100 vjet nga lindja e talentit natyror Krum Matejn

botuar më 14-03-31 12.36.MD

Rosen Genkov

Foto: arkiv

Afër Sofjes, buzë malit Vitosha, ndodhet Bistrica (në të kaluarën fshat, kurse sot lagje e kryeqytetit të Sofjes). Atje ka lindur, jetuar dhe krijuar veprat e veta një talent natyral – Krum Matejn, tamburist dhe këngëtar. Njerëzit në Bistrica ruajnë kujtimin për të dhe sivjet gjatë muajit maj me një festë të madhe do të shënojnë përvjetorin e 100-të të lindjes së tij, kurse para pak kohe në Muzeun e Radios docenti Vencisllav Dimov nga Akademia Bullgare e Shkencave dhe tamburisti Rosen Genkov, koncert mjeshtër i Orkestrës për Muzikë Popullore pranë Radios Kombëtare Bullgare, paraqitën incizime dhe kujtime për Krum Matejnin.

Krum Matejn filloi të këndojë dhe të kompozojë melodi që së fëmijë. Në gjimnaz shkruante vjersha, kurse si nënoficer krijonte këngë dhe pjesa. Më vonë ai themeloi orkestrën “Bistrica” dhe 30 vjet udhëtonte në mbarë Bullgarinë, duke kënduar dhe luajtur në tambura. Në këngët e veta Krum Matejn deklaron qëndrimin e vet ndaj temave aktuale të asaj kohe.

“Dërgomë o e dashura!”

Update Required To play the media you will need to either update your browser to a recent version or update your Flash plugin.

Kënga “Dërgomë o e dashura!”, paraqitur nga Rosen Genkov, ishte e dashur për Krum Matejnin. Interpretuesi e këndon si vetë “xha Krumin”. Është përfshirë në albumin “Farefisi i hutuar”, krijuar me ide të Vesella Matejnës – bija e Krum Matejnit. Atje janë përfshirë dhe shumë këngë të tjera të bukura bullgare si “Kishte një Vela”, “Kënga për shopët” etj.

“Dua të martohem, o moj nëne”

Update Required To play the media you will need to either update your browser to a recent version or update your Flash plugin.

“E njoha personalisht – tha për Radio Bullgarinë Rosen Genkov. – Ishte mik i madh i babait tim, i cili është mësuar nga ai. Krum Matejn ishte një personalitet karizmatik. Ai gjithmonë arrinte ta shndërronte një ngjarje në këngë, të inorizonte vetitë e këqija pa fyer askë. Krum Matejn arrinte të grumbullonte publikë të moshës më të ndryshme. Shumë prej këngëve të tij emblematike sot i njohim nga repertori i këngëtarëve të ndryshëm popullorë. Ato origjinale janë më të gjata – kështu i rrëfente Krum Matej historitë nga jeta. Mirëpo në vitet e socializmit fshiheshin shumë të vërteta. Ja përse incizimet me zërin e tij janë shumë pak. Njerëzit më të moshuar ende e mbajnë mend këngëtarin. Që para datës 9 shtator 1944 ai udhëtonte bashkë me orkestrën e vet në mbarë Bullgarinë, jo vetëm në rajonin afër Sofjes. Ai ka krijuar shumë melodi, jo vetëm folklorike, por edhe me ndikimin e këngës së qytetit. Publiku i pëlqente dhe i dëgjonte me një kënaqësi të madhe. Krum Matejn nuk kërkonte famë, por dashurinë e publikut.”

Përgatiti në shqip: Vesella Mançeva

Последвайте ни и в Google News Showcase, за да научите най-важното от деня!

Ndaje

100 vjet nga lindja e talentit natyror Krum Matejn

Më shumë nga rubrika

"Fajtori"

Kompozitori i dashur Stefan Diomov feston jubileun e tij të 80-të

"Dashuria dhe vera"

Kënga popullore “O moj rini e shkretë” me një tingëllim të ri

Dueti vokal LATIDA dhe kënga e tyre më të re