Kompania muzikore “Varna International” tashmë 16 vite me radhë është nismëtare e turneve ndërkombëtare me koncerte. Krahas kësaj në shumë qytete të vendit organizon akademi muzikore.
“Mbetem shumë i mahnitur, kur shikoj burra dhe gra nga kombësi dhe kultura të ndryshme, të bashkuar nga ideja të tregojnë respektin e tyre ndaj muzikës” – rrëfen Kalin Çonevi, themelues i kompanisë. Sivjet bashkë me ekipin e tij ai organizoi 11 koncerte në nëntë qytete të Austrisë, Çekisë, Bullgarisë, Turqisë dhe Anglisë. Në kuadrin e programit të tërësishëm më 30 maj në Bullgari u prezantua vepra më e re e kompozitorit Georgi Andreev, i cili është edhe dirigjent i Ansamblit Kombëtar Folklorik “Filip Kutev”. Vepra është sipas tekstit të Skot Keërënsit me titull “Lot prej trëndafili” dhe i është kushtuar trëndafilit vajor bullgar – njërit prej simboleve të Bullgarisë. Në skenë dolën Ansambli Kombëtar Folklorik “Filip Kutev”, Kori “Zërat Kozmikë” dhe dy grupe korale amerikane – “Shrine of the Ages” dhe “Master Chorale of Flagstaff”. Të pranishmit kishin mundësi të dëgjojnë aranzhime të muzikës popullore bullgare, muzikë afro-amerikane, pjesa klasike korale. Ja se çfarë tha dirigjentja Edit Kopli: “Është një kënaqësi e veçantë për mua se jam në Bullgari. Jam për herë të parë këtu. Vepra e kompozitorit Georgi Andreev është një gërshetim i mrekullueshëm midis muzikës vokale dhe asaj instrumentale. Ndërthurja e tekstit të Skot Keërënsit me muzikën e kompozitorit bullgar lejoi të krijohet një vepër tepër interesante. Studentët koristë ishin tepër të emocionuar nga mundësia të prezantojnë këtë vepër në skenën bullgare. Vitet e fundit pothuajse pa u ndërprerë e dëgjoj muzikën popullore bullgare, kështu që mund të them, se kam një përfytyrim të qartë për të. Jam tepër e lumtur, se ishim pjesë e këtij koncerti, që u prezantua në Sofje.”
Përgatiti në shqip: Svetllana Dimitrova
Konkursi i Radios Kombëtare Bullgare (BNR) për Këngën e Re Bullgare "Pranvera" u mbajt për të 55-tën herë. Që nga fillimi i tij në vitin 1970, ky forum muzikor stimulon vazhdimisht autorët dhe interpretuesit vendas për të krijuar muzikë të re. Çmimet..
Dy emra yjesh nga dy breza të muzikës bullgare - Ljubo Kirov dhe Mihaella Marinova - po takohen sërish. Së bashku i dëgjuam për herë të parë në vitin 2020 në versione duete në këngën tashmë hit të Ljubo Kirovit "Mundem". Ishte një sukses i tillë..
Muzikantët më të vegjël në Radion Kombëtare Bullgare (BNR) nga Grupi Vokal i Fëmijëve "Radiodeca" me dirigjente Ilina Todorova - prezantojnë koncertin e tyre tradicional pranveror. Ai i kushtohet 70 vjetorit të kompozitorit Krasimir Miletkov, i cili..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në..