Karton i kuq për sistemin arsimor bullgar

botuar më 13-12-05 11.30.PD

Foto: Foto:BGNES

Bullgaria sikur ndodhet në një rreth vicioz, prej të cilit s’mund të dalë. Varfëria, në të cilën jeton pjesa më e madhe e popullsisë është një prej faktorëve kryesorë për arritjet e ultë arsimore të nxënësve. Në të njëjtën kohë mungesa e dijeve adekuate dhe e kuadrove të përgatitur mirë është pengesë për zhvillimin ekonomik të vendit. Për fat të keq s’kemi dhe arsye për optimizëm. Shkaku i kësaj është se të rinjtë e sotëm, të cilët nesër do të dalin në tregun e punës dhe duhet ta lëvizin ekonominë përpara, nuk janë përgatitur për këtë. Shumicës prej tyre i mungojnë aftësi të analizojnë informacionin dhe të aplikojnë në praktikë atë që kanë mësuar në shkollë. Këtë e tregojnë të dhënat e anketës prestigjioze ndërkombëtare PISA të Organizatës për Bashkëpunim dhe Zhvillim Ekonomik (OBZhE). Anketa zhvillohet në çdo tre vjet dhe vlerëson dituritë e nxënësve në tri fushë: lexim, matematikë dhe shkencat natyrore. Në vitin 2012 aksenti i anketës ishte vënë mbi matematikën. Në Bullgari anketa u zhvillua gjatë pranverës së vitit të kaluar me më se pesë mijë nxënës në moshë 15 dhe 16 vjeç.

Prej kohe në Bullgari komentohet fakti, se arsimi është tepër abstrakt dhe i këputur nga jeta reale, ndërsa nxënësve u jepet aq shumë informacion i gatshëm, në vend qe t’i mësojnë vetë ta nxjerrin, të analizojnë dhe të aplikojnë informacionin në situata reale. Përpjekjet për reforma në sistemin arsimor, me sa duket nuk kanë sukses pasi ai përsëri mori një karton të kuq nga anketa prestigjioze. Bullgaria është në një nga vendet e fundit të klasifikimit duke zënë pozicionin e 47 ndër 65 vendet pjesëmarrëse, kurse rezultati mesatar i nxënësve bullgarë nga testet e matematikës është 439 pikë. Për krahasim rezultati mesatar i nxënësve në shtetet anëtare të OBZhE-s është 494 pikë. Ose të thënë ndryshe, nxënësit bullgarë mbeten një vit pas nxënësve të tjerë në përgatitjen e tyre. Në shkencat natyrore jemi në vendin 45, kurse në lexim – në 51. Për nga rezultatet e nxënësve të saj Bullgaria bie në një grup me Serbi, Turqi, Rumani, Qipro, Emiratet e Bashkuara Arabe dhe Kazakistan. Me gjithë diturit elementare, në vitin 2012 rezultatet e nxënësve bullgarë në matematikë janë më të larta nga të gjitha testet e deritanishme të PISA-së.

Një prej konkluzioneve të specialistëve të bëra në bazën e anketës është se në Bullgari diturit arsimore të nxënësve ndikohen fort nga rrethi familjar dhe mjedisi socialo-ekonomik. “Kjo lind shqetësime për sa i përket realizimit të objektivit – të gjithë fëmijët të kenë mundësi të barabarta për arsim në shkollën bullgare”, komenton dr. Svetla Petrova, koordinatore kombëtare e anketës. Për masat, që i ndërmerr shteti për përballimin e kësaj gjendjeje shpjegon Atanaska Teneva, zëvendës-ministër i arsimit: “Në kushtet bullgare një prej këtyre masave është nxënësit të jenë angazhuar tërë ditën në shkollën, një masë tjetër është rritja e kualifikimit të mësuesve, sepse është shumë e rëndësishme kush jep mësimet dhe sa orë mësohet një disiplinë mësimore. Përveç kësaj në buxhetin e vitit 2014 mjetet e caktuara për transport, të cilët prekin si nxënësit, ashtu dhe pedagogët gjithashtu janë një faktor social dhe financiar, i cili kontribuon për zgjidhjen e problemit për mundësi të barabarta dhe arsim më të mirë.”

Përgatiti në shqip: Gyulka Ilieva

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Karton i kuq për sistemin arsimor bullgar

Më shumë nga rubrika

BTA prezanton një font unik me rastin e përvjetorit të saj

Gëzuar 89 vjet, Radio Bullgaria!

Një lajm i mirë – pelikani i parë i sezonit u çel pranë Tutrakanit

Një lajm i mirë – pelikani i parë i sezonit u çel pranë Tutrakanit

Gëzuar 89 vjet, Radio Bullgaria!

BTA prezanton një font unik me rastin e përvjetorit të saj