Bullgaria do të marrë 2.8 miliardë euro dividendë nga “Rryma Jugore”

botuar më 13-11-04 12.36.MD

Foto: south-stream.info

Ndërtimi i gazsjellësit “Rryma Jugore” në territorin bullgar u bë fakt. Starti i tij u dha me një saldim simbolik të tubave, afro një vit pas një ceremonie të tillë ne territorin rusë, nga ana e përtejme të Detit të Zi. Kështu qyteti rus Anapa dhe ai bullgar Varna u bënë pikët e para të projektit të ri rus për furnizim të gazit në tregjet evropiane.

Dividendët që i pret Bullgaria nga “Rryma Jugore”për periudhën 2013-2043 janë për afro 2.8 miliarda euro, kurse sasitë e para gazi do të kalojnë përmes vendit tonë në dhjetor të vitit 2015. Gjatësia e tubave kryesore përmes territorit bullgar është 540 km, kurse për ndërtimin e segmentit bullgar janë të nevojshme 3 e gjysmë miliardë euro. Bullgaria nuk do të investojë me para nga buxheti i shtetit, por do të merren hua.

“Sot startojmë një projekt jashtëzakonisht të rëndësishëm për Rusinë, për Bullgarinë dhe për Evropën – “Rryma Jugore”. deklaroi në kohën e ceremonisë kryeministri bullgar Plamen Oresharski dhe shprehu bindjen, se interesat bullgare në këtë projekt janë të mbrojtura maksimalisht. “Rëndësia e “Rrymës Jugore” rrjedh nga kërkimi në rritje i gazit në Evropë, tha nga ana e tij shefi i kompanisë ruse “Gazprom” Aleksej Miler.

“Ky është projekti më i madh realizuan në territorin tonë. Ne e konsiderojmë jashtëzakonisht të rëndësishëm dhe do të vazhdojmë të ndihmojmë për realizimin e tij – deklaroi kryeministri Plamen Oresharski. – Unë jam i kënaqur, se pala bullgare nuk do të investojë as një levë nga buxheti, ndërsa parametrat financiare janë të leverdishme për vendin. Ky projekt krijon premisa për një gaz më të lirë për prodhuesit bullgarë, kurse kjo do të përmirësojë aftësinë e tyre për konkurrencë.”

Presidenti i kompanisë ruse “Gazprom” Aleksej Miler gjithashtu theksoi dobinë nga kalimi i gazsjellësit përmes Bullgarisë. “Rryma Jugore” është katalizator për rritjen ekonomike në regjion dhe në Bullgari – është i mendimit z. Miler. – Këto janë investime për 3 e gjysmë miliardë euro, janë më se 2 500 vende të reja të punës dhe një infrastrukturë e re e gazit që do të rrisë interesin e investitorëve të huaj ndaj Bullgarisë. Çmimi i gazit për konsumatorët bullgarë do të jetë më i ulët, sepse gazi do të furnizohet direkt nga Rusia në Bullgari përmes Detit të Zi.”

“Rryma Jugore” do të transportojë gaz për vendet e Evropës Qendrore dhe të asaj Jugore, por planet jo zyrtare parashikojnë që ai të arrijë deri në Evropën Perëndimore. Aksionarë në ndërtimin e gazsjellësit janë kompania italiane ENI, dhe ato gjermane “Wintershall” dhe franceze “Eliktrisite djo Frans” (EdF). Rusia tashmë nënshkroi marrëveshje me Bullgarinë, Serbinë, Hungarinë, Greqinë, Slloveninë, Austrinë dhe Kroacinë.

Momenti më i rëndësishëm në bisedimet midis Sofjes dhe Moskës ishin rregullat e Bashkimit Evropian nga paketa e tretë energjetike, e cila i detyron pronarët e pajisjeve të transportimit të gazit të lejojnë përdorimin e tyre nga vende të treta. “Gazpromi” shumë kohë e kundërshtonte këtë kërkesë, por më në fund ra dakord dhe u lejoi vendeve të treta të përdorin tubën. Me gjithë se gazsjellësi do të arrijë deri në disa vende anëtare të BE, Brukseli vazhdon të jetë skeptik ndaj projektit. Komisioni Evropian ishte kategorik, se “Rryma Jugore” nuk është ndër prioritetet e bashkësisë evropiane, mbasi përbën një diversifikim të itinerareve, por jo të shteteve dhe kompanive që furnizojnë me gaz tregun evropian.

Përgatiti në shqip: Gyulka Ilieva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Bullgaria do të marrë 2.8 miliardë euro dividendë nga “Rryma Jugore”

Më shumë nga rubrika

Fatkeqësitë klimatike "gëlltitën" 1% të ekonomisë bullgare në vitin 2025

Numri i bullgarëve që marrin pensione nga jashtë shtetit po rritet

Zëvendëskryeministri Tomisllav Donçev: Frika për futjen e euros do të kapërcehet shpejt