Më 28 maj në sallën Nr 3 të Pallatit Kombëtar të Kulturës dha koncert Kërt Eling – një interpretues i njohur amerikan i muzikës xhaz. Ai u ftua në Bullgari me rastin e shënimit të përvjetorit të 80-të të themelimit të Radios Kombëtare Bullgare. Vizita e tij ishte pjesë e programit kushtuar jubileut të tij të ardhshëm. Kërt Eling e vizitoi Bullgarinë për herë të parë dhe u paraqit në një skenë bashkë me xhazmenë bullgarë. Mikpritësi i tij në skenë ishte Antoni Donçev, si dirigjent i Big Bendit të Radios Kombëtare Bullgare. Bashkë me formacionin Kërt Eling interpretoi pjesa të tij të njohura me orkestrime të reja, si dhe kompozime prej albumit të tij të ardhshëm “Passion World”.
“Unë udhëtoj jashtëzakonisht shumë, kam mesatarisht rreth 200 koncerte në vit dhe gjithmonë përpiqem të dëgjoj këshillat e muzikantëve, me të cilët punoj – tregoi Kërt Eling për Radio Bullgarinë. – Tani, pasi jam këtu, besoj se kam se çfarë të mësoj edhe nga instrumentistët bullgarë. Desha të frymëzohem nga muzika juaj tradicionale.”
Deri tani Kërt Eling ka dhjetë albume. Gjatë 2009-ës muzikanti u dekorua me “Grami” për kompakt diskun “Kushtuar ty”. Ai ka fituar një sërë çmimesh, si nga kritika, ashtu dhe nga publiku. Përveç se këndon Eling shkruan edhe tekstet e këngëve të veta. Në albumin “Passion World”, i cili do të dalë në treg së shpejti, këngëtari i talentuar i xhazit interpreton muzikë nga Franca, Italia, Polonia, Brazili, duke kënduar në disa gjuhë.
Përgatiti në shqip: Vesella Mançeva
Ka ndërruar jetë këngëtari, muzikanti dhe kompozitori bullgar Kirill Mariçkov. Tragjedia ka ndodhur në një incident në fshatin Sellanovci (Bullgaria Veroperëndimore), ku muzikanti i rock-ut duhej të kishte një koncert me "Fondacijata", njoftoi..
Muzika e këngëtares DARA është po aq shumëngjyrëshe sa ajo. Dhe këtë e vërteton edhe kënga e saj e fundit "Vjedhësi i ëndrrave". Në të, këngëtarja e re zhvillon një dialog të sinqertë me kritikun e saj të brendshëm - atë zë që shpesh na qorton dhe na..
Këngëtarët bullgarë të operës dalin në skenë për të nderuar Boris Hristovin në 110-vjetorin nga lindja e tij. Të mishëruar në role emblematike të këngëtarit të madh, por edhe me një dozë ngacmimi artistik, ata do të kujtojnë triumfet e tij botërore me..
Dara Ekimova tregon arritje të jashtëzakonshme profesionale. Këngëtarja e re arriti të realizonte 16 këngë të reja në një vit e gjysmë, të cilat i..