Këngë nga krahina e Trënit në interpretim të Anushka Mihajllovës

botuar më 13-05-31 9.17.PD

Anushka Mihajllova dhe kavallxhiu Nikolla Gançev.

Foto: arkiv

AUDIO

Update Required To play the media you will need to either update your browser to a recent version or update your Flash plugin.

Në Bullgarinë Perëndimore, rreth qytetit Trën, është formuar një dialekt specifik. Anushka Mihajllova është një përfaqësuese e tij e shquar. Ajo ka lindur më 3 prill 1933 në Sofje, por u rrit në fshatrat Odranica dhe Vidrar, afër Trënit, ku i kanë rrënjat prindërit e saj.

Anushka Mihajllova e ka mësuar folklorin në një mjedis të natyrshëm në fshat. Shumicën e këngëve i ka mësuar nga gjyshi i saj, që ka pasur një zë shumë të bukur. Fati i mirë e ka orientuar ndaj muzikës. Në kryeqytet, ku banonin prindërit e saj, ajo mësonte në Gjimnazin e tretë për vajza. Në një konkurs rinor muzikore midis gjimnazeve Anushka Mihajllova fitoi çmimin e parë. Atëherë në komision ishte Georgi Bojaxhiev nga redaksia “Muzika Popullore” e Radio Sofjes. Në fakt ai zbuloi talentin e saj muzikor dhe e ftoi për të incizuar këngë nga krahina e Trënit. Kështu, në vitin 1949 këngët “Mos ki frikë, o Rado nga burrat e Kërxhalit” dhe “Është ulur Marko me nënën për të ngrënë darkë” u bënë këngët e para të Anushka Mihajllovës, të incizuara në fondin e Radios Kombëtare Bullgare.

“Këngët e Trënit janë unikale – thotë këngëtarja me krenari. – Ne jemi disa metra larg Serbisë, por nuk vëzhgohet ndikim serb. Ne jemi disa metra si të thuash larg Krahinës së Shopëve rreth Sofjes, por këngët tona nuk janë si ato të Shopllukut. Ato janë specifike, nga Trëni dhe janë shumë vështirë për t’u kënduar. Ne, nga Trëni, krenohemi për folklorin tonë unikal. Këngët tona i kanë të gjitha ritmet, të cilat ekzistojnë në muzikën popullore bullgare. Në krahinën e shopëve këndohet në mënyrë më të fortë, më të theksuar, gjersa te ne nuk është kështu. Zëri im është më i butë, më lirik. Shumë interesante janë këngët, të cilët interpretohen në rastet festive – dasma, pagëzime dhe festa të tjera të mëdha, dhe janë vështirë për t’u kënduar. Në fshat këto këngë këndoheshin vetëm nga dy-tre veta. Për fat të keq sot rajoni ynë u shpopullua, shpresoj që kënga e Trënit të mos vdesë.”

Në vitin 1951 këngëtarja filloi së kënduari në Ansamblin e porsaformuar “Filip Kutev”. Atje mbeti më shumë se tri dekada deri në pensionimin e vet në vitin 1985. Krahas punës në ansambël ajo mbaroi filologji frënge në Universitetin e Sofjes, por mori vendim për t’u mbetur në Ansamblin “Filip Kutev”, ku ndihmoi në përgatitjen e karakteristikave krijuese të këngëtareve, përkthente gjatë turneve dhe delegacioneve shtetërore nga jashtë, ku ansambli paraqiste pasurinë folklorike të vendit. Për të gjitha këto vite të kaluara me Ansamblin “Filip Kutev” Anushka Mihajllova flet me ndjenja më të mira.

Pasi u pensionua Anushka Mihajllova filloi të merret me veprimtari pedagogjike. U nis për në Rodope për të dhënë mësime në frëngjisht. Atje kaloi gjashtë vjet, plot kujtime të mrekullueshme. Anushka Mihajllova ka dy fëmijë, katër nipër dhe katër stërnipër.

Përgatiti në shqip: Vesella Mançeva

По публикацията работи: Valja Bozhillova

Последвайте ни и в Google News Showcase, за да научите най-важното от деня!

Ndaje

Këngë nga krahina e Trënit në interpretim të Anushka Mihajllovës

Më shumë nga rubrika

"Dera e kyçur" – vepra më e re e këngëtarit Todor Gaxhallov

“Më zgjo në maj” dhe Mary Boys Band

"Dua"

"Dera e kyçur" – vepra më e re e këngëtarit Todor Gaxhallov