Bullgaria – me rendësi strategjike në transportimin e gazit në Evropë

botuar më 12-12-13 12.16.MD

Foto: EPA/BGNES

Bullgaria do të ngulë këmbë që nëpërmjet rrjetit të gazit “Rryma Jugore”, ku aksionarja kryesore është Rusia, të transportohet edhe gazi i furnizuesve të tjerë. Vendimi përfundimtar për qasjen e kompanive të tjera te rrjeti rus i gazit i takon Komisionit Evropian. Më 15 dhjetor do të takohen ministrat e energjetikës të vendeve aksionare në projektin e gazsjellësit. Më 21 do të realizohet takimi i shumëpritur midis KE-së dhe kompanisë ruse “Gazprom”. Kështu, në prag të festave të fundvitit Bullgaria do të shpresojë se interesat e saj energjetike do të mbrohen. KE-ja duhet të miratojë vendosjen e gazsjellësit në territorin e BE-së përmes Bullgarisë para se të hyjë në fuqi Pakoja e Tretë Energjetike.

Le të kujtojmë se më 7 dhjetor të këtij viti gjatë ceremonisë solemne të fillimit të projektit presidenti rus Vlladimir Putin deklaroi se “Rryma Jugore”, si dhe “Rryma Veriore” janë projektet më të rëndësishme të furnizimit të sigurt me gaz rus në Evropë.

“Rryma Jugore” do të transportojë gaz rus për konsumatorët evropianë. 900 metra katrorë të gazsjellësit do të kalojnë në fundin e Detit të Zi. Traseja do të kalojë përmes territorit të Bullgarisë (pranë qytetit bregdetar Varna) drejt Serbisë, Hungarisë dhe Sllovenisë dhe do të arrijë në Itali. Parashikohen edhe degë ndaj Kroacisë dhe Bosnjë-Hercegovinës. Furnizimet e para parashikohen për muajin dhjetor të 2015-ës. Projekti është në vlerë 16 mlrd euro, prej të cilave 10 mlrd do të shfrytëzohen për ndërtimin e pjesës detare të “Rrymës Jugore”. Kapaciteti i tubës është shumë i madh dhe disa ekspertë shtrojnë pyetjen a ka nevojë për kaq shumë kapacitet. Konsumi i gazit në Evropë po pakësohet me më se 11 për qind. Ndërkohë po rritet konkurrenca në vendet e Lindjes së Mesme për sa i përket transportimit të gazit në BE. Nxjerrja e gazit shist uli çmimet e gazit konvencional, kurse burimet ripërtëritëse energjetike u vendosën përhershëm në strategjitë energjetike të vendeve të BE-së. Evropa insiston për një liberalizim më të madh të tregut të gazit. Mirëpo, Rusia i shmang këto fakte, sepse po të realizohet “Rryma Jugore”, ajo do të dominojë në tregun evropian. Nëse gazsjellësi rus nuk vendoset në kohë në territorin e BE-së, atëherë gazi nga Deti Kaspik do të fillojë së transportuari nëpërmjet projektit konkurrues “Nabuko”. Akoma tri projekte të tjera të gazsjellësit konkurrohen në tregjet e Evropës. Përveç projektit rus “Rryma Jugore” dhe atij evropian “Nabuko”, në të cilat Bullgaria merr pjesë, në transportimin e gazit në Evropën Jugore sfidon edhe gazsjellësi Trans-Adriatik (TAP). Aksionare në të është njëra nga kompanitë më të mëdha të naftës. Bullgaria është vend kyç gjithashtu edhe për këtë projekt, sepse gazsjellësi do të kalojë përmes territorit të saj.

Ndërtimi i “Rrymës Jugore” do të bëjë Bullgarinë vend me rëndësi strategjike në transportimin e gazit në Evropë. 540 km e tubës do të kalojnë përmes territorit bullgar. Investimi është në vlerë 3 mlrd euro. Bullgaria nuk do të financojë ndërtimin e tubës me paratë e saj, kurse do ta shlyejë pjesën e saj falë taksave të transaksionit. Bullgaria mori rreth 22 për qind uljeje nga çmimi i gazit për konsumatorët e saj. Sipas llogaritjeve të ekspertëve nga këto 3 mlrd euro rreth 1.5 mlrd euro do të shfrytëzohen për kompanitë e ndërtimit, të cilat do të marrin pjesë në ndërtimin e gazsjellësit në territorin e Bullgarisë. Pala bullgare dha ajo ruse janë pajtuar që së pakti 30 për qind e ndërtimeve të “Rrymës Jugore” në vend të bëhen nga kompanitë bullgare. Kjo do të thotë se kompanitë vendase do të përfitojnë më se 450 mln euro. Ndërtimi i “Rrymës Jugore” në territorin e Bullgarisë do të startojë gjatë stinës së verës së 2013-ës, kurse furnizimet e para në tregun evropian do të fillojnë gjatë 2015-ës.

Përgatiti në shqip: Anna Kapitanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Bullgaria – me rendësi strategjike në transportimin e gazit në Evropë

Më shumë nga rubrika

Me një shkëmbim prej 12 miliardë eurosh Gjermania është partneri kryesor tregtar i Bullgarisë

Bullgaria, bullgarët dhe trazirat në botën e kriptomonedhave

Vetëm 8% e bullgarëve investojnë, 24% kursejnë

Inflacioni në Bullgari përshpejtohet në 3.8% në janar

Banka Kombëtare Bullgare sqaron se çfarë do të ndryshojë në lidhje me adoptimin e euros