Mjekët bullgar dalin në një miting simbolik për 1 orë përpara spitaleve në shenjë të solidaritetit me kolegët e vet nga Bashkimi Evropian, në Ditën e protestës të mjekëve evropian. Kërkesat bazë të medikëve janë për sigurimin e mjeteve për garantimin e një shëndetësie me cilësi për të gjithë qytetarët evropian, ndërprerjen e reprezaljeve mbi mjekët, një pagim të denjë, kushte të mira për punë dhe ndërprerjen e korrupsionit.

Në një intervistë për Radio Bullgarinë zëvendës kryetari i bashkimit të mjekëve Bullgar doktor Julian Jordanov nënvizoi se, veprimet e protestës të mjekëve kanë për qëllim të tërheqin vëmendjen mbi problemet e dhimbshme në shëndetësinë bullgare, lidhur me deficitin financiar:

“Ai është permanent, prej rreth 6-7 vjetëve. Kur qe votuar buxheti i Arkës Kombëtare të Sigurimit Shëndetësor për vitin 2014 thamë se ai, do të shkaktojë një deficit serioz. Një spital, gjatë mungesës së një resursi financiar do të kufizohet në pranimin e të sëmurëve deri në minimum. Ne duam një shëndetësi evropiane, kurse paratë për shëndet të një njeriu nga popullsia në Bullgari janë nga më të ulëtat në Bashkimin Evropian, të mos të flasim për përqindjet nga Produkti i Brendshëm Bruto. Nuk mund të kërkojmë me pak para të bëjmë një shëndetësi me cilësi. Që të kemi një të tillë, financimi duhet të jetë si në vendet e tjera evropiane. Deri tani gjërat qëndrojnë pikërisht në sajë të mjekëve dhe të specialistëve mjekësor, të cilët punojnë në sistem. Ata janë më të cenuar nga ky mos financim deri në fund, krahas me pacientët.”

Për shkak të mungesës së mjedisit optimal të punës dhe mos-financimit kronik të sistemit, mjekët janë të detyruar të ikin nga vendi i vet të punës në kërkim të kushteve më të mira. Ky është një nga shkaqet që mjekët tanë të realizohen në vende të tjera evropiane dhe bile dhe përtej oqeanit. Vjet, Bashkimi i Mjekëve Bullgarë bëri një anketë për shkaqet, për shkak të të cilëve mjekët ikin nga vendi. Cilat janë ato dëgjojmë doktorin Jordanov:

“Doli se, shkaqet bazë janë tre. I pari është i lidhur me specializimin dhe zhvillimin e karrierës, pothuajse në të njëjtën përqindje është dhe pagimi dhe në fund pasiguria në shëndetësinë bullgare. Del se, mosha mesatare e mjekëve në Bullgari është rreth dhe mbi 50-55 vjet. Rreth 20% prej tyre janë në një moshë pensioni. Mjekë midis 35 dhe 45 vjetëve mungojnë, kurse këta deri më 35 vjet janë mezi 25%. Në praktikë, pas rreth 10 vjetëve do të ketë një deficit të mjekëve në Bullgari. Në qoftë se migracioni forcohet pamja bëhet edhe më drastike. Prandaj nuk duhet të mbyllim sytë përpara këtij problemi dhe sa më shpejtë marrim masa si vendet evropiane, të cilët marrin specialistë nga jashtë, përfshi dhe nga Bullgaria nuk do të arrihet deri aty. Prapë së prapi shpresoj se dhe shoqëria dhe drejtuesit do ti japin llogari vetes për problemin në rritje dhe do të marrin masa në kohë. Bile jemi vonuar.”

Përgatiti në shqip: Nataniela Vasileva