Pohohet se me kalimin e kohës prirja e njeriut le gjurmë të dukshme mbi pamjen e tij. Shembull për ketë është violinistja e re Jana Burova. Në fytyrën e saj duket kureshtja aq karakteristike për njerëzit e artit. Jana Burova ka lindur në një familje muzikantësh. “Kur isha fëmijë më pëlqente shumë të luajë por kur u bëra adoleshente sikur u largova pak a shumë nga instrumenti” – kujton violinistja. Në vitin 1998 ajo u ftua nga pedagogu i njohur botërisht Yfrah Neaman për t’i vazhduar studimet në Londër.
“U nisa me ndjenja të përziera sepse i lashë prindërit dhe miqtë e mi – thotë Jana Burova. – Katër vjet radhazi unë bashkëpunoja me profesorin dhe pata një periudhë shumë të bukur. Këtë profesor e kisha mjek popullor – ai e dinte të zgjidhte problemet e mia muzikore. Me vjen mirë se isha nja nga nxënëset e tij të fundit. Dobia më e madhe që nxora prej tij ishte që të jem e sinqertë ndaj muzikës dhe tekstit të saj dhe çdo gjë të interpretojë me shpirt të papërkulur.”
“Më pëlqen arti bashkëkohor – thotë violinistja. – Veprat moderne më frymëzojnë sepse ekzistenca e tyre do të thotë se bota po zhvillohet. Nëse isha nisur në një rrugë tjetër, muzika përsëri do të më shoqëronte, sepse e kam brenda meje.” Aktualisht ajo jep mësime në dy shkolla në Londër. Në shkollën e parë (Emanuel school) violinistja bullgare u jep mësime fëmijëve të moshës deri 18 vjeçare dhe i përgatit ata për regjistrim në kolegje të ndryshme. E përshkruan punën si dinamike, të këndshme dhe motivuese. Numri i nxënësve të saj është 35. Gjatë vitit 2006 violinistja nxori në treg CD-në me vepra të kompozitorëve bullgarë nga shekulli i XX-të.
Aktiviteti i fundit i Jana Burovës në Bullgari kishte të bënte me një koncert në Pallatin Kombëtar të Kulturës ku violinistja e re interpretonte vepra të Ludvig Bethovenit, Johanes Bramsit, Benxhamin Britenit dhe Dobrinka Tabakovës.
Përgatiti në shqip: Anna Kapitanova
Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
Kënga e fundit e Vlladi Ampov - Grafa është "Një herë në një milion". Autori i muzikës dhe aranzhimit është vetë Vlladi, ndërsa teksti Rushi..