olimpike në gjimnastikë ritmike nga Lojërat në Paris dhe kampionia evropiane për vitin 2023 Borjana Kalejn është kandidatja bullgarë për anëtare të Komisionit të Atletëve të Komitetit Olimpik Evropian. Zgjedhjet do të zhvillohen..
Bullgaria do të përfaqësohet nga 16 atletë në Kampionatin Ballkanik të Krosit që zhvillohet sot në Oradea të Rumanisë. Në ekip përfshihet kampioni ballkanik i meshkujve Ivo Ballabanov - atleti ynë më i fortë në vrapimin e distancave të gjata në vitet..
Në pistën e Aeroportit "Vasill Levski" në Sofje, dy përfaqësues të Federatës së Sporteve të Fuqisë "Strongman" u përballën me një aeroplan pasagjerësh prej 40 tonësh, Airbus A220-300 – aeroplani më i ri i kompanisë ajrore kombëtare "Bulgaria Air"...
Vranësira të dendura me shi
Vranësira të dendura
Vranësira
Reshje shiu/dëbore
Vranësira