Talente të reja të muzikës popullore: Nikoleta Nikollova

botuar më 13-03-27 12.20.MD

Foto: arkiv personal

AUDIO

Update Required To play the media you will need to either update your browser to a recent version or update your Flash plugin.

Nikoleta Nikollova ka lindur në vitin 1982. Ajo është përfaqësuese e krahinës veriore folklorike dhe interpreton këngë nga regjioni i qytetit malor Teteven. Fëmijërinë e vet këngëtarja e kaloi në fshatin e vogël Gllozhene, që ndodhet në luginën piktoreske të lumit Vit, rreth 12 km larg qytetit.

Popullsia e kësaj krahine është krenare dhe liridashëse. Në vitin 1871 revolucionari i madh bullgar Vasill Levski themeloi këtu një prej komiteteve të shumta sekrete revolucionare. Banorët e Gllozehenes janë të njohur gjithashtu edhe për pjesëmarrjen e tyre në çetat e Panajot Hitovit, Hristo Botevit, si dhe në ushtritë vullnetare bullgare gjatë Luftës Ruso-Turke (1877-1878).

Këto kanë qenë mësimet e para të patriotizmit për Nikoleta Nikollovën. Sipas fjalëve të saj bukuria, që e rrethon – natyra, vendet unikale të lidhura me legjenda interesante, kanë kontribuuar për shfaqjet e saj muzikore. Në familjen e saj nuk ka muzikantë të shquar, por në shtëpi gjithmonë ka tingëlluar kënga popullore nga radioja, ose televizioni. Nga rrëfimet e të afërmve këngëtarja ka mësuar se stërgjyshi i saj ka qenë fyelltar. Nikoleta Nikollova mësohet nga Llallka Pavllova, e cila ishte këngëtarja e parë, e cila zbuloi para saj bukurinë e këngës së Tetevenit, dhe nga Marin Ivanov, me të cilin u takua në shkollën në Çerni Vit. Ai është jo vetëm mësues i saj, por një njeri me ndikim të madh në jetën artistike të këngëtares.

Në shkollën e Çerni Vitit Nikoleta Nikollova mësoi veglën tradicionale muzikore tambura. Më tej ajo i vazhdoi studimet në shkollën muzikore “Panajot Pipkov” në Pleven. Që atëherë filluan shfaqjet e saj në tubimet folklorike. Atëherë erdhën dhe çmimet e saj të para – Çmimi i parë nga konkursi në Teteven “Me këngët e Llallka Pavllovës”, Diploma e tubimit të Rozhenit, çmimi “Miku special i Koprivshticës, çmimi i parë nga konkursi “Këngë për Vojvodën Petko” – Varna... Arsimin e vet të lartë këngëtarja e talentuar e mbaroi në Akademinë për Arte Muzikore, Koreografike dhe Artistike në Plovdiv, në degën e këndimit popullor.

“Akademia më pasuroi jashtëzakonisht shumë – tregon Nikoleta Nikollova. – U takova me kolegë nga krahina të ndryshme folklorike dhe u njoha me artin e tyre. U dashurova me këngën e Rodopeve. Përfaqësuese e kësaj krahine ishte pedagogia ime Anna Kushleva. Ajo bëri shumë për zhvillimin tim si këngëtare popullore. Kur isha në kursin e dytë, u zhvillua një konkurs për këngëtare në korin “Zërat kozmikë të Bullgarisë”. Më miratuan dhe kjo më dha mundësi të përjetoj shumë emocione në skenat botërore – Austri, Kinë, Indi, Japoni, Poloni, Itali, të marrë pjesë në eksperimente muzikore, si etno-xhaz, në incizime për muzikë filmore, në interpretime të ndryshme të folklorit tonë të pasur, të komunikojë me Vanja Monevën, dirigjenten tonë, e cila më zbuloi bukurinë e artit koral. E falënderoj fatin se më takoi me të.”
Para pak kohe Nikoleta Nikollova mbaroi për master në Universitetin e Sofjes me temë: “Veçoritë dialektore të këngës së Tetevenit si pjesë e muzikës popullore të Veriut”.

Po të doni të dëgjoni interpretime të zgjedhura të këngëtares së re klikoni mbi ikonën AUDIO!

Përgatiti në shqip: Vesella Mançeva

По публикацията работи: Valja Bozhillova

Последвайте ни и в Google News Showcase, за да научите най-важното от деня!

Ndaje

Talente të reja të muzikës popullore: Nikoleta Nikollova

Më shumë nga rubrika

"Përsëri me ty"

Anabel prezanton këngën e saj debutuese "Një dozë realiteti"

"Në anën tënde"

"Punëtori i zellshëm" – kënga më e re e Papi Hans

"Trillimi"