BE-ja do t’i livrojë Bullgarisë 6.6 mlrd euro në kuadrin e programeve operative

botuar më 13-08-27 11.07.PD

Foto: EPA/BGNES

Deri më 2020 Bullgaria do të marrë nga BE-ja në kuadrin e programeve të ndryshme më shumë se 6.6 mlrd euro. Bashkë me bashkëfinancimin kombëtar shuma do të rritet deri më 7 mlrd euro. Përveç këtyre kësteve është parashikuar edhe një shumë e tillë në ndihmë të bujqësisë. Kështu për periudhën programore nga viti 2014 deri në vitin 2020 shuma e përgjithshme, e cila do të derdhet në ekonominë bullgare, arriti deri në 14 mlrd euro. Qeveria bullgare paraqiti shpërndarjen paraprake të mjeteve evropiane për shtatë vitet në vijim.

Bullgaria do të disponojë më pak mjete në kuadrin e pothuaj të gjitha programeve. Kjo pritej, sepse që në fillim të vitit, kur zhvilloheshin bisedimet për buxhetin e përgjithshëm të BE-së, u bë e qartë se ai do të kufizohet në krahasim me periudhat e kaluara. Kjo imponoi ndryshim në shpërndarjen e mjeteve nga Brukseli. Aktualisht po kërkohen variante optimale për përvetësimin e tyre. Më pak janë mjetet e livruara evropiane në kuadrin e programeve operative për sektorin “Transporti”. Ato janë kufizuar me 418 mln euro. Kjo mund të kompensohet me 325 mln euro nga fondi i ri i BE-së, i destinuar për projekte të rëndësishme lidhëse në bashkësi, me emrin “Evropa e lidhur” (Connecting Europe). Problemi më i madh është lidhur me programin e ri “Shkenca dhe arsimi për rritjen inteligjente”. Megjithë dyshimet e Brukselit nëse programi mund të ekzistojë në periudhën e re programore, ai mori financim nga buxheti evropian. BE-ja jo një herë ka deklaruar se Ministria Bullgaria e Arsimit dhe Shkencës nuk ka potencialin e domosdoshëm për të udhëhequr mjetet evropiane, të livruara nga bashkësia. Nga ana e vet dikasteri bullgar, që ta sigurojë BE-në në aftësitë e veta, emëroi një zëvendësministër të ri të arsimit, i cili do të përgjigjet për 508 mln euro evropiane.

Më shumë mjete nga periudha e kaluar marrin dy programe. Njëri është “Aftësia për konkurrencë” – një program direkt drejtuar biznesit. Programi tjetër është destinuar për ta ndihmuar administratën dhe e ka emrin “Udhëheqja e mirë”. 154 mln euro më shumë deri në vitin 2020 janë parashikuar për përmirësimin e aksesit te teknologjitë informative dhe të telekomunikacioneve. Për periudhën e re programore qeveria bullgare parashikon më shumë mjete financiare për projektet hekurudhore dhe ujore, si dhe për zhvillimin e qyteteve të mëdha.

Më e madhe është konkurrenca në mes të bashkive për programin “regjionet në rritje”. Ende nuk është e qartë se sa do të jenë qytetet e mëdha, të cilat do të mund të përfitojnë nga mjetet evropiane gjatë shtatë viteve në vijim.

Dy herë janë rritur subvencionet evropiane për arat bullgare. Fermerët do të mund të përvetësojnë 5.3 mlrd euro deri në vitin 2020. Shkaku për këtë rritje të konsiderueshme është lidhur me stazhin e Bullgarisë në BE.

Kjo është shpërndarja paraprake e mjeteve evropiane për periudhën 2014-2020, që u dërgua nga Bullgaria për t’u koordinuar në Bruksel. Pritet që deri në fund të tetorit Komisioni Evropian të komentojë propozimet e qeverisë bullgare.

Përgatiti në shqip: Vesella Mançeva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

BE-ja do t’i livrojë Bullgarisë 6.6 mlrd euro në kuadrin e programeve operative

Më shumë nga rubrika

Bullgaria, bullgarët dhe trazirat në botën e kriptomonedhave

Vetëm 8% e bullgarëve investojnë, 24% kursejnë

BNB pret që Bullgaria të përmbushë kriterin e stabilitetit të çmimeve për eurozonën