Ndër temat kryesore të gazetave të sotme është mocioni i tretë i mosbesimit i parashtruar nga partia në opozitë GERB kundër qeverisë së Pllamen Oresharskit. Motivet e opozitës janë dështimi i politikës së kabinetit në sferën e sigurisë. Gazeta “Sega” komenton se GERB e ka parashtruar mocionin e mosbesimit duke kuptuar shumë mirë se ai nuk do të miratohet. Ndërkaq, gazeta shënon edhe fjalët ironike të Pllamen Oresharskit se motivet e ish pushtetarëve për votën e mosbesimit janë njëfarë kritike ndaj vetë udhëheqjes së tyre, sepse problemet u krijuan nga vetë ata. Sipas gazetës “Duma” socialistët pranojnë me gjakftohtësi veprimet e opozitës dhe janë të bindur se mocioni i mosbesimit nuk do të miratohet.
Gazetat e sotme pasqyrojnë gjerësisht mobilizimin e plotë të resurseve të Ministrisë Bullgare të Punëve të Brendshme për luftimin e krimit në shtëpi. Sipas gazetës “Trud” ky kriminalitet e ka shndërruar jetën e banorëve në vendbanimet e vogla në një tmerr të vërtetë. Sipas gazetës “Monitor” ditën e hënë mu në orën tetë të mëngjesit forcat e Ministrisë Bullgare të Punëve të Brendshme do të hyjnë në pikat e nxehta. Sipas së përditshmes një operacion i tillë me të gjitha resurset e xhandarmërisë në vendbanimet e vogla nuk është bërë kurrë deri tani.
Gazeta “Standard” shkruan në faqen e parë se autoritetet tatimore fillojnë “ndjekje kundër fëmijëve me automjete të markës Mercedes”. Objekt i aksionit do të jenë pronarë minorenë me pronësi të shtrenjta, të dhëna nga prindërit e tyre.
Gazeta “Sega” shkruan me indinjatë se deputetët nga Komisioni i përkohshëm për Kodin Zgjedhor kanë marrë vendim që gjatë fushatës paraelektorale të mos publikohen materiale, të cilat prishin emrin e mirë të kandidatëve. Sanksioni për shkelësit mund të arrijë 10 mijë euro. Duke shënuar një seri kazusesh, të cilat shkaktuan zemërim ndër bashkësitë e ndryshme sociale dhe profesionale gjatë debatit për Kodin e ri Zgjedhor, në rubrikën “Vëzhguesi” gazeta bën pyetjen “Pse të mos bëjmë dhe një regjistër kombëtar për budallallëkun administrativ?”
E përditshmja “Trud” njofton se në qytetin Sliven të Bullgarisë Veriore një djalë dyvjeçar i çudit të afërmit dhe të njohurit, me dituritë e tij. Djali i vogël i di shifrat dhe shkronjat dhe mund të mbledhë dhe të zbresë. Tani po mësohet edhe të shumëzojë dhe të pjesëtojë.
Gazeta “Sega” boton në numrin e saj të sotëm një thirrje të Ekaterina Dafovskës, e cila është atashe i delegacionit olimpik të Bullgarisë në Soçi. Ajo u drejton lutje shoqërisë dhe gazetarëve për të mos pasur pritje shumë të mëdha nga paraqitja e sportistëve bullgarë në lojërat olimpike. “Nuk duhet të jemi shumë të rreptë. Megjithë rezultatet e mira deri tani, olimpiada është një garë krejt e ndryshme”, komenton kampionia olimpike. “Do të bëjmë çmos, që të klasifikohemi sa më mirë, por nuk duhet harruar shtetet e tjera të fuqishme, të cilat do të jenë në gatishmëri të plotë”, shënon gjithashtu Dafovska.
Përgatiti në shqip: Vesella Mançeva
Në bisedën me presidentin propozuam një qeveri me një menaxhim të qartë programor. Si partia më e vogël politike, ne nuk kemi pretendime për ta krijuar atë, por duam të dimë se çfarë do të bëjë kjo qeveri, çfarë angazhimesh do të marrë, në çfarë..
Një kabinet ekspertësh në kushtet e një krize politike është e vetmja mundësi e arsyeshme. Këtë qëndrim e shprehu kryetari i grupit parlamentar të “Ka një popull të tillë” (ITN) Toshko Jordanov në konsultimet me presidentin Rumen Radev për formimin e..
Një sinjal i shkallës më të lartë të kërcënimit të paraqitur nga një prej shërbimeve më me ndikim në botë është arsyeja pse shtëpia e liderit të GERB Bojko Borisov ruhet nga snajperët. Kështu ai iu përgjigj pyetjes së PP-DB se pse ushtarët me armë..
Mbi 30 shkencëtarë nga 12 vende po marrin pjesë në Forumin Ndërkombëtar cirilik “Alfabeti, gjuha, identiteti”. Ai filloi në Pallatin Kombëtar të Kulturës..
PP-DB dyshoi në mundësinë e Legjislaturës së 50-të të Kuvendit Popullor për të formuar një qeveri. Në një konferencë në parlament, bashkëkryetari i..
Gjatë 24 orëve në vijim , në gjysmën perëndimore të vendit do të zhvillohen sërish vranësira. Gjatë natës në shumë vende do të ketë reshje të..