Qeveria dhe punëdhënësit me prognoza të ndryshme për papunësinë

botuar më 12-11-27 1.09.MD

Gjersa një pjesë e madhe e biznesit dhe ekspertëve mendojnë se vitin tjetër do të ketë ulje të numrit të të punësuarve, Ministria e Punës dhe Politikës Sociale është e një mendimi tjetër. Sipas ministrisë papunësia do të mbetet në nivelin e këtij viti, madje pritet ulje e numrit të papunëve në saje të financimit në kuadrin e programeve evropiane. Sipas të dhënave të Institutit Kombëtar të Statistikave në fund të tetorit përqindja e bullgarëve të papunë është 11,5.

Sipas ministrit social Totju Mlladenov vitin tjetër nuk mund të ketë tronditje të mëdha në tregun e punës dhe papunësia do të lëvizë nga 11 deri më 12 për qind. Që të përmirësohet situata në tregun e punës për vitin 2013, janë parashikuar rreth 38 mln euro. Këto janë programe të ndryshme në përkrahje të biznesit për ruajtjen dhe hapjen e vendeve të reja të punës. Përveç tyre, shton ministri social në një intervistë për gazetën “Standard”, janë parashikuar akoma rreth 190 mln euro në kuadrin e programit evropian “Zhvillimi i resurseve njerëzore”. Punësimi i subvencionuar e ndihmon biznesin, është i mendimit z. Mlladenov. Përveç kësaj me ndihmën e programeve evropiane krahu i punës kualifikohet në përputhje me kërkesat e reja teknologjike. Në sfondin e papunësisë në rritje në një sërë shtetesh evropiane, te ne niveli i papunësisë mbetet dy herë më i ulët nga 25 përqindjet rekord në Spanjë dhe Greqi”, vënë në dukje pushtetarët.

Mirëpo nuk është i tillë mendimi i ekspertëve në Agjencinë e Punësimit. Parashikimet për vitin tjetër janë shumë shqetësuese, mendojnë ata dhe shtojnë se gjatë 2013-ës numri i të papunëve mund të rritet, sidomos ndër të rinjtë. Krahas kësaj pritet rritje e atyre të papunëve, të cilët nuk kërkojnë punë dhe nuk regjistrohen në Byrotë e Punës. Sipas Agjencisë së punësimit do të rritet dhe numri i njerëzve të kategorisë së të dëshpëruarve. Këta janë njerëzit, të cilët janë të papunë më se dy vjet. Në këto grupe, sipas Kamelia Llozanovës – drejtoreshës ekzekutive të agjencisë, do të përfshihen dhe shumë të pushuar nga puna gjatë 2011-ës dhe 2012-ës, të cilët tashmë nuk do të marrin dëmshpërblime.

Biznesi është shqetësuar edhe për nivelin e papunësisë vitin tjetër. Ekspertët e Dhomës Ekonomike Bullgare dhe Asociacionit të Kapitalit Industrial mendojnë se pushtetarët janë tepër optimistë sa i përket papunësisë, pasi në kornizën buxhetore është parashikuar një papunësi prej 10,3 për qind për vitin 2013. Kjo, sipas Bozhidar Danevit – kryetarit të Dhomës Ekonomike Bullgare, është e pamundur, duke pasur parasysh rritjen e Prodhimit të Brendshëm Bruto prej 1,8 për qind për vitin e ardhshëm. Për një nivel të tillë të papunësisë PBB-ja për vitin 2013 duhet të jetë të paktën 3,5 për qind. Sipas Bozhidar Danevit nuk është real dhe numri i parashikuar prej pak mbi 2 mln e 770 mijë personave të siguruar. Aktualisht numri i tyre është pak mbi 2 mln veta dhe ka akoma 200 mijë, të cilët sigurohen vetë. Specialistët e Asociacionit të Kapitalit Industrial në Bullgari janë të mendimit se numri i bullgarëve të papunë do të rritet vitin e vijueshëm dhe papunësia do të tejkalojë 12 për qind, “Gjatë katër viteve të fundit janë mbyllur 400 mijë vende pune, kurse vitin tjetër akoma 200 mijë bullgarë mund të humbasin punën e tyre” – thotë Jordan Hristoskov, ish shef i Institutit Kombëtar të Sigurimeve. Sipas tij parashikimet e pushtetarëve për nivelin e papunësisë gjatë 2013-ës nuk janë reale. Për mendimin e ekspertit niveli real është 15 për qind. Edhe sipas ish ministrit të financave të qeverisë së kaluar Pllamen Oresharski duhet të pritet punësim i ulët vitin tjetër.

Përgatiti në shqip: Vesella Mançeva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Qeveria dhe punëdhënësit me prognoza të ndryshme për papunësinë

Më shumë nga rubrika

Gjysma e diabetikëve në Bullgari nuk janë diagnostikuar dhe konsiderohen të shëndetshëm

Si do të ndikojë zgjedhja e Donald Trump në Evropë dhe në siguri, në mbrojtje dhe ekonomi?

Programi arsimor "Tregimet e pathëna të bullgarëve" me mbështetje të madhe brenda dhe jashtë vendit

Nxënës bullgarë janë të parët në një konkurs evropian të së drejtës ndërkombëtare

Dita e Antarktidës shënohet në Universitetin e Sofjes “Shën Kliment Ohridski”

Çfarë parashikon buxheti i BE-së për vitin 2025