Bullgaria dhe Presidenca e Greqisë

botuar më 14-01-09 12.48.MD

Zhoze Barozu dhe Andonis Samaras gjatë ceremonisë së marrjes të presidencës.

Foto: Foto:BGNES

Ditën e mërkurë Greqia zyrtarisht mori kryesinë e Këshillit të BE-së. Prioritetet e shpallura janë në përputhje me fqinjën e saj Bullgari dhe parashtrojnë bashkëveprim të madh midis të dyja vendeve gjatë 6 muajve në vijim.

Rritja e ekonomisë, vendet e reja të punës, punësimi i të rinjve, përballimi i problemeve të migracionit, siguria në kufi, lëvizja e lirë dhe zgjerimi i BE-së drejt Ballkanit Perëndimor janë qëllime po ashtu dhe të Bullgarisë.

Për sa i përket zgjerimit drejt Ballkanit Perëndimor presim veprime të koordinuara dhe njëdrejtimëshe midis Athinës dhe Sofjes në përparimin e negociatave të BE-së me Malin e Zi, në zhvillimin pozitiv në negociatat me Turqinë, në marrjen eventuale të statusit kandidat të Shqipërisë, si dhe në konsolidimin e perspektivës evropiane të Kosovës. Mirëpo, nuk pritet të dyja vendet të caktojnë datën e fillimit të negociatave për anëtarësimin e Maqedonisë në BE.

Për sa i përket lëvizjes së lirë, Presidenca e Greqisë greke angazhohet të zgjedhë një moment të përshtatshëm kur t’ia parashtrojë Këshillit Evropian çështjen e anëtarësimit të Bullgarisë dhe Rumanisë në Zonën e Shengenit. Duke pasur parasysh se ka disa vende të rëndësishme të BE-së, të cilat e kundërshtojnë këtë anëtarësim, kurse duhet patjetër konsensus, Bullgaria nuk mund të presë hapjen e shpejtë të kufijve të Shengenit. Çfarëdo përparim në këtë çështje do të vlerësohej lart nga Sofja.

Përparim real mund të pritet në zgjidhjen e përbashkët të çështjes së emigrantëve të paligjshëm, të cilët kalojnë kufijtë e Bullgarisë dhe Greqisë për shkak të konflikteve në Lindjen e Mesme dhe Afrikën Veriore. Qëndrimi i të dyja vendeve për këtë çështje është i qartë: proceset e migracionit nuk janë problem vetëm i disa vendeve të caktuara, ndërsa përbëjnë problem për të gjithë BE-në, kështu që pasojat nga vala e klandestinëve duhet të shpërndahen në mënyrë të barabartë.

Kryesia e Greqisë në BE do të ushtrohet gjatë 6 muajve njëkohësisht me kryesinë e Bullgarisë në Organizatën e Bashkëpunimit Ekonomik të Detit të Zi (BEDZ). Në këtë drejtim priten veprime të koordinuara në nxitjen e kontakteve midis BEDZ-it dhe BE-së, po ashtu në shtyrjen e dialogut midis tyre.

Kryesia aktuale e Greqisë në BE është e pesta për nga radha dhe përkon me momentin kur Sofja ia vë vetes prioritetin për përgatitjen e Presidencës së Bullgarisë gjatë 2018-ës. Që nga fundi i vitit të kaluar Ministria e Punëve të Jashtme shpalli se në Athinë do të dërgohet me shërbim një diplomat i lartë i cili të studiojë përvojën e Greqisë. Në një farë mënyre me kryesinë e pestë të Greqisë fillon përgatitja e Presidencës së parë të Bullgarisë dhe shkëmbimi i përvojës gjatë kësaj periudhe do të kontribuojë në zhvillimin e raporteve dypalëshe.

Përgatiti në shqip: Anna Kapitanova

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Bullgaria dhe Presidenca e Greqisë

Më shumë nga rubrika

"Toka e trëndafilave" - një film për shpresën se ne mund të jemi më të mirë dhe më të hapur ndaj njerëzve me aftësi të kufizuara

SOS për Kënetën Bojana - a do t'i mbijetojë ekosistemi unik pranë Sofjes bastisjeve të biznesit?

Përkthyesja Svilena Georgieva: Mësimi i gjuhëve të huaja na mëson të duam dhe të vlerësojmë bullgarishten tonë

Radosllava Nedjallkova nga Milano është "Bullgarja e Vitit 2023", auditori nderoi Nevenka Kostadinova nga Serbia

Në Sofje, tregojnë gjeneratën e fundit të makinave dhe të ardhmen e teknologjive auto

Një spektakël diellor mund të shihet në Observatorin Astronomik të qytetit Kërxhali