Bullgaria është për zgjidhjen politike të krizës në Siri, por përgatitet edhe për variantin ushtarak

botuar më 13-08-29 12.28.MD

Foto: EPA/BGNES

Presidenti i SHBA-së Barak Obama ripohoi konkluzionin, se prapa sulmit kundër civilëve në periferitë e Damaskut, javën që shkoi, qëndrojnë forcat e presidentit Bashar Asad. “Uashingtoni ende s’ka marrë vendim për sulm kundër Sirisë, por çdo veprim kundër saj do të jetë një paralajmërim, se përdorimi akoma një herë i armëve kimike nuk është një ide e mirë” – tha presidenti amerikan. Në pritje të goditjes ushtarake, vendet fqinje të Sirisë i vënë ushtritë e tyre në gatishmëri të plotë luftarake. Bullgaria është për zgjidhjen politike të krizës në Siri, por përgatitet edhe për variantin ushtarak.

Javën e kaluar, disa orë pas tragjedisë në Damask, ministri i jashtëm bullgar Kristian Vigenin shprehu pozitën, se dhuna nuk është mjet për kërkimin e rrugëdaljes nga kriza dhe bëri thirrje për zgjidhjen e konfliktit nëpërmjet një dialogu të gjerë kombëtar me pjesëmarrjen e formacioneve të ndryshme politike dhe shoqërore. Më vonë ministri tha, se Bullgaria do të planifikojë hapat dhe pozitën e saj mbi krizën në Siri në varësi nga vendimet e NATO-së dhe rezultatet nga diskutimi i situatës në Këshillin e Sigurimit të OKB-së. Po të gjykohet nga planet e shpallura të qeverisë së re në Sofje në fushën e politikës së jashtme, pozita bullgare do të jetë maksimalisht e afërt me atë të Bashkimit Evropian. Por tani për tani qeveria bullgare nuk ka pozitë të qartë.

Deri tani Bullgarisë nuk i janë drejtuar kërkesa për mbështetje ose për pjesëmarrje në operacionin ushtarak ose në ndonjë formë tjetër të ndërhyrjes direkte në Siri. Por vendi është duke u përgatitur për të pranuar fluksin eventual klandestinësh që priten nga Siria. Gjatë javës qeveria livroi mjete për rritjen e kapacitetit të strehimit të përkohshëm të refugjatëve me 500 vende, sepse qendrat ekzistuese të strehimit janë plot e përplot. Janë marrë dhe masa suplementare për rritjen e kontrollit në kufirin me Turqi dhe në pikët kufitare nga vijnë zakonisht klandestinët.

Disa prej vëzhguesve janë të mendimit se Bullgaria do të marrë pjesë në këtë konflikt me mjete logjistike. Akademia Ushtarako-Mjekësore bëri të ditur, se po të merret vendim politik, ajo mund të dërgojë ekipe mjekësh në kampet e refugjatëve sirianë që ndodhen në Jordani. Spitali disponon një ekip që është trajnuar për dërgim në çdo pikë të botës brenda 24 orëve. Disa prej vëzhguesve nuk e përjashtojnë pjesëmarrjen në reparte ushtarake për mbrojtjen e popullsisë nga armët kimike dhe biologjike. Por tani për tani vendime politike për veprime të tilla nuk janë marrë. Ndoshta ato mund të diskutohen ditën e premte në seancën e Këshillit të Sigurisë pranë kryeministri Plamen Oresharski. Por në fund të fundit këto vendime do të merren pas kërkesave konkrete për ndihmë dhe në cakun e mundësive të vendit.

Përgatiti në shqip: Gyulka Ilieva

По публикацията работи: Stoimen Pavlov

Последвайте ни и в Google News Showcase, за да научите най-важното от деня!

Ndaje

Bullgaria është për zgjidhjen politike të krizës në Siri, por përgatitet edhe për variantin ushtarak

Më shumë nga rubrika

Tre vjet më vonë - për luftën në Ukrainë, paqen dhe të ardhmen

Shkencëtarët bullgarë në Antarktidë analizojnë aktivitetin diellor dhe ndikimin e tij në Tokë

74% e mjekëve të rinj zgjedhin Bullgarinë

Martenica - një hit i padiskutueshëm në një dyqan bullgar në Bruksel

Komunitetet bullgare jashtë vendit janë ndër prioritetet në Programin e Menaxhimit të Qeverisë