“Të moshuarit në dallim të fëmijëve mund të ndryshojnë më vështirë – është e mendimit Cveta Kirillova. – Ata kanë jetuar në një kohë më të ndryshme, me kushte të ndryshme. Është më vështirë të bindësh njerëz të tillë se këta, të cilët janë në gjendje të rëndë sociale, ose shëndetësore, nuk janë më të ndryshëm nga të tjerët. Prandaj ne morëm vendimin për të punuar së pari me fëmijët, sepse ata nuk ndikohen nga paragjykimet. Fëmijët janë më të mirë. Ata nuk do të thonë si të moshuarit: “Nuk mund të merrem me problemet e të tjerëve, jam shumë i angazhuar, jeta ime është plotë probleme!” Vogëlushit janë të hapur, ata komunikojnë në një mënyrë më të ndryshme, bisedimet e tyre gjithmonë janë të sinqerta. Ata reagojnë në mënyrë spontane ndaj temave të ndryshme. Kështu, duke komunikuar me fëmijët, përpiqemi të krijojmë këtë ndjenjë tolerance. Ky do të jetë një brez i ri, i cili do t’i edukojë edhe fëmijët e tij në këtë mënyrë. Besoj se do të bëhemi një komb tolerant.”
Projekti i parë mbi të cilin punon shoqata “Azbukari” është festivali i madh për fëmijë “Besoj në ty”, kushtuar integrimit social të fëmijëve në gjendje të pabarabartë. Pasi në edicionin e tij të parë vitin e kaluar u përfshinë mijëra fëmijë, tani organizatorët e tij janë duke përgatitur edicionin e tij të dytë. Ai do të zhvillohet më 1 dhe 2 qershor në Parkun Jugor të kryeqytetit të Sofjes.
“Vendosëm që festivali të zhvillohet më 1 qershor, sepse kjo është festa e fëmijës dhe të gjithë fëmijët e duan – thotë Cveta Kirillova. – Festivali u jep mundësi fëmijëve për t’u zhvilluar në drejtime të ndryshme. I bashkojmë vogëlushit në grupe të ndryshme dhe në çdo një prej tyre përfshihen fëmije me çrregullime. Në skenën e madhe në Parkun Jugor, shfaqen interpretues të talentuar të moshës së ndryshme. Ne e përgatitim programin disa muaj paraprakisht dhe interpretimet e tyre dëgjohen nga producentët tanë. Këto janë dy vajza, të cilat kanë arsim muzikor dhe janë këngëtare shumë të mira në fushën e folklorit, të cilat punojnë në Radion Kombëtare Bullgare. Ato i përgatitin fëmijët për të marrë pjesë në skenën e madhe. Përveç kësaj kemi përkrahjen e shumë këngëtarëve të njohur. Vitin e kaluar u përfshinë grupi “Akaga”, këngëtaret Kamelia Voçe, Rosica Kirillova, Melinda Hristova, formacioni “Vallëzoj jo më ndryshëm nga ti” dhe shumë të tjerë. Këto fytyra të njohura i motivojnë njerëzit për të besuar në kauzë dhe jam mirënjohëse se e bëjnë këtë falës. Lojërat e fëmijëve përgatiten nga disa sportistë nga Akademia Sportive Kombëtare. Ato janë adaptuar posaçërisht për fëmijët me probleme.”
Një projekt tjetër i madh i shoqatës “Azbukari” është ndërtimi i sheshit të parë për fëmijë në Bullgari, i cili është i adaptuar edhe për fëmijët me të meta të ndryshme. Hapja e tij solemne do të jetë pas datës 1 qershor.
“Sheshi është unikal, sepse do t’u sigurojë fëmijëve jo vetëm lojë, por edhe arsim – shpjegon Cveta Kirillova. – Desha të nënvizoj fjalën “arsim”, sepse për herë të parë do të integrojmë elemente me karakter arsimor. Çdo një element do t’i arsimojë fëmijët: ata do të mësojnë alfabetin, do të mësohen të dallojnë kafshët e ndryshme, ngjyrat, gjë që nuk mund të mësohet në sheshet e zakonshme për fëmijë. Krahas kësaj punojmë edhe mbi projekte më të vogla. Ato kanë të bëjnë me fëmijët nga institucionet e ndryshme sociale. Përpiqemi të ndihmojmë sa mundemi, të provokojmë ndjenjën e bamirësisë te njerëzit. Nuk është lehtë, por nuk do të heqim dorë edhe në të ardhmen.”
Përgatiti në shqip: Vesella Mançeva
Fotografitë janë ofruar nga shoqata “Azbukari”
8 qershori në Bullgari është një ditë reflektimi para zgjedhjeve për parlamentin kombëtar dhe atë evropian. Këtë ditë zgjedhësi duhet të lihet vetëm me ndërgjegjen e tij për të marrë vendimin më të arsyeshëm për të, se për kë do të japë votën e tij...
Bullgaria është ndër vendet në Evropë me përqindje të lartë të studentëve të huaj. Për momentin pesha e studentëve të huaj në vendin tonë është rreth 8%, çka na rendit ndër vendet e para në rajon. Këto të dhëna i prezantoi ministri i Arsimit, Galin..
Nga data 7 deri më 9 qershor, Festivali Ndërkombëtar i Rikrijimeve Historike në Veliko Tërnovo do të mbledhë grupe të rishfaqjes historike dhe rikrijues të pavarur nga Bullgaria, Greqia, Italia, Rumania, Sllovakia dhe Serbia në Kështjellën Historike..
Mitropoliti i Vidinit Daniill është patriku i ri bullgar. Ai u zgjodh me 69 vota kundër 66 për Mitropolitin e Vracës Grigorij. Kishte edhe tre fletë..
Më 30 qershor është mbledhur Këshilli Zgjedhor Patriarkal i Kishës, ku duhet të zgjidhet përfaqësuesi i Kishës Ortodokse Bullgare dhe Mitropoliti i..
Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të..