Pasqyra e shtypit

botuar më 14-01-10 9.49.PD

Ditën e premte shtypi alarmoi se disa ditë pas publikimit në Gazetën Zyrtare të Ligjit për buxhetin shtetëror qeveria ka filluar ndryshimin e tij. Gazeta “Sega” saktëson se shtatë ministri do të marrin afro 30 mln euro për financimin e shpenzimeve suplementare. Gazeta “Trud” na qetëson se prapëseprapë korrigjimet buxhetore janë publike dhe nuk miratohen si më parë fshehtazi, vetëm me nënshkrimin e ministrit të financave. Ndërkaq gazeta ka konstatuar se këshilltarët bashkiakë në mbarë Bullgarinë kanë ngritur pagat e tyre dy ose tri herë. Kjo u bë e mundur pasi një ligj për vetëqeverisjen lejoi që bashkiakët të marrin deri më 70 për qind të pagimit të kryetarit përkatës.

Gazeta “Standard” komenton kërkesën e prokurorisë për heqjen e imunitetit parlamentar të liderit të partisë nacionaliste “Ataka” Volen Siderov për shkak të sjelljes së tij arrogante në Aeroportin e Varnës. Në faqen e tij të parë gazeta njofton se në lojërat e fatit “Evrobet” në internet ka pengje lidhur me dilemën nëse vetë Volen Siderovi do të hiqet dorë nga imuniteti, apo jo.

Gazeta “Monitor” bën të ditur se shteti ka filluar një kontroll të madh mbi monopolet energjetike, në të cilin do të marrin pjesë Agjencia shtetërore “Sigurimi kombëtar” dhe Agjencia kombëtare për të ardhurat. Janë zbuluar shkelje serioze në Kompaninë Energjetike Kombëtare gjatë udhëheqjes së qeverisë së kaluar.

Gazeta “Sega” na informon se mjekët bullgarë janë me pagat më të ulëta në Evropë. Gazeta mbështetet tek një studim për pagat mesatare të mjekëve cituar nga Bashkimi i Mjekëve Bullgarë. Paga mesatare në Bullgari e mjekëve bullgarë është 296 euro në muaj, gjersa në Rumaninë fqinje paga e tyre mesatare është 523 euro. Paga më e madhe mesatare e mjekëve është në Luksemburg – 5 322 euro.

Mjegulla, që mbulon Bullgarinë gjatë disa javëve të fundit, e ka ndotur ajrin në pothuaj të gjitha qytetet më të mëdha, njofton para gazetës “Sega” një përfaqësues i lartë i Agjencisë Ekzekutive të Mjedisit. Ajri në Sofje është tetë herë më i ndotur nga norma e lejuar. Në rast mjegulle dritaret nuk duhet të hapen, na këshillon eksperti nga Akademia Ushtarake Mjekësore.

Në vendpushimet tona dimërore pistat nuk mjaftojnë, kurse lokalet janë plot e përplot njerëz, shkruan në një material të hollësishëm gazeta “Standard”. Fakti se dëbora është artificiale siç duket nuk i qetëson turistët, kryesisht anglezë dhe rusë. Në të njëjtën kohë pronarët e lokaleve konstatojnë xhiro më të larta, vë në dukje e përditshmja.

Gazeta “24 çasa” i kushton një artikull të madh Gjyshit Dobri, i njohur si “lypësi i shenjtë”, i cili grumbullon mjete për kishën. Sipas gazetës, gjyshi i ka dhuruar kishës 1 mln leva, nën formën e monedhave të vogla. Që të grumbullojë të gjitha këto stotinka, duke lypur para tempujve të kryeqytetit, deri në moshën 80 vjeçe Gjyshi Dobri ka kaluar me këmbë rreth 40 km që nga fshati i tij i lindjes Bajllovo deri në Sofje. Mirëpo para së përditshmes plaku thotë se tashmë nuk qëndron para tempullit “Aleksandër Nevski” dhe njerëzit thonë se vërtetë nuk e kanë parë atje pas Vitit të Ri.

Përgatiti në shqip: Vesella Mançeva

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Pasqyra e shtypit

Më shumë nga rubrika

Në Rajonin “Podujane” diskutohet se si rrënojat e një vile romake të shndërrohen në pjesë të gjallë të kryeqytetit

Parashikimi i motit për 22 tetorin

Pushtetarët diskutuan të ardhmen e kabinetit në errësirë mediatike

Zyra e Prokurorit Evropian heton projekte në Bashkinë e Plovdivit

Parashikimi i motit për 21 tetorin 2025

Zyra e Prokurorit Evropian heton një fermë fiktive të midhjeve në Detin e Zi